IBERANI 5:12 - Nanduk Ngget Tul Pidnak Wene

¹² Nde, kir-e ap mul undurak nap kwat yurag-e yigeb-et nde, Mbal Pem Nagawan wene owag-e awo kenaru yigit lak me, ap erep-nen kwara mul kundurak worasu-o. Kir-e indi worak-nen nunggwi mburu-ge ninggit lak, kamongen nak nonggolat worali-o.

IBERANI 5:12 ပူးပေါင်းရင်းမြစ်များ

2 SEMUEL 16:23

Nde, ereya tarem-e Agitopel-nen yidnak wene oboksa-ge Ndaut-nen na irit Apsalom-nen na irit Mbal Pem Nagawan-nen yosola nggal kologoluk kwarogolat woraiga-o.

ESERA 7:10

Nde, Esera-nen-e Nagawan Indo-nen ”Irit kwarurag-o” yidnak wene min it-nen kwat tenak woragwi wene min oboksa iri na at-nen kwarosolat, ereba na Isarael nap mul ondosolat kwarurak pem-e Nagawan Indo-nen idnak imiri mbarak pidnak engga iri na-ge mondok kwara-t mbenarosolat woraso-o.

NDAWI ENGGA 34:11

Li marik marik wa-e. Nagawan Indo indi aye worak wolmomtak wene mirik kinpimin yu kwara koler-o.

YESAYA 28:13

Kit iri kwarigep iri bem-nen Nagawan Indo-nen mul kondosolar-e: ”Mondok yu-o. Iri-o” yosolat, ”Mondok yu nggal kwarurag-o. Iri nggal kwarurag-o” yak kondosolat, ”Siyak eralu yu nggal purag-o. Iri nggal purag-o” luk mirik kunpusu-o. Iri-nen ndowaga kit nak-nen mborogolar-e, wosa mbogolar-e, mep tak konposolat, sabu arem ngonok yogolat, kamat kunpuruk mborogolat ma-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MARAKUS 9:19

Yosoloma-ge, Yesus-nen it yak ondosolar-e: ”Kinndi angin tubu yugwi buk nap wa-e. Nunggwirik tarem nggal kinmin woramin-o? Nunggwirik tarem nggal kinmin momak puruk woramin-o? La iri-ge an neram waruk lobok yer-o” luk yak indij-o.

YIDNAK YIDNAK WENE 7:38

Nde, Musa iri na-t Isarael nap ndok worak ennggendumu karu me worala-ge, Sinai ndobo bem iri na me-nen aid nap-nen yak tidnak wene iri-ge ar-e ngarak koro me, nit nen-lawingga yak indij-o. Nde, nit yak nunduwaklug-e, unluk wolmomtak wenege Musa irit wok tij-o.

OROMA 3:2

Lag-o. Iri mende-ge nggulok-nen yusu-o. Nanduk tak posolar-e, Mbal Pem Nagawan-nen-e at owene-ge Yawuri nap ininggem pij-o.

1 KORINTUS 14:19

Alat nde, lambuk tak inpidnak nap ennggendumu-nen-e ap mul endeyekluk-nen nin wene nan wene bem-e wene ber-ribu ribu wonarurak puk wene yak undurak keya buruk, it-nen kulurak wene bem wene lima nggal nak yurag-e mondok nindingen-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

IBERANI 10:32

Nanduk woraigep iri na kinndi yebet ker-o. Iri tarem-e Mbal Pem Nagawan eyaya wanigep pem-e anggun panggun kwarat kenpem mbosola-t nde, kir-e mamak puruk woraigeb-o.

IBERANI 5:11

Yesus tepan ombo nggulok worasu wene-ge wene erep kwarat yak kundurag-et nde, kir-e ndag-et yenggerak pili buk ala, mirik kunpurag-e meya-o.

IBERANI 5:13

Ta-nen nde kamongen iri nak nasu ala-ge, li nggisiya indi worak me, lud tak nak kwarugwi wene owak iri yebet kudtag-e meya-o.

IBERANI 6:1

Iri bem-e, Kerisut owene owak nandug-et iri na nak wanugwi iri keya buruk, nit ninndi amburu mbarak purak wene owak irit wanogolat wolmog-o. Nggeret wanogolat-nen yugwi wene owak iri-ge ebe lak mende keya buruk kondok yurak wene min Mbal Pem Nagawan ebem ninndi angin tubu yurak wene min iri na-t yik tenak worali iri-ge keya buwog-o.

1 PETERUS 2:2

Nde, kamo nonggolar-e, kenpe nggok yogolat, kinmiri yuwaklug-e, li nggisiya ngget nderak-nen ndemeret kamo nere yili nggal, iri nggal-et kit na ndemeret kamo Mbal Pem Nagawan-nen yidnak wene iri nere kagolat wolmer-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.