IBERANI 3:3 - Nanduk Ngget Tul Pidnak Wene

³ O wiridnak karuk, o iri na-ge erembel wanugwi bug-o. Are, o woroso nap iri perak nde erembel wanugwi-o. Nde, iri nggal-et Musa na-ge teberak-nen yusu-o. Nde, Yesus-e mondok kek tak wolmomtag-e ndak-nen yusu-o.

IBERANI 3:3 ပူးပေါင်းရင်းမြစ်များ

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 3:7

Imiri mbarak pidnak wene iri-ge hurup ”a,e” oboksa-ge kerep pem lel kasolat-nen mbarid wene iri-ge, wat momtak wene nde mbarij-o. Alat nde, wene iri wok tid tarem-e Mbal Pem Nagawan abinal pem-net wok tij-o. Abinal iri-ge lak agaij-et nde, Musa erare abinal-nen Isarael nap-nen at erare yik kudtag-e meya yamu-o.

KOLOSE 1:18

Nde, at ebe-ge lambuk tak inpidnak nap-nen yusu-o. Nde, enanggul-e at-net yusu-o. At ebe iri na elem-e at-net yusu-o. Nde, yi mende ndi mende bem at arig-et nak mondok kek tak wolmaklug-e, wat yidnak nap ennggendumu-nen tel korosolat uruk tak pid nab-e at-net yusu-o.

IBERANI 2:9

Alat nde, nir-e Yesus kali-o. Nde, Mbal Pem Nagawan-nen we wok ondoso elem pem ap oboksa enmanggim wat makluk Yesus iri-ge luru nak aid nap indipma teberak ibij-o. At andi bandisa wat yid iri bem-e yawoge ar-e nagawan nggulok kek tak pidnak irit kali-o.

IBERANI 3:4

Nde, o pidsa-ge o wurugwi nap-nen witli-t nde, yi mende ndi mende oboksa ndak woroso aru nab-e Mbal Pem Nagawan-net yusu-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.