IBERANI 4:6 - Nanduk Ngget Tul Pidnak Wene

⁶ Nde, ap ereb-e at indisep kwaroso sa iri me ndak ngguwa-o luk yidnag-e nam-et worasu-o. Alat nde, it nanduk nandug-et konak wene kuliga nab-e it inndi angin tubu yigit lak iri bem-nen indisep kwaroso sa nggwigit lak yiga-o.

IBERANI 4:6 ပူးပေါင်းရင်းမြစ်များ

YESAYA 65:15

An-nen len inpidnak nap-nen-e ap inmbiri lamut tak onpogolat, kit kunnu min ndak worogolar-e: ’Nagawan Indo Mondok Kek tak iri na-nen kir-e it indid iri na nggal kunduwag-o’ luk yogolat wolma-o. Alat nde, ap an-nen yidnak yidnak kwatli nab-e unnu ngget yarimin-o.

WONARIDNAK WENE 14:12

Iri ala, an-nen perek perek mboroso kugi bem lak tak inpimin-o. Nde, it yu enmawi-ge mariger-et nde, kar-e an-nen up enlem mondok nggok enmawi worak nap misik onmbo rak kibimin-o” luk yak tij-o.

WONARIDNAK WENE 14:31

Kit-nen yogolar-e: ”Ninlirag-e wim kugun pem wok unpuruk mburuwa-o” yigeb-et nde, it irit an-nen wok unpuruk, o kit-nen keya bili iri me-t wok unpuruk mburumu, o iri-ge it unuwi nggweyak kwat ma-t nde,

MATIUS 21:43

Iri bem-e an-nen yak kendeyeg-o: Mbal Pem Nagawan-nen tenaga-idnak wi-ge kit kininggem-nen mengga wanuruk, Mbal Pem Nagawan-nen tenagaidnak wi engen konak puwa nap enlem irit wok unduwa-o. [

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

1 KORINTUS 7:29

Nanggamirak wa-e. Yu nggal yosolat-nen yigi-o: worok yurak tarem-e panggo yusu me, yawo kuri-nen-e onkwe worak nab-e onkwe lak nggal wolmag-o.

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

IBERANI 4:2

Nde, konak wene iri-ge it-nen kuliga na nggal-et nit na kulige-o. Nde, wene iri kologolat woraiga-t nde, wene na bem inndi angin tubu yigit lak yigarik me, wene na-ge it enmanggim-e ebe lak mende nggal yij-o.

IBERANI 4:9

Iri bem-e, Mbal Pem Nagawan-nen tuju bem tak posolat ababok kwarid iri nggal Mbal Pem Nagawan ilirak enmanggim enpabok kwarurak tarem-e worasur-o.