IBERANI 3:1 - Nanduk Ngget Tul Pidnak Wene

¹ Kerisut ebem mbek tak kinpidnak nanggamirak kit na aid arem woraso Mbal Pem Nagawan-nen wene mbo kinpidnak nap wa-e. Yesus na kwara kinndi-n yebet ker-o. Nit wanuruk ebem ninndi angin tubu luk wanige wene na bem Yesus-e Tepan Ombo Kek tak wolmakluk Mbal Pem Nagawan-nen wirik ibil mbuwagaid nap-nen yusu-o.

IBERANI 3:1 ပူးပေါင်းရင်းမြစ်များ

NDAWI ENGGA 110:4

Nagawan Indo-nen mondok owak mbarosolat urul pid iri-ge mondok nin tak puwa bug-o. At-nen urul posolar-e: ”Kar-e Melkisendek nggal pem irit tepan ombo woralik nalik irit woragun-o” luk yij-o.

YESAYA 1:3

Sapi wam-e at ombo iri na-ge aru-t woraso-o. Nde, kelerai-nen na at ombo iri na-net at-nen naso mende norak ondoro kona bidnak iri na-ge aru-t woraso-o. Alat nde, Isarael nab-e iri nggal-e lag-o. Ir-e mondok yebet kali bug-o” luk yij-o.

YESAYA 41:20

Iri yumu, ap oboksa-nen karuk, enaru luk-nen an nimin yogolar-e: ’Iri-ge Nagawan Indo abam-net kwaramu-o’ luk yuwa-o. It-nen kwara lombot puruk-nen yebet kagolar-e: ’Isarael nap Enmbal Pem Nagawan Mondok Marak iri na-nen kwaridnak pem-net kwat yamu-o’ luk yebet kujwa-o” luk yij-o.

YESKIEL 18:28

At iri-ge at-nen kwaroso ereba na ’An-e meya iri nggal kwaroso kagi’ luk, meya kwaroso keya buruk, kondok yidnak me, ar-e wat yigit lak, mondok uruk irit wolma-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

YIDNAK YIDNAK WENE 1:15

Misik tarem-e inndi angin tubu yidnak nab-e seratus dua pulu (120) nggal ndok worak worakmu-ge, Peterus na it ennggendumu men luk-nen yosolar-e:

OROMA 11:17

Nde, yakwi e saitun inggi erep mbarak puruk, yakwi buk mbepme woraso e saitun inggi mbarak iri-ge eraret iri na bem kundik pij-o. Kit enlem nin nab-e mbepme woraso e saitun nggal-nen yili-o. Nde, kir-e yakwi e saitun min kundik kinpidnak me, elem amburu-ge Yawuri nap inmin totno wanili-o.

OROMA 15:27

Iri kwarurag-e it ondomok inndi peraruk wene iri mbariga-t nde, iri kwarurak iri-ge it-nen kwarurag-er-o. Nde, Yawuri nap-nen-e it-nen idnak aid wene-ge enlem nin nap tembesa wok indidnak pem, it enlem nin nap-nen-e it enarengge nggweyak ma mende na Yawuri nap tembesa wok undurak iri-ge ndag-er-o.

OROMA 15:8

Iri bem-e, yu yosolat-nen yigi-o: Kerisut-e Yawuri nap ndegel onposo nap kwat yid iri-ge, Mbal Pem Nagawan-e lud tak nak kwaroso-o mul ondosolat, Mbal Pem Nagawan-nen nit nenlawingga urul paga yak indidnak wene na ndak tak posolat-nen yij-o.

OROMA 9:24

Nde, at-nen yonggo ninpid iri-ge Yawuri nap ennggendumu nak-nen-e lag-o. Enlem nin nap ennggendumu-nen na yonggo-t ninpij-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 10:17

Mburu iri-ge misiget nak me, nit pidsa nenpe kwarar-et nde, mburu iri ninggidnak me, nir-e nenpe misiget nak-nen yusu-o.

1 KORINTUS 9:23

An-nen iri kwarusu iri-ge aid wene bem ala-nen imbiringgat waneyekluk-nen kwarusu-o.

2 KORINTUS 1:7

Nit-nen anggun panggun kali mende kit na kali, nde, iri nggal-et nit ninndi yangunusu mende kit na kinndi yangunusu-t kali luk nenaru yili me, kit kenpem ninndi mbung mbung tak puruk tugup lak worali-o.

2 KORINTUS 9:13

Nde, kit-nen lubug-et tomborogolat-nen ndak tak pili mende iri bem yenggerak kunpuruk, ap kwarat-nen Mbal Pem Nagawan unu kek tak pogolar-e, kir-e mot mot nak Kerisut-nen idnak aid wene para yogolat, kinndi lubug-et it na ap pidsa na kinsilobulo tembesa wok ondogolat yili iri bem-net at unu kek tak puwa-o.

EPESUS 3:6

Kura wene iri na-ge yu-o: Aid wene bem-nen it enlem nin nab-e Mbal Pem Nagawan imbiringgat mende na Yawuri nap min it totno winde yogolat, ebe misiget na inggi ijok kwat yogolat, Mbal Pem Nagawan-nen Kerisut Yesus ebem urul paga yak indidnak wene na lambuksa winde yogolat yili-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 4:4

Nde, Ebe na misiget, Konak Indi na misiget, kit kinndi-ge iri bem mbung mbung tak wolmakluk, wene mbo kinpid na misiget-nen yusu-o.

PILIPI 3:14

Iri bem-e, onggo iri waneyeklug-e, kondok yugwi sa iri me pong kil mburusu-o. Onggo iri na-ge Mbal Pem Nagawan-nen-e: ”Kerisut Yesus ebem-e aid arem yu me kuruk woranok-nen lobok yi-o” luk wene mbo nibidnak iri-net yusu-o.

KOLOSE 1:12

Yaya nak woraso sa iri me marak nap inmin winde yobokluk ndak tak kinpidnak Nineid iri imin-e ”Wiwa-o” luk yak togolat wolmer-o.

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

1 TESALONIKA 5:27

Nagawan Indo unu bem an-e kiri keresa yak kundusu-o: ”Engga mbarak yu-ge nennggamirak oboksa inmbiri bem wonarurag-o.”

2 TESALONIKA 1:11

Iri bem-e, nir-e pempa kit kenmanggim tepan yili-o. Nit Nenmbal Pem Nagawan-nen kenperasolar-e, at-nen wene mbo kinpidnak nap ndag-et yobokluk, kenmanggim tepan yili-o. Kir-e konak nak kwaruwog-o luk perali mende kwarurak pem-e at amawi bem-nen ebe kwat yosolat, kit kinndi angin tubu luk kwarugwi mende na iminep mbal yosolat mag-o.

2 TESALONIKA 2:14

Yu kwat kunpuwakluk-net nit-nen yak kindige aid wene bem Mbal Pem Nagawan-nen wene mbo kinpid na-ge, nit Nenagawan Indo Yesus Kerisut unu kek tak pidnak iri-ge at imin totno winde yobok-nen wene mbo kinpij-o.

1 TIMOTIUS 6:12

Kindi angin tubu yidnak wim-e konag-et tomborosolat wolmin-o. Iri kwarosolar-e, unlug-et woralik nalik momtak elem wanugun-o. Kar-e ap kwarat inmbiri bem-et ”Nindi angin tubu yigi-o” luk kinggirigen tarem-e Mbal Pem Nagawan-nen unlug-et woralik nalik momtak elem wok kururak pem wene mbo kibid irir-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 2:7

An-nen yusu wene yu-ge kwara yebet ki-o. Nagawan Indo-nen yi mende ndi mende karu yonok-nen indi pindong tak elem wok kuruwa-o.

IBERANI 10:19

Iri bem-e, nanggamirak wa-e. Yesus eyabi pidnak pem, nir-e O Mondok Marak Sa iri me kwiye lag-et nggurag-e ndak-nen yusu-o.

IBERANI 10:21

Nit nentepan ombo nggulok kek tak iri-ge Mbal Pem Nagawan ilirag-e at inggem wolmakluk mendak ibidnak nap-nen yusu-o.

IBERANI 10:23

Mbal Pem Nagawan-nen-e at-nen urul pidnag-e mondok kwaroso-t me, ”Irit kwat nunpuwa-o” luk peragwi na bem ninndi mbung mbung tak woragwi iri-ge puksa tena wolmog-o.

IBERANI 13:22

Nanggamirak wa-e. An-e kit kinndi eyak worosolat mbarigi wene yu-ge kenalen min-et wanobokluk-nen yak kundusu-o. Nde, engga mbarigi yu-ge mor-e lak, we poro-t mbal kindigi-o.

IBERANI 2:11

Nde, it-nen meya kwarugwi na inggem-nen weserak onposo nap Yesus min weserak inpidnak nap it min-e ineij-e misiget-nen yusu-o. Iri kwarak ala karuk, at-nen-e inggiri lag-et it inmin-e ”An nowosirak-nen yili-o” luk yoso-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 6:20

Yesus na-ge nit nggumakluk tu ya bosolat iri me nggwij-o. Nggosolar-e, Melkisendek na tepan ombo woragaid iri nggal, Yesus-e tepan ombo nggulok pem-et woralik nalik wolmomtak irit kwat yij-o.

IBERANI 7:26

Nde, nit nentepan ombo nggulok iri-ge Yesus at irit nindingen kali-o. At iri-ge mondok mbek tak woraso nap, lugud tak kwaroso buk, meya mbi mondok kwaroso buk nap-nen yusu-o. At na-ge meya yogolat woragwi nap inmin-e erep kundig-e lak, arik lenak me, ar-e mbal tap ombol nggwe kek tak pidnak nap-nen yusu-o.

IBERANI 7:28

Nde, Musa-nen imiri mbarak pidnak wene-nen-e tepan ombo nggulok mendak onposolar-e, lugud tak kwarugwi ki nab-et mendak onposo-t nde, imiri mbarak pidnak wene imbirik lobok yid, Mbal Pem Nagawan-nen owak mbara urul pidnak wene iri-nen-e tepan ombo nggulok mendak posolar-e, pem-et woralik nalik iminep mbarak wolma Mbal Pem Nagawan Ambara irit mendak ibij-o.

IBERANI 9:11

Alat nde, Kerisut lobok yid iri-ge abok-nen nam momtak konak mende iri bem tepan ombo nggulok irit lobok yij-o. Nde, at-nen eyabu wanoso sa sum-nen wiridnak wi iri perak nde, terak minik nggulok iminep mbarak-nen yusu-o. O iri-ge ki nap ininggi-nen wiridnak wi-ge lag-o. Nde, iri-ge, nggweyak ma yu me ndak worak pidnak mende bem-nen wiridnak uwi-ge lag-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 3:5

Iri nggal-et nandug-e Mbal Pem Nagawan indi aye kagwi kwami, inndi-ge Mbal Pem Nagawan ebem mbung mbung tak woragwi kwami-nen-e it na it-net enpage kigiridnak nggal-e it ununtak-nen yidnak yidnak nak kwariga-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 18:20

Aid arem wa-e. Kwe iri na yigisa lak tak pidnak pem kalen ki-o! Mbal Pem Nagawan ilirak min wirik kinpidnak nap min Mbal Pem Nagawan ene lomboksa yugwi nap min wa-e. Kwe iri-nen kwat kinpidnak na onggo Mbal Pem Nagawan-nen kwe iri ebem wene mbarid pem-e kenalin kenalen ker-o!