IBERANI 13:6 - Nanduk Ngget Tul Pidnak Wene

⁶ Iri bem-e nit-nen te-t yogolar-e: ”Nagawan Indo-ge an yongga noroso me, an-e kwiye kamin pug-o. Ab-e ta nggal-nen an nimin yuwa-o?” luk yurag-o.

IBERANI 13:6 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

1 NAGAWAN NAGAWAN-NEN KWARIDNAK WENE 17:8

Iri luk, Nagawan Indo-nen Elia yak tosolar-e:

NDAWI ENGGA 124:8

Nit yongga nondoso iri-ge mbal min nggweyak min ndak worak pid Nagawan Indo iri nak-nen yongga nondoso-o.

NDAWI ENGGA 146:3

Nggweyakma nap nagawan-nen-e kinmiri yurak meya me, nagawan ereba na enpem kinndi wat tak puruk wolmomtak pug-o.

NDAWI ENGGA 27:9

An-nen kiyujwa naru, kurak yurak pug-o. Ndegel koboso nap an-e kisilepma nuburuk, keya nuburak pug-o. An Nimiri Yoso Mbal Pem Nagawan wa-e. Kar-e an yongga noroso-nen yusu-o. Mbo nibilik, keya nibilik yurak pug-o.

NDAWI ENGGA 33:20

Iri yoso me, nit-nen nde ”Yongga-t nunduwa-o” luk ninndi at ebem wat tak puruk woragola-ge, at iri-ge nit yongga nondosolat, ninmiri yosolat woraso-o.

NDAWI ENGGA 40:17

An-e ndeyak, nisilobulo lag-et nde, Nagawan Indo kat-nen lombot nubusu-o. Kar-e yongga norosolat, an nimiri yosolat yoso-nen yusu-o. Nembal Pem Nagawan wa-e. An yongga nururak pem-e erog-et kwarusu meyog-o!

NDAWI ENGGA 63:7

Kat-nen pempa an yongga noroso bem-e an-e kat kisiyamu arem woralat, nalen pem ndawi yosolat worasu-o.

MBIRIGA WENE 18:4

Owot iri na unu Musa-nen yarosolar-e: ”Neid Embal Pem Nagawan-nen an yongga norosolat Pirayon eyalawi anggat emndam-nen nimiri yij-o” luk unu-ge Elieset yarij-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

EPESUS 3:12

At ebem-nen nir-e Mbal Pem Nagawan eram nggogolar-e, at ebem ninndi angin tubu yidnak pem kwiye lag-et ninndi embem min-et nggwili-o.

TUGURUK YIDNAK WENE 33:26

Isarael nap wa-e. Kit Kenmbal Pem Nagawan nggal mbal pem nagawan mbi worasu bug-o. Mbal pem-e at nak eyaya bem waring kasu-o. Kit yongga kondosolar-e, nggan nggan kuburusu-o.

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.

IBERANI 10:19

Iri bem-e, nanggamirak wa-e. Yesus eyabi pidnak pem, nir-e O Mondok Marak Sa iri me kwiye lag-et nggurag-e ndak-nen yusu-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.