IBERANI 3:12 - Nanduk Ngget Tul Pidnak Wene

¹² Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

IBERANI 3:12 ပူးပေါင်းရင်းမြစ်များ

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

NGGOMO WENE 1:32

Kwarugwi enaru buk nab-e an lirin lirin tak nibili-nen ndowaga wat ma-o. Wid nggal kabak woragwi yigisa labuk ma iri-ge an insili rak nibili-nen ndowaga kwat ma-o.

YEREMIA 18:12

Yak undugun-et nde, it-nen onggo yogolar-e: ’No manggim-nen nit-nen iri kwarugwi keya burag-o? Nir-e nondomok nindi-n pidnag-et kwarogolat wulmul-o! Nit nondomoktak-nen nondomok ninndi-n pidnak meya ereba nag-et kwarul-o!’ yuwa-o” luk yij-o.

YEREMIA 2:13

An nilirak-nen-e meya-ge erem mberen kwatli-o. Iri-ge: ir-e nggweyakma nap unluk wolmakluk, unluk woragwi yi wok ondoso elem an na-ge enmberam tak nuburuk, it ondomok-nen yi kenanggurak nggweyak emnde mbatli-t nde, mbun porok tak me, yi kobong yurak meya iri emnde mbatli-o.”

YEREMIA 7:24

Alat nde, it-nen-e kwara kuligit lak yogolat, yebet kagit lak yogolat kwariga-o. Iri yogolar-e, it ondomok wene kulugwi buk, inndi amawi iri na-nen yidnak yidnag-et kwarogolar-e, konak nggal-e kwarigit lag-o. Are, ebem lud nde meya kwariga-o.

OSEA 1:2

Mondok mondog-et Nagawan Indo-nen Isarael nap wene yak ondosolar-e, an nemndam tak pij-o. Nagawan Indo-nen yosolar-e: ”Osea wa-e. Kar-e mburugundik, ap inmin terak noso kwe misik wani-o. Kilirak na iniya nggal nag-et kwat ma-o. Nde, an nilirak Isarael nab-e kat kogwe iri nggal nag-et kwarogolar-e, an nimin tugup lak woragit lak, keya nibili-o” luk yij-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 24:4

Iri yogolikma-ge, Yesus-nen wene erep nggarosolar-e: ”Ap-nen konmbol pem lujwa naru, kwil kwalsa wolmer-o.

MARAKUS 13:23

Iri bem-e, kwil kwalsa wolmer-o. Awo kwat yigit lak ma-net yak kindigi nar-o.

MARAKUS 13:33

At lobok yurak tarem-e kenaru buk me, kunlug-et woragolat, kwil kwalsa wolmer-o.

MARAKUS 13:9

Alat nde, kir-e mondok kwara wolmer-o. Tenaga lit kunpuruk mburuwarik, wene mbarugwi nap ininggem konpogolat, Yawuri nap tepan yugwi ma-nen mbut kondogolat, an nebem ala, pemerinta nap min nagawan nagawan min ininggem kunpuwa-o. Nde, iri kunpuwa iri-ge an-nen yidnak wene it kenggera yak undurak tarem nanongga-nen yusu-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

OROMA 11:21

Nde, Mbal Pem Nagawan-nen Yawuri nap ndemeret e at inggi nggal-et nde, indi angin lak mbo inpidnak me, kit mbo kunpurag-e indi angin ma-o luk peragub-o.

1 KORINTUS 10:12

”An-e nggwelsa mendak worasu-o” perasu nab-e wosa mbimin naru, indi mbera-t wolmag-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

IBERANI 10:31

Nde, urug-et woraso Mbal Pem Nagawan inggem nunpuwa iri-ge mondok meya lombog-o!

IBERANI 10:38

Nde, an nelem nap, lud tak nak tak inpidnak nab-e inndi angin tubu yidnak pem-net unluk wolma-o. Alat nde, ap misik-nen nde indi angin tubu yidnak keya bosola-ge, an-nen-e ap na ebem-e nalen kamin pug-o” luk yij-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

IBERANI 12:22

Alat nde, iri-ge kit-nen wok yogolar-e, Sion ndobo bem urug-et woraso Mbal Pem Nagawan uwi siri, aid arem wi Yerusalem iri me-ge aid nap kere kwarat woragwi sa iri me-t wok yigeb-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

IBERANI 3:1

Kerisut ebem mbek tak kinpidnak nanggamirak kit na aid arem woraso Mbal Pem Nagawan-nen wene mbo kinpidnak nap wa-e. Yesus na kwara kinndi-n yebet ker-o. Nit wanuruk ebem ninndi angin tubu luk wanige wene na bem Yesus-e Tepan Ombo Kek tak wolmakluk Mbal Pem Nagawan-nen wirik ibil mbuwagaid nap-nen yusu-o.

IBERANI 3:10

Iri ala karuk, an-e it inmin nisilepma luk-nen yosolar-e: ’It inndi-ge pempa pempa mborok tak nggwe nak peragolar-e, it-nen-e an nurula-ge enaru buk nak woragi-o’ luk yigi-o.

IBERANI 3:19

Iri bem-e ir-e Mbal Pem Nagawan indisep kwaroso sa nggwigit lak yiga iri-ge it inndi angin tubu yigit lak ala-nen nggwigit lag-o luk nir-e nam-et kali-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.