IBERANI 2:8 - Nanduk Ngget Tul Pidnak Wene

⁸ Yi mende ndi mende oboksa-ge at-nen tena wolmakluk, at inggem-et pigen-o” luk yij-o. Nde, ”Mbal Pem Nagawan-nen yi mende ndi mende oboksa-ge nggweyak ma nap inggem-et pij-o” luk yij-et nde, misiget ter-o luk keya bigit lak, oboksa at inggem pidnag-et nde, yawo-nen perak nde, nggweyak ma nab-e yi mende ndi mende oboksa inggem pidnag-et worasola-t nde, nir-e kali bug-o.

IBERANI 2:8 ပူးပေါင်းရင်းမြစ်များ

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 8:6

Kat-nen kek tak unpuruk, kat-nen o yu oboksa it ininggem pigen-o. Kat-nen ndak worak pidnak mende oboksa it ininggiyapma rak posolar-e,

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

1 KORINTUS 15:27

”Mbal Pem Nagawan-nen-e yi mende ndi mende pidsa-t at ujok ma rak puwa-o” luk yij-et nde, yi mende ndi mende Kerisut ujok ma rak puwa nap Mbal Pem Nagawan at imin lambuksa at ujok ma rak pidnag-e lag-o luk nam-et irir-o.

IBERANI 1:13

Nde, Mbal Pem Nagawan-nen aid nap misiger-o luk tet yak tosolar-e: ”An-nen-e kat kimin wim nab-e kat kijok ondoro nggal tak enpeyekluk worala-ge, kar-e an ninggi kigit nggwe koreyak wuri-o” luk mondok yak ondoso bug-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

IBERANI 2:5

Nde, o nggweyak ngget lobok yuwa iri na tena wolmakluk Mbal Pem Nagawan-nen-e aid nap innggem pigit lag-o. Nde iri-ge nggweyak yawo nit-nen obok yili yu-t nde yigi-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.