IBERANI 6:2 - Nanduk Ngget Tul Pidnak Wene

² Nde, wene owak iri erep na, ap yi ma unpugwi wene min enanggul tenakwi wene min ap wat yidnak unluk yurak wene min meya yidnak onggo enpem wene mbaruwama, pempa andi bandi kerenak wolmomtak wene min iri-ge keya buwog-o.

IBERANI 6:2 ပူးပေါင်းရင်းမြစ်များ

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

MATIUS 3:14

Alat nde, Yoanes na-ge at indi-n pidnak na logud tak peyekluk-nen yosolar-e: ”Kat-nen an yi ma nuburak perak ob-et nde, kar-et nde an neram lobok yusu-a?” luk yij-o.

MARAKUS 16:16

Inndi angin tubu yogola, yi ma unpuwa nab-e, inmiri yuwa-t nde, inndi angin tubu yuwa buk nab-e, lak tak unpuwa-o.

MARAKUS 7:4

Nde, ir-e onggo pugwi sa-nen enma mbutlug-e, enpe kona marak puruk nak-nen mburu nunggwi-o. Nde, onmborak-nen ”Iri nggal kwarurag-o” yidnak yidnak erep kwarogolar-e, posid yimbe min sakwi togolwak min posid togolwak min kwara marugwi-o.

MARAKUS 7:8

Mbal Pem Nagawan-nen: ’Irit kwarurag-o’ yidnak wene-ge kir-e mbo buruk, konmborak ki nap-nen yidnak wene nde puksa tena worali-o” luk yak indij-o.

LUKAS 11:38

Nde, Yesus-nen mburu norak pem inggi marigit lak nasola karug-e, Parisi nap na-nen-e wendet yij-o.

LUKAS 12:50

An nebem andi bandi mburak mende-ge mondok ija lombok worasu-o. Iri awo kwat nibigit lak worala-ge, nindi kondoksa worasu bug-o.

LUKAS 14:14

it-nen onggo sak kururag-e lak me, imbiringgat tak kubuwa-o. Lud tak woragwi nap tuguruk unluk tak puwa tarem-nen-e Mbal Pem Nagawan-nen onggo wok kuruwa-o” luk yij-o.

LUKAS 3:16

Yogolikma-ge, Yoanes-nen it pidsa yak ondosolar-e: ”An-e we yi bem mat kunpusu-t nde, an-e teberak-nen yusu-o. An nimbirig-e ap nggulok mbi lobok yuwa-o. An nggal-nen-e at ijok sum kere wusururag-e meya-o. At iri-nen-e Konak Indi bem, kanduk pem yi mat kunpuwa-o.

YOANES 1:33

Iri tarem-e an-e at kabag-et woragi-t nde, we yi bem yi ma unpuwakluk wirik nibidnak nap Mbal Pem Nagawan-nen yak norosolar-e: ’Konak Indi-ge mbumarik, ebem pak yosola kagun nap iri-nen Konak Indi bem ap yi ma unpuwa nab-e irir-o’ luk yak nirij-o.

YOANES 5:29

yapma inpidnak sa-nen men ma tarem-e panggo yij-o. Men yogolar-e, konak nak kwarogolat woraidnak nab-e unlug-et wolmomtak pem men ma-o. Nde, meya kwarogolat woraidnak nab-e enpem wene mbarurak pem men ma-o” luk yij-o.

YIDNAK YIDNAK WENE 10:47

”Konak Indi-ge nit wanige na nggal-et it na irit wanigarik me, ta-nen nde: ’It yeba-ge yi ma unpurak pug-o’ yuwa-o?” luk yij-o.

YIDNAK YIDNAK WENE 13:3

Yak ondosoloma-ge, ir-e mburu ninggit lak woragolar-e, tepan luk, it ininggi-nen mberen nap na tena unpurug-e, wirik inpiga-o.

YIDNAK YIDNAK WENE 16:15

Wanosoluk, kwe na min at ama woragwi nap pidsa min yi marak onpogolikma-ge, kwe na-nen nit nenmengen mbarosolar-e: ”Kit-nen nde an lombot nuburuk, an-e ndemeret Nagawan Indo ebem nindi angin tubu yidnak ala neyarug-e, an nama mburulndik, iri me totno wolmog-o” luk kiri keresa yak nondosolat woragaij-o.

YIDNAK YIDNAK WENE 16:33

Yak ondogolikma-ge, kubu nggwe ereya na-net o kubu me yik karok woraso nap na-ge mberen nap na inmin mberarig-e, indidnak ud na yi masa keya inpij-o. Onposoloma ereya na-net at min at ogwe la pidsa inmin-e yi ma rak inpiga-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 2:41

Yak ondosoloma-ge, at-nen yidnak wene waniga nab-e yi ma inpiga-o. Iri tarem-et it inmin lambinil nggogolar-e, ab-e tigaribu (3,000) nggal yiga-o.

YIDNAK YIDNAK WENE 23:6

Nde, Paulus-nen wene mbarugwi nap na yik eneyagaidnggal-e, ereb-e Saruki nap, nde, ereb-e Parisi nap alama-ge, at-nen ene ngguloksa wene mbarugwi nap yak ondosolar-e: ”Nanggamirak wa-e. An-e Parisi nap-nen nderak me, an na Parisi nap-net yusu-o. Nde, an nebem wene mbatli yu-ge an-e wat yidnak nap unluk ma-o luk iri bem nindi mbung mbung tak woraso na bem nebem wene mbatli kagi-o” luk yij-o.

YIDNAK YIDNAK WENE 24:15

Lud tak nak yugwi nap-nen na, meya kwarugwi nap-nen na wat yidnak nap ennggendumu-nen unluk ma-o luk, it-nen yili iri nggal-et an-nen na iri nggal-et kwat ma-o luk nindi mbung mbung tak worasu-o.

YIDNAK YIDNAK WENE 24:21

Are, it ennggendumu mendak worasolar-e, an-nen wene misiget mbi nene nggoksa yosolar-e: ’Kit yawo an nebem wene mbatli yu-ge ap wat luk unluk yugwi iri na bem yili-o’ luk yigi-o.”

YIDNAK YIDNAK WENE 24:25

Alat nde, Paulus-nen-e lud tak kwarugwi wene yosolat, inndi-nen tebe yoso wene yosolat, abok-nen nit nenpem wene mbarurak tarem obok yosolat yosola karug-e, Pelik iri na kwiye kwarat luk-nen yosolar-e: ”Yu bem-et ndag-o. Mbiri-o. Abok-nen kat kene kulurak tarem ndak yosola-ge, yonggo kibimin-o” luk yij-o.

YIDNAK YIDNAK WENE 26:8

Nde, Mbal Pem Nagawan-nen wat yidnak nap unluk yaga wok ondoso iri-ge kir-e noluk-nen kinndi te rak pili-o?

YIDNAK YIDNAK WENE 4:2

Lobok yogolar-e, mberen nap iri-nen ap ereba na mirik onpogolar-e, Yesus na uruk yidnak pem-e wat yidnak nap ennggendumu-nen-e ap unluk momtak wene owak na mirik onpogola karuk, it insilepma kwarat mberen nap na enpem piga-o.

YIDNAK YIDNAK WENE 6:6

It iri-ge wirik inpidnak nap na endam inpil lobok yogola-ge, ir-e tepan yuruk ininggi-nen tena inpiga-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

1 KORINTUS 10:2

Ir-e Musa imbirik mburugwi nap kwat makluk, nggan nggan min yi koma min-nen mat inpij-o.

1 KORINTUS 12:13

Iri nggal-et, nit pidsa-ge Yawuri nap na irit, Yunani nap na irit, ndegel unpuwakluk onnggo pidnak nap na irit, weserak woragwi nap na irit, Konak Indi misiget iri-nen nit pidsa ebe misiget tak nenpeyekluk yi ma nonposola, nit pidsa-nen yi ninggidnak nggal Konak Indi misiget nak mak nondosola, nili-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

PILIPI 3:21

At lobok yuwarig-e, nit nenpe piri yoso yu-ge nin tak nunpuruk, at ebe abinal worak iri nggal tak nunpuwa-o. Iri kwat nonposolar-e, yi mende ndi mende oboksa at urugwe nggwe rak poso amawi iri bem-net kwat nunpuwa-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

2 TIMOTIUS 2:18

It iri-ge ndemeret wene na lugud tak pogola-nen mul ondogolar-e: ”Ap unluk momtak tarem-e abu kwat yamu-o” yogola-ge, ap erep inndi angin tubu yidnak na lak tak pili-o.

IBERANI 11:35

It kwami na inndi angin tubu yidnak pem-net it winde na abu wat yidnag-et nde, unluk tak onpogola, wok inpiga nar-o. Nde, ap erep-nen-e wat luk ombol nggwe konak nak wolmomtak pem tuguruk unluk tak unpuwakluk, inndi te bem-et andi bandi sa ondogola-t nde, ”An nimiri yurag-e nimbir-o” luk yiga-o.

IBERANI 9:10

Nde, Mbal Pem Nagawan amanggim pugwi iri-ge nunggwi mende nde, yi nunggwi nde, yi mende ndi mende yi marugwi wene nde iri-ge we enaboro-nen kwarugwi mende-o. Iri kwarugwi iri-ge kwat tenag-et worakmu, Mbal Pem Nagawan-nen ngget kwarak puwa tarem wok yosola-nen keya burag-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.