IBERANI 4:12 - Nanduk Ngget Tul Pidnak Wene

¹² Nde, Mbal Pem Nagawan-nen yidnak wene-ge uruk nak woraso, amawi kwarat-nen yusu-o. Yalawi anggat ponok ponok worak iri-ge anggar-e te-t nde, Mbal Pem Nagawan-nen yidnak wene-ge anggar-e terak minik-net yusu-o. Wene iri-nen at enarem nggosolar-e, enaboro-nen ukwe yugwi inndi na arik lenak posolat, inndi-nen ukwe yugwi inndi na arik lenak posolat, il min enpa min lenak posolat; ap inndi-nen ukwe ukwe yugwi min ap inndi arem-nen yebet kagwi min nam tak poso abam-nen yusu-o.

IBERANI 4:12 ပူးပေါင်းရင်းမြစ်များ

NDAWI ENGGA 110:2

Nagawan Indo-nen-e Sion-nen kat-nen tenakun wi-ge nemena mbo nggok tak posolat-nen yosolar-e: ”Kat-nen-e kuwim nab-e kinggiyapma rak unpuruk woragun-o” yij-o.

NDAWI ENGGA 119:130

Kat-nen mul ondoso wene ereba nde ”Iri nggal-o” luk, engen wanogola-ge, ap inndi yaya rak posolat, enaru buk nap na yebet kudtak inndi tenggerak posolat yusu-o.

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

NGGOMO WENE 5:4

tena buruk ombol nggwe-ge anggun panggun mende min andi bandi mende min nak kebem mbuma-o.

YESAYA 11:4

Nde, insilobulo lak nap enpem wene mbenarosolar-e, mot mor-et mbenarosolat, ap nggeyok tak it-nen kwarurak enmawi lak nab-e mot mor-et it enambigit mbiring yosolat, ap-nen lugud tak kwaridnak nab-e at-nen yidnak pem-et angin worak enpem pogolat, meya kwaridnak nab-e abu abu lak tak unpuwa-o,

YESAYA 49:2

At-net an nene yalawi anggat nggal anggat worak posolat, at inggi-net an nggetlel nuburuk woragij-o. At-nen-e mare anggat nggal nanggat kilik puruk, mbising kudtak pem nggeren wisirik pugwi nggal tak nibij-o.

YESAYA 55:11

an nemndam nggwe-nen wirik pidnak wene-ge we ebe lag-et an neram tuguruk luma bug-o. Alat nde, an nindi-nen pidnak ereba na kwat yosolat, an nindi-nen ’Kwat mag-o’ yidnak ereba na ebe kwarak posolat yoso-o.

YEREMIA 23:29

An-nen yidnak wene-ge kanduk min ndonggwid kereb-et nde ndamoroso iri na min nggal-nen yusu-o.

LUKAS 8:11

Yuruk, Yesus-nen yosolar-e: ”Nden karuk wene na ebe-ge yu-o: Uwi iri-ge Mbal Pem Nagawan-nen yidnak wene-net yusu-o.

YOANES 12:48

An isili rak nuburuk, an-nen yidnak wene kulusu buk nab-e at ebem wene mbarurak nab-e worasu-o. I woronosolat tarem an-nen yidnak wene-net ap iri ebem wene mbaruwa-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

YIDNAK YIDNAK WENE 4:31

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

YIDNAK YIDNAK WENE 5:33

Yogola kulurug-e, it na ebem lud insilepma lug-e, it wirik inpidnak nap yu na unduwokluk yiga-o.

YIDNAK YIDNAK WENE 7:38

Nde, Musa iri na-t Isarael nap ndok worak ennggendumu karu me worala-ge, Sinai ndobo bem iri na me-nen aid nap-nen yak tidnak wene iri-ge ar-e ngarak koro me, nit nen-lawingga yak indij-o. Nde, nit yak nunduwaklug-e, unluk wolmomtak wenege Musa irit wok tij-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

1 KORINTUS 1:24

Yawuri nap na irit, enlem nin nap na irit, Mbal Pem Nagawan yonggo inpidnak nap enmanggim-e wene yu-ge Kerisut Mbal Pem Nagawan amawi min Mbal Pem Nagawan indi lid tak elem min at-net yusu-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

EPESUS 5:13

Alat nde, yi mende ndi mende oboksa-ge yaya-nen nam tak posola-ge, nam yusu-o. Nde, nam tak pidnak mende iri na-ge yaya-nen yusu-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

EPESUS 6:17

Kit kinmiri yurak wene-ge enanggul ndimno nggal wanogolat, Konak Indi-nen wok kindidnak yalawi nggal wanogolar-e, Mbal Pem Nagawan engga irit waner-o.

1 TESALONIKA 2:13

Nde, wene misik yu bem-nen na nir-e Mbal Pem Nagawan wa-o luk kundugu yak tili-o. Nir-e Mbal Pem Nagawan-nen yidnak wene-ge kit yak kindil lobok yogola-ge, kir-e wene na kuluruk wanogolar-e, ki nap-nen yidnak nggal wanigit lag-o. Are, Mbal Pem Nagawan-nen yidnak wene-o luk wanigep nar-o. Nde, wene iri-ge ndemeret Mbal Pem Nagawan-nen yidnak-nen yusu-o. Nde, Mbal Pem Nagawan-e kit kinndi angin tubu yidnak nap kenarem yabu wanusu-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

IBERANI 13:7

Nandug-et Mbal Pem Nagawan-nen yidnak wene yak kunduwakluk mendak inpidnak nab-e yebet yebet tak wolmer-o. It unluk woragolat-nen kwarugwi enpage iri-ge kwara lombot puruk, it-nen inndi angin tubu yidnak iri-ge iri nggal-et kit-nen na kinndi angin tubu yogolat wolmer-o.

IBERANI 6:5

Mbal Pem Nagawan-nen yidnak wene na wanosolar-e, ”Wene yu-ge konak wene-o” luk wanurug-et nde, abok-nen wolmomtak amawi na-ge ir-e enaru lug-et nde,

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

1 PETERUS 1:23

Mbal Pem Nagawan-nen yidnak wene, urug-et woralik nalik woraso wene iri-nen-e mberen pem ndet konposolar-e, ki nap-nen ndet unpugwi nggal ndet kinpigit lag-o. Are, Nineid pem-et woralik nalik woraso-nen ndet kinpij-o.

NAM PARA WENE 1:16

At inggi kigit nggwe-ge wonaru tuju tena, nde, emendam nggwe-ge yalawi anggat ponok ponok worak iri-ge kenanggo, nde, at imbiriwak amare-ge mo eyak kererak pil wasolat nggal-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.

NAM PARA WENE 19:21

Nde, ndakngge isilepma worak na min enesiget Mbal Pem Nagawan ene lomboksa yoso nap na min-nen idnak san winde kwarat ereba na-ge kuda wam loro na ombol pem koreyak emendam yalawi kenanggo na bem indij-o. Endamu, inino-ge yi towe ndi towe lobok yosolar-e, leraben waga ninggij-o.

NAM PARA WENE 2:16

Iri bem-e kit meya yidnak iri keya buruk, kondok yer-o! Nde, kit nde kondok yigit lak ala-ge, an yanem lobok yosolar-e, yalawi nemendam kenanggo yu bem it iri-ge mbal inpimin-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.