IBERANI 5:9 - Nanduk Ngget Tul Pidnak Wene

⁹ At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

IBERANI 5:9 ပူးပေါင်းရင်းမြစ်များ

NDAWI ENGGA 51:6

Kat-nen-e ndemeret ab-e mot mot wolmomtak irit perasu-o. An nindi-ge kindi nggat nggat elem-nen kobong tak nibi-o.

NDAWI ENGGA 51:8

Kat-nen nindi abi kala yigisa keya bigen yu nindi abi tuguruk mot makluk, enalin enalen tak unpurak wene koleyeg-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

LUKAS 13:32

Yak togolikma, Yesus-nen it yak ondosolar-e: ”Wene yu waruk ndak-ge iri yak til mberer-o: ’Yawo min kup min-e kugi wirik posolat, ap ki rak onposolat woramin-o. Nde, kenan tak posolat-nen perak nde, neyabu wu rak pimin-o’ yij-o luk yak til mberer-o.

YOANES 19:30

Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk anggul wandu yidnggal-e, indisep worok yij-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

YIDNAK YIDNAK WENE 5:32

Nde, ereba kwaridnak oboksa iri-ge nit-nen na irit, Mbal Pem Nagawan-nen yidnak yidnak wanugwi nap wok indidnak Konak Indi-nen na irit, nenlengen-nen kaidnak nap-nen yili-o” luk yiga-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 10:16

Alat nde, it oboksa-nen aid wene wanili-ge lag-o. Nde, Yesaya-nen yosolar-e: ”Nagawan Indo wa-e. Nit-nen yidnak wene bem-e ta-nen nde inndi angin tubu yij-o?” luk yij-o.

OROMA 15:18

An-e kwiye lag-et wene yusu yu-ge, yu bem-nen yusu-o. Kerisut an narem worala-nen-e enlem nin nap iri-nen Mbal Pem Nagawan-nen yidnak yidnak kwarugwi nap makluk, nene bem-nen na, kwaroso bem-nen na,

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

2 KORINTUS 10:5

Ap enmberam lagwi wene iri-ge lak tak pogolat, Mbal Pem Nagawan enaru mul naru inndi kek tak pem wiridnak kerep pak ndamarak pogolat yili-o. Nit ninndi-nen peragwi oboksa yemendak puruk Kerisut-nen yidnak yidnak nak kwaruwakluk indipma rak pili-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

2 TESALONIKA 2:16

Nit Nenagawan Indo Yesus Kerisut at-nen na, Nineid Mbal Pem Nagawan-nen na, nit nenabuwa karuk, we wok ondoso elem pem-nen wok nondosolar-e, lak yoso buk inndi yangonoso elem min inndi mbung mbung tak woragwi elem min wok nunduruk,

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 11:40

Nde, it wanigit lak yiga iri-ge, Mbal Pem Nagawan indi-nen nit nenperasolar-e, terak minik konak mende wok nundurak iri-ge it ereba-ge nit ninmin totno-nen iminep mbarak nunpurak irit peragaij-o.

IBERANI 11:8

Nde, Abaram na indi angin tubu yidnak pem-net Mbal Pem Nagawan-nen yonggo obosola, at-nen-e Mbal Pem Nagawan-nen yidnak yidnak nak kwarosolar-e, Mbal Pem Nagawan-nen: ”O iri me wok kirimin-o” luk urul yak tidnak sa iri na mo-t mbirij-o. Nde, at ama keya buruk mborosolar-e, an-e o iri na me-t mburusu-o luk peragit lak, indi kabak irit mbirij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 2:10

At ondomok amanggim at-nen yi mende ndi mende oboksa ndak worak pid Mbal Pem Nagawan iri na-nen Yesus-e at andi bandi kagaid iri bem-net iminep mbarak ibid iri-ge yurag-et kwarij-o. Iri bem-nen-e at ilirak kwarar-e at unu kek tak pidnak na erep wanuwakluk andi bandi kagaij-o. Nde, iri yid nap Yesus iri-ge ap inmiri yurak tula nggwe lit eneyaruk mboroso nap-net yusu-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

IBERANI 9:12

Nde, Kerisut na-ge sum-nen wiridnak wi O Mondok Marak Sa iri me nggosolar-e, pem-et woralik nalik momtak pem misik pem na nggwij-o. Iri me nggosolar-e, kambing wam eyabi nde sapi wam kusi marik eyabi nde Mbal Pem Nagawan amanggim peyekluk waruk nggwigit lag-o. Are, at ondomok eyabi waruk nggosolar-e, nit nunlug-et pem-et woralik nalik wolmakluk, weserak ninpij-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.