IBERANI 5:7 - Nanduk Ngget Tul Pidnak Wene

⁷ Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

IBERANI 5:7 ပူးပေါင်းရင်းမြစ်များ

NDAWI ENGGA 22:24

At-nen-e ap anggun panggun tak inpili nab-e ebe lak mende nggal-e yik eneyaso bug-o. It-nen anggun panggun kagwi iri na eneyak nggal yig-e eneyaso buk me, ar-e endam-nen nden karuk mboroso bug-o. Alat nde, it-nen nde ”Yongga nindi-o” luk at eram nggi yogola-ge, it enne-t koloso-o.

NDAWI ENGGA 69:1

Mbal Pem Nagawan wa-e. Yi-ge kobongsa luwasolat, nurusuwak kuri yusu me, kat-nen nimiri yi-o.

YESAYA 49:8

Nagawan Indo-nen at ilirak yak ondosolar-e: ”An-nen nindingen tak kinpimin tarem-e kenne erep nggarimin-o. An-nen kit kinmiri yimin tarem-nen-e yongga kindimin-o. An-nen-e nggetlel kunpuruk woralat, yik keneyarok woralat, ap enlem oboksa enmanggim urul pidnak wene nggal tak kinpimin-o. Kit kunuwi nggweyak mondok aptupo luk kugun yid iri na-ge an-nen tuguruk ondolma rak pumu, tuguruk kit kunuwi nggweyak kwat ma-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

MATIUS 27:46

Nde, jam tiga bem-e, Yesus-nen ene ngguloksa yosolar-e: ”Eli, Eli, lama sabaktani?” yid iri-ge ”Nambal Pem Nagawan wa-e. Nambal Pem Nagawan wa-e. Kar-e noluk keya nibigen-o?” luk yosolat-nen yij-o.

MATIUS 27:50

Yogolikma-ge, Yesus na kwa nggulok yuruk, indisep worok yij-o.

MARAKUS 15:34

Keyama, jam tiga yosoloma-ge, Yesus na ene ngguloksa yosolar-e: ”Eloi, Eloi, lama sabaktani?” luk yij-o. Wene iri yid iri-ge: ”Nembal Pem Nagawan wa-e. Nembel Pem Nagawan wa-e. Noluk-nen keya nibigen-o?” luk yosolat-nen yij-o.

MARAKUS 15:37

Yosoloma-ge, Yesus-nen nggwa lug-e, wat yij-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 11:35

Yogolikma-ge, Yesus na yip tij-o.

YOANES 11:42

Kar-e an nene pempa koloso iri-ge an naru-t nde, ap ndok wiriga yeba-nen kuluruk, an-e kat-nen ibil lobok yamu-o luk inndi angin tubu yuwakluk-nen wene yu yusu-o” luk yij-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

IBERANI 10:10

Nde, Yesus Kerisut-nen Mbal Pem Nagawan indi-n pidnak nak kwaridnak pem-e, nit pidsa-nen meya yogolat woraidnak iri mbek tak ninpid iri-ge, at na at-net ondomok ebe posolar-e, pem-et woralik nalik wolmomtak amanggim misiget pem nak pij-o.

IBERANI 10:5

Iri bem-e, Kerisut na-ge nggweyak ma yu me mbuwasolat-nen Mbal Pem Nagawan yak tosolar-e: ”Kar-e wam wosa eyabi kamanggim pugwi min kat kamanggim eyabi wirik pugwi min kar-e kisili-o. Alat nde, nebe kwarak nibigen-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

IBERANI 12:28

Iri bem-e, nit nunuwi nggweyak iri-ge mondok tugup lak wolmomtak wi wok nindidnak me, Mbal Pem Nagawan wa yak togolat wolmog-o. Nde, Mbal Pem Nagawan-nen ”Iri nggal kwat nubuwag-o” luk yidnak pem at erembel wanogolar-e, ninndi kwiye min-et at kek tak pogolat wolmog-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

IBERANI 2:14

Nde, ”nilirag-o” luk inmin yid nap ereba na-ge, ki nap enaboro nde eneyabi nde worak-net yili me, Yesus-e it enaboro worak yid iri bem-e ki nap enpage worak irit woragaij-o. Iri yid iri-ge Yesus wat yosolat-nen-e wat yugwi elem tena woraso Sere amawi na urugwe nggwe rak peyekluk-nen wat yij-o.

1 YOANES 4:3

Alat nde, ”Yesus Kerisut iri-ge ki nap nggal luk lobok yij-o” luk yusu buk nab-e Mbal Pem Nagawan-nen idnak Konak Indi-ge at arem worasu-ge lag-o. Nde, at arem-e Kerisut uwim nap indi worasu-o. Nde, iri yidnak indi lobok yuwa-o luk kuligep na-ge yawo nggweyak ma yu me wok yarik worasu-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.