IBERANI 5:3 - Nanduk Ngget Tul Pidnak Wene

³ Nde, at-nen na irit mborok tak nak kwaroso me, at-nen lomba wam wosa eyabi-ge Mbal Pem Nagawan amanggim posolar-e, ap erep-nen meya yogolat woraidnak enmanggim nak poso bug-o. Are, at-nen meya yosolat woraidnak amanggim na posor-o.

IBERANI 5:3 ပူးပေါင်းရင်းမြစ်များ

TEPAN OMBO-NEN KWARURAK WENE 16:15

Iri rak purug-e, Arun-nen Isarael nap meya yidnak korak purak amanggim pidnak kambing iri na wutluk, eyabi-ge o mondok marak iri na me waruk ngguruk, yanem sapi eyabi kwaridnak iri na nggal-et kwasa urul pidnak labu mbarak usurup pem nggweyel karuk, urul pidnak wene labu mbarak at ambigit nam nggwe tuju bem nggweyel karuk, kwarurag-o.

TEPAN OMBO-NEN KWARURAK WENE 16:6

At Arun ondomok-nen na, at ondomok ogwela inmin enmanggim na it meya yidnak lak tak purak sapi wam kusi misik wosa burag-o.

1 KORINTUS 15:3

An-net wanigi wene owak ndum irit yak kindigi-o: Nde iri-ge, Mbal Pem Nagawan engga bem-nen mbarak iri na ndak ndag-et Kerisut-e nit meya yidnak nenmanggim wat yamu-o.

IBERANI 10:12

Alat nde, Kerisut-nen-e ap-nen meya yogolat woraidnak pem misiget pem nak Mbal Pem Nagawan amanggim wosa posolar-e, pem-et woralik nalik wolmomtak mende irit puruk, Mbal Pem Nagawan inggi kigit nggwe kore yij-o.

IBERANI 7:27

Nde, Yesus na-ge it tepan omborak nggulok erep ereba na nggal-e lag-o. It-nen-e pempa Mbal Pem Nagawan amanggim wam wosa eyabi pogolar-e, nandug-et it ondomok meya yidnak pem puruk, imbirig-e ap pidsa meya yidnak pem pugwi-t nde, Yesus-e misik tarem nak Mbal Pem Nagawan amanggim posolar-e, wam wosa eyabi pidnak nggal at ondomok eyabi pij-o.

IBERANI 9:7

sum-nen wiridnak wi kuri worak ponok nggwe iri me-ge at tepan ombo nggulok ariget nak, o lengen misiget pem-e misik tarem nak nggosolat woraso-o. Iri me nggosolar-e, lomba wam eyabi wanuruk at ondomok amanggim na, it ap iri-nen-e an-e meya-t nde kwarusu-o luk peragit lak ma meya yogolat woraidnak amanggim na Mbal Pem Nagawan amanggim eyabi poso-o.