IBERANI 5:2 - Nanduk Ngget Tul Pidnak Wene

² Tepan ombo nggulok at na yi mende ndi mende bem ndeyak yoso me, it enaru buk, mborok tak nak kwarugwi nap inmin-e indi luruk puruk woraso-o.

IBERANI 5:2 ပူးပေါင်းရင်းမြစ်များ

MBIRIGA WENE 32:8

Ir-e an-nen yidnak wene-ge keya buruk, lugud tak nggwe mborogolar-e, emas omok wosa sapi wam mbi ndak wutluk, kek tak pogolar-e, amanggim wam wosa pogolat-nen yogolar-e: ’Yu-ge Mesira-nen lit nunpuruk lobok yid Mbal Pem Nagawan iri nar-o’ luk yili-o.

YESAYA 30:11

Ndak kenpe-o. Ndegera mberer-o. Kir-e Isarael nap Enmbal Pem Nagawan mondok marak iri na owene pem ndak sil pal neneyerenak worali meyog-o” luk yili-o.

LUKAS 22:32

Alat nde, Simon wa-e. Kat kindi angin tubu yigen iri-ge tugup lak woranokluk, an-e kat kamanggim tepan yigi-o. Nde, kar-e tuguruk an neram lobok yugundig-e, kat kanggamirak na inndi eyak wurugun na-e” luk yak tij-o.

2 KORINTUS 11:30

An nde mondok nindi kek tak purak ala-ge, an ndeyak yidnak pem-net nindi kek tak pimin-o.

2 KORINTUS 12:5

Ap iri-nen yidnak pem perak nde an-e nindi kek tak pimin-o. Alat nde, an nondomok nebem-e nindi kek tak pimin pug-o. Are, an ndeyak yidnak pem perak nde nindi kek tak pimin-o.

NGGALATIA 4:13

Nandug-er-e an nebe kugi niridnak me, aid wene kit yak kondosolat woragi iri-ge kenaru nar-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

IBERANI 12:13

Konowak ya langgok nugwi iri na ebem lud ma naru, tula ndung tak nggwe nak waring kagolat wolmer-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

IBERANI 2:18

Nde, at indi ngarosola, andi kasolat woragaid na bem-e nin nap inndi ngarosola, at-nen-e it yongga undurak iri-ge ndak-nen yusu-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

IBERANI 7:28

Nde, Musa-nen imiri mbarak pidnak wene-nen-e tepan ombo nggulok mendak onposolar-e, lugud tak kwarugwi ki nab-et mendak onposo-t nde, imiri mbarak pidnak wene imbirik lobok yid, Mbal Pem Nagawan-nen owak mbara urul pidnak wene iri-nen-e tepan ombo nggulok mendak posolar-e, pem-et woralik nalik iminep mbarak wolma Mbal Pem Nagawan Ambara irit mendak ibij-o.

IBERANI 9:7

sum-nen wiridnak wi kuri worak ponok nggwe iri me-ge at tepan ombo nggulok ariget nak, o lengen misiget pem-e misik tarem nak nggosolat woraso-o. Iri me nggosolar-e, lomba wam eyabi wanuruk at ondomok amanggim na, it ap iri-nen-e an-e meya-t nde kwarusu-o luk peragit lak ma meya yogolat woraidnak amanggim na Mbal Pem Nagawan amanggim eyabi poso-o.

YAKOBUS 5:19

Nanggamirak wa-e. Kit kennggendumu ap mbi-nen ndemeret wene na keya buruk, nin tula mburuwa-t nde, ap mbi-nen tuguruk nden yaga ibil lobok yosola-ge,

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

WENE MBENARUGWI NAP-NEN KWARIDNAK WENE 2:17

Alat nde, ir-e enne kulurak nap ereba-ge no mende nggal tak onpogolat woraiga-o. Iri yogolar-e, Nagawan Indo-nen yidnak yidnak tugup lak kwarigit lak, kugwiwak nde erembel wanogolat woraiga-o. Nde, ir-e onmborak-nen Nagawan Indo nen enpem pidnak nak kwatli ereba na nggal-e kwarigit lak yiga-o.