IBERANI 2:6 - Nanduk Ngget Tul Pidnak Wene

⁶ Are, Mbal Pem Nagawan engga mbi arem-nen yosolar-e: ”Mbal Pem Nagawan wa-e. Nggweyak ma nap iri-ge no ala-nen kat kindi yebet eyasu-o? Nggweyak ma nap iri-ge nggweyak ma nab-et nde, kar-e noluk-nen kumud eyasu-o?

IBERANI 2:6 ပူးပေါင်းရင်းမြစ်များ

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

YESAYA 40:17

Ap enlem oboksa-ge at erengen pem-e enpe-ge mondok lak, ebe lak mende nde yik kasu-o.

LUKAS 1:68

”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 1:78

Nde, nit Nenmbal Pem Nagawan-e indi konak, enabuwa kaso me, nit ninmiri yeklug-e, o kuplila molengen kona pil wasu iri nggal lobok yij-o.

LUKAS 7:16

Iri kwarosola-ge, it pidsa-ge kwiye-nen pabok puruk, Mbal Pem Nagawan erembel wanogolar-e: ”Mbal Pem Nagawan ene lomboksa yoso nap nggulok mbi-ge nit nennggendumu nam agaij-o!” yurug-e, ”Mbal Pem Nagawan-nen-e at elem nap inmiri yurak pem lobok yij-o!” luk yiga-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

IBERANI 4:4

Nde, Mbal Pem Nagawan engga arem-nen-e tuju bem tak posolat we woragaid tarem iri na min yosolar-e: ”Mbal Pem Nagawan-e yi mende ndi mende ndak worak puruk, tuju bem tak posolar-e, indisep kwaramu-o” luk yij-o.

IBERANI 5:6

Nde, engga wene misik pem-nen Mbal Pem Nagawan-nen yosolar-e: ”Melkisendek-nen tepan ombo nggulok woragaid na nggal, kar-e tepan ombo nggulok irit pempa woralik nalik woragun-o” luk yij-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.