Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBERANI 2:3 - Nanduk Ngget Tul Pidnak Wene

3 Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

အခန်းကိုကြည့်ပါ။ ကော်ပီ




IBERANI 2:3
42 ပူးပေါင်းရင်းမြစ်များ  

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?


Nde, iri tarem-e Yesus-nen mul ondoso tel korosolat-nen yosolar-e: ”Mbal Pem Nagawan-nen tenagaidnak wi panggo yusu me, kit meya yidnak keya buruk, kondok yer-o!” luk yosolat woragaij-o.


Yoanes na o kubu me pikma worala-ge, Yesus na-ge o Nggalilea wi Mbal Pem Nagawan-nen yidnak aid wene yak indil indil mborosolat-nen


It-nen mbarogolar-e, nanduk-nen kwarogola, enlengen-nen karuk wugariga wene yak nindidnak iri na ndak ndag-et mbariga-o.


Ninmiri yurak amawi worak nap wok nindid iri-ge at ndegel oboso nap Ndaud-nen wigarak-nen yusu-o.


Yak tosoloma-ge, Yesus-nen it kin wok onposolar-e: ”No kwaridnak min yili-o?” luk yosoloma-ge, it-nen yogolar-e: ”Nasaret nap Yesus na kwat ibidnak wene nde yige-o. At iri-ge Mbal Pem Nagawan ene lomboksa yoso nap me, at-nen yoso min at-nen kwaroso min iri-ge Mbal Pem Nagawan min ap oboksa min-nen yik kagolar-e, ar-e amawi worak irit kagwi-o.


Nde, kir-e nandug-et an nimin woragwi me, kit-nen na an nowene kenggel ondogolat woragub-o.


Yoanes-nen Yesus yi ma bid kuri-nen at nit nendam-nen laidnak kuri, nit ninmin woraidnak nap misig-e nit ninmin lambuksa Yesus uruk yidnak wene kunggurugwi nap irit mag-o” luk yij-o.


Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.


Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.


An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.


Alat nde, nanggamirak kir-e nin nap enpem wene mbarogolat-net nde, kit-nen na meya mende iri nggal kwarugwi me, Mbal Pem Nagawan-nen-e kit kenpem wene mbaruwa bug-o luk perali-a?


Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.


Nde, ap-nen yogolar-e: ”Lag-o. Pidsa yamuksa konak nak worali-o” luk yogola, ereya na-net it lak tak unpurak mende-ge mimo enpem mbuma-o. Kwami enabila-nen li ndaguwokluk, mimo yane witli nggal, iri nggal-et it enpem mbuwasolar-e, it na mengga mburuwa bug-o.


Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.


Ap pidsa inmiri yekluk, Mbal Pem Nagawan-nen we wok ondoso elem nam tak pij-o.


Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.


Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.


Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.


Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.


Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.


Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.


At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.


Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.


Engga yu arem-e unlug-et woragwi elem wok ondoso Wene iri owene mbatli-o. Nde, Wene iri-ge tel kwiridnak kuri-net woraso-o. Wene iri na nir-e ene kologolat, nondomok nenlengen-nen kagolat, nenlengen nomosa yik karok woragolat, nininggi-nen tena obogolat yige-o.


Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.


It enne ngguloksa yogolar-e: ”Nit ninmiri yoso elem-e nit Nenmbal Pem Nagawan koreyak woraso ondoro ebem koreyak worasu iri min Lomba Wam Marik min endam nak-nen lobok yoso-o!” luk yiga-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ