IBERANI 4:9 - Nanduk Ngget Tul Pidnak Wene

⁹ Iri bem-e, Mbal Pem Nagawan-nen tuju bem tak posolat ababok kwarid iri nggal Mbal Pem Nagawan ilirak enmanggim enpabok kwarurak tarem-e worasur-o.

IBERANI 4:9 ပူးပေါင်းရင်းမြစ်များ

NDAWI ENGGA 47:9

Ap enlem lombok nagawan oboksa-nen-e Abarakam-nen erembel wanoso Mbal Pem Nagawan ilirak inmin lambuk yili-o. Mbal Pem Nagawan iri-ge nggweyakma yu me nagawan ereba na enanggul pem nagawan me, mondok kek tak-nen yusu-o.

MBIRIGA WENE 16:30

Iri bem-e tuju bem tak pogolar-e, mondok yabu wanigit lak we woraiga-o.

MATIUS 1:21

La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 11:25

At iri-ge Mbal Pem Nagawan ilirak inmin lambuksa andi bandi kudtak iri indingen tak puruk, meya kwarosolat woralat-nen we luru alen kudtak iri isili rak pij-o.

IBERANI 3:11

An-e nisilepma luk, owak mbarosolar-e: ’An nindisep kwaroso sa iri me-ge it iri-nen-e neram-e mondok pem ngguma bug-o’ luk yigi-o.”

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

IBERANI 4:10

Nde, ta-nen nde Mbal Pem Nagawan indisep kwaroso sa iri na me ngguwa nab-e Mbal Pem Nagawan-nen yi mende ndi mende ndak worak puruk indisep kwarid iri nggal at eyabu ndegera keya buruk indisep kwaruwa-o.

IBERANI 4:3

Nde, nit ninndi angin tubu yige nab-e Mbal Pem Nagawan indisep kwaroso sa iri me-t nindisep kwaril nggul-o. Iri-ge Mbal Pem Nagawan-nen yosolar-e: ”An nisilepma luk owak mbarosolar-e: ’It iri-ge an nindisep kwaroso sa iri me mondok pem ngguma bug-o’ luk owak mbarigi-o” luk yij-o. Iri yid iri-ge o nggweyak yu me ndak worak pidnak kuri-net at eyabu pidsa worak tak pij-et nde, at-nen iri yij-o.

IBERANI 4:8

Nde, Yosuwa iri-nen nde it indisep kwarurak sa iri me wok unpuruk nggwidnggal-e, Mbal Pem Nagawan-nen-e nin tarem urul pid iri-ge tuguruk urul pelep pug-o.

1 PETERUS 2:10

Nde, nanduk woragolar-e, kir-e Mbal Pem Nagawan ilirak woragit lag-et woraigep, nde, yawo-ge kir-e Mbal Pem Nagawan ilirak-nen yili-o. Nanduk Mbal Pem Nagawan-e kit kunpud kagit lag-et nde, yawo-ge kunpud kasu-o.

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.