IBERANI 13:5 - Nanduk Ngget Tul Pidnak Wene

⁵ Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

IBERANI 13:5 ပူးပေါင်းရင်းမြစ်များ

NDAK WIRIDNAK WENE 28:15

Karu wolmin-o. An-nen-e kat nugun sa oboksa yongga korosolat, nggetlel kuburuk nimin-o. Nde, an-nen-e o yu me-t tuguruk kimin lobok yimin-o. An-e mondok keya kibimin pug-o. Urul yak kirigi oboksa-ge kwar-et kobosolat woramin-o” yak tij-o.

NDAK WIRIDNAK WENE 30:31

Yosoloma, Laban-nen yosolar-e: ”Kat-nen nak yi-o. Onggo-ge no wok kururak perasu-o?” yosoloma, Yakup-nen onggo yosolar-e: ”Nimi-o. Kat-nen onggo wok nururag-e lag-o. Kowam-e parugu-t woramin-et nde, mbigija-ge kat-nen an-nen yak kirimin wene iri ’Ob-o’ yak nurugun iri nag-o.

NDAK WIRIDNAK WENE 31:5

Pamu, yak indikma, eram lobok yogola, Yakup-nen yak ondosolar-e: ”Kit kineij-e yawo-ge nanduk an nimin wene ndok ndok yusu iri na nggal-e kwarusu bug-o. Alat nde, neid-nen kek tak poso Mbal Pem Nagawan-nen-e keya nubusu bug-o.

1 NAGAWAN NAGAWAN-NEN KWARIDNAK WENE 6:13

An nilirak Isarael nap ennggendumu kat-nen nuwi wirigen iri arem-et woramin-o. An-e ir-e mondok keya inpimin pug-o” luk yij-o.

1 NAGAWAN NAGAWAN-NEN KWARIDNAK WENE 8:57

Nagawan Indo Nenmbal Pem Nagawan-nen nanduk nonmborak inmin woraso iri na nggal-et, keya ninpigit lak ninmin irit wolmag-o.

NDAWI ENGGA 37:25

An nusujwe woragi kuri yawo nindi worak kuri woralar-e, Nagawan Indo-nen-e lud tak nak kwarugwi nab-e wesera mbi keya onposola, eneyaso bug o. It inlirak-nen nggi nggi yogola mbi eneyaso bug-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

MBIRIGA WENE 2:21

Nde, Musa na-ge iri me wolmomtak ”Ob-er-o” yosola karug e, Yitero-nen-e ara Sipora na-ge Musa wok tij-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

NGGOMO WENE 23:4

Yi mende ndi mende ombo yurak pem-e pabik paboksa yurak pug-o. Kindi-net pep purag-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:17

An nelem nap inmbiri lamut iri-nen yi kore yogolat, yi nere-nen enma umbuk yosolat kwarogola-ge, Nagawan Indo an-nen-e it-nen tepan yuwa-ge enne ereb-e nggarimin-er-o. Isarael nap Enmbal Pem Nagawan an-nen-e it keya inpimin pug-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MATIUS 6:19

”Nggweyak ma yu me-ge kinsilobulo ndok wosa purak pug-o. Yu mege pase min sil min-nen lak tak posolat, yariya wanugwi nap-nen o mijatluk, yariya wanogolat kwarugwi sa-nen yusu-o.

MATIUS 6:25

Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

MATIUS 6:34

Iri bem-e, kup-nen kwarurak iri na kunmud kudtak pug-o. Kup-nen kunmud kudtak na ariget worasu-o. Yawo nggal amanggim kunmud kagolar-e, yawo nggal amanggim nak kudtag-o.”

MARAKUS 7:22

mbona yugwi min ap enarengge ukwe ukwe yugwi min meya kwarugwi min ap onmbol pem lagwi min ukwe ukwe yugwi min enlengen ale yugwi min ap onpok pugwi min enambik entembel wanugwi min inndi amawi kwarugwi min

LUKAS 3:14

Yosoloma-ge, san winde erep-nen at kin wok obogolar-e: ”Nit perak nde ngge nde kwarul-o?” luk yogola-ge, Yoanes-nen it yak ondosolar-e: ”Kit kenmawi bem-nen na irit, enesiget wene bem-nen na irit, ap enarengge mengga wanurak pug-o. Nde, kit-nen wanidnak pem onggo wok kindili iri-ge, ’Yu-ge ndag-er-o’ luk kinndi abu wolmomtag-o” luk yak indij-o.

LUKAS 8:14

Nde, uwi linggat ndumu mbid iri na nggal-e aid wene kulidnag-et nde, woragolar-e, it-nen wolmomtak pem unmud kagolat, it-nen enarengge kwarat windi woragolat, enalen pem wolmomtak peragolar-e, iri-nen ndowaga aid wene na perena keya bosoma-ge, engen pidnak na-ge ebe kwat yoso buk iri nggal-nen yusu-o.

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

1 KORINTUS 5:11

An yak kindigi na-ge, ap misik-nen-e: ”Kerisut ebem an-e kanggam-nen yusu-o” luk yosolar-et nde, mbabi kwarosolat, indi meya yosolat, kugi erembel wanosolat, ap onpok posolat, anggut engen amburu ndonggosa nasolat, enesiget yosolat, iri nggal kwaroso imin nde yigi-o. Iri nggal kwaroso imin-e nunggwi mende erep mondok norak pug-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

2 KORINTUS 4:9

Lel mberel ninpidnag-et nde, nenarik keya ninpigit lag-o. Nggwin yaga mberak ninpidnag-et nde, wat yigit lag-o.

EPESUS 5:3

Kir-e marak nap-nen yili me, ap onkwe yebugwi wene nde mbabi kwarugwi wene oboksa nde ap enarengge ukwe ukwe yugwi wene nde kit kennggendumu-nen-e iri obok tet yurak pug-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

TUGURUK YIDNAK WENE 31:6

Mondok kir-e tugup lak, kwiye lak irit wolmer-o. Nagawan Indo Kenmbal Pem Nagawan-net yongga kunduwa me, kir-e mondok it enaye yurak pug-o. At-nen-e keya konposolat, kinndi kabak tak posolat yuwa bug-o” luk yak indij-o.

TUGURUK YIDNAK WENE 31:8

Iri yosola-ge, Nagawan Indo at ondomok-nen yongga korosolat, lit kuburuk mburuwa-o. At-nen-e kindi kabak tak kobosolat, keya kobosolat mondok kwaruwa bug-o. Iri bem-e kar-e kwiye yosolat, kindi kabak yosolat yurak pug-o” yak tij-o.

TUGURUK YIDNAK WENE 4:31

Nagawan Indo Kenmbal Pem Nagawan iri-ge unpud kaso elem-nen yusu-o. Keya na kunpuwa buk. Lak tak na kunpuwa buk. At ondomok-en konmborak urul yak indid ereba na mondok meme rak na puwa bug-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

1 TIMOTIUS 3:3

anggut engen amburu ndonggosa naro buk nap, isilepma yoso buk nab-et nde, indi yangonak nap, ap lambuk tak onposo nap, uwang nggok tak poso buk nap,

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

YOSUA 7:21

Silobulo minggige ereba enggendumu-ge sum leyok sum konak Mbabilonia-nen yagidnak misik min perak angin-e dua kilo iri min emas mbarak angin-e setenga kilo min irit mondok nindi nggosola karuk, wanigirik, an nuwi lije ma nggweyak yala kura bigirik worasu-o. Nde, perak iri-ge nggweyak arem nggal-et pukmu-o” luk yij-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

YURAS 1:11

It iri-ge Kain-nen mbiridnak tu na nggwe mbiriga-o. Iri-nen Mbileam-nen onggo waneyekluk enesiget wene yid nggal, it-nen na iri nggal kwariga-o. Iri-nen Kora-nen Mbal Pem Nagawan-nen yidnak wene kuruk tidnak pem at lak tak ibid nggal, it-nen na Mbal Pem Nagawan ene kuruk togola, lak tak inpid nap iri-ge enabuwa-o!

1 SEMUEL 10:7

Nde, kat-nen yenggerak purak mende ereba na oboksa kasolug-e, Mbal Pem Nagawan-e kimin worala me, kat-nen nde kwarurak ala-ge, kwarurak nag-o

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.