IBERANI 13:7 - Nanduk Ngget Tul Pidnak Wene7 Nandug-et Mbal Pem Nagawan-nen yidnak wene yak kunduwakluk mendak inpidnak nab-e yebet yebet tak wolmer-o. It unluk woragolat-nen kwarugwi enpage iri-ge kwara lombot puruk, it-nen inndi angin tubu yidnak iri-ge iri nggal-et kit-nen na kinndi angin tubu yogolat wolmer-o. အခန်းကိုကြည့်ပါ။ |
IBERANI 13:7
27 ပူးပေါင်းရင်းမြစ်များ
Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.
Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.
Nde, it wirik inpidnak nap-nen-e lambuk tak inpidnak nap o nin me nin me woragwi na ennggendumu ogore yidnak nap mendak inpil lobok yiga-o. Mendak onpogolar-e, mburu ninggit lak tepan nak yogolat-nen ogore yidnak nap ereba na-ge ebem inndi angin tubu yidnak Nagawan Indo na eram kegera inggem inpiga-o.
Kit kenarem woraga pil nggoso mende iri-ge arig-e lak, ap pidsa-nen kagwi mende-t kenpem mbusu-o. Alat nde, Mbal Pem Nagawan-e mot mot nak kwaroso me, kit kenmawi ndak ndag-e lak siyak terak menna kenarem woraga pil nggurak mende-ge kenpem mbuma naru, keya kunpuwa bug-o. Are, kenarem woraga pil ngguwa tarem-net at-nen-e mamak pobokluk wesera mbururak tula mirik kunpuwa-o.
Nde, wene misik yu bem-nen na nir-e Mbal Pem Nagawan wa-o luk kundugu yak tili-o. Nir-e Mbal Pem Nagawan-nen yidnak wene-ge kit yak kindil lobok yogola-ge, kir-e wene na kuluruk wanogolar-e, ki nap-nen yidnak nggal wanigit lag-o. Are, Mbal Pem Nagawan-nen yidnak wene-o luk wanigep nar-o. Nde, wene iri-ge ndemeret Mbal Pem Nagawan-nen yidnak-nen yusu-o. Nde, Mbal Pem Nagawan-e kit kinndi angin tubu yidnak nap kenarem yabu wanusu-o.
Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.
Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.
Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.
ကြော်ငြာတွေ