IBERANI 4:11 - Nanduk Ngget Tul Pidnak Wene

¹¹ Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

IBERANI 4:11 ပူးပေါင်းရင်းမြစ်များ

MATIUS 11:12

Ap yi maroso nap Yoanes na lobok yid kuri-nen yawo kuri-ge Mbal Pem Nagawan-nen tenagaidnak wi iri na winde yuwokluk enmawi kondogolar-e, Mbal Pem Nagawan elem nap pela mbo mbo rak inpili-o.

MATIUS 7:13

”Tumende mboronggo iri nggwe nggwer-o. Nde, lak tak unpurak tumende iri-ge nggok, nde, tula na owak la-nen yusu-o. Nde, ap mondok kwarat-nen tula iri nggwe mbitli-o.

LUKAS 13:24

”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

LUKAS 16:16

Nde, ap yi maroso nap Yoanes na wok yigit lak worala-net Musa-nen imiri mbarak pidnak wene min Mbal Pem Nagawan ene lomboksa yugwi nap-nen mbaridnak wene min-e kwat tenak woraiga-o. Nde, Yoanes wok yid kur-nen-e Mbal Pem Nagawan-nen tenagaidnak wi wene aid wene na yak ondogola-ge, Mbal Pem Nagawan-nen tenagaidnak wi iri na me nggogolar-e, pela mbo mbo nggwili-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YIDNAK YIDNAK WENE 26:19

Iri bem-e, Nagawan Ageripa wa-e. Aid arem-nen nabi nggwe nggal yak niridnak wene iri-ge an-nen kuruk wirigit lag-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

KOLOSE 3:6

Iri mende kwarugwi na bem-e Mbal Pem Nagawan isilepma-ge at-nen yidnak yidnak kuruk tugwi nap enpem mbuma-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

IBERANI 3:18

Mbal Pem Nagawan-nen owak mbarosolar-e: ”An nindisep kwaroso sa iri me-ge an neram-e mondok pem ngguma bug-o” luk yid iri-ge tarak inmin yij-o? Iri-ge at ene kuruk tiga nap it inmin-et yij-o.

IBERANI 4:6

Nde, ap ereb-e at indisep kwaroso sa iri me ndak ngguwa-o luk yidnag-e nam-et worasu-o. Alat nde, it nanduk nandug-et konak wene kuliga nab-e it inndi angin tubu yigit lak iri bem-nen indisep kwaroso sa nggwigit lak yiga-o.

IBERANI 6:11

Kit kondomok tak-nen kenmawi kondogolat iri worakmu worok tak posolat-nen kit-nen ebem kinndi mbung mbung tak puruk woragwi na mondok wanurak iri-ge mondok nindingen-o.

YOSUA 7:3

mbirigarik, it na lobok yogolar-e, wene-ge Yosua yak til lobok yogolat-nen yogolar-e: ”Nit oboksa-t mbutluk Ai wi narurag-e meya-o. Are, ab-e dua ribu (2.000) nggal, tiga ribu (3.000) nggal nak wirik unpurag-o. Nde, o iri-ge o siri-ge marik me, san ombo oboksa wim ngguwakluk iri me nak wirik unpurag-e lag-o” luk yak tiga-o.

2 PETERUS 2:6

Nde, o Sorom min Nggomora min na irit, Mbal Pem Nagawan-nen enpem wene mbarosolar-e, kanduk pem-nen lak tak inpij-o. Iri kwarid iri-ge, Mbal Pem Nagawan ebem inndi angin tubu yugwi buk nap pidsa iri nggal kwat kunpuwa-o luk ndak worosolat-nen kwarij-o.