IBERANI 13:4 - Nanduk Ngget Tul Pidnak Wene

⁴ Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

IBERANI 13:4 ပူးပေါင်းရင်းမြစ်များ

NDAK WIRIDNAK WENE 2:21

Iri ala karug-e, Nagawan Indo Mbal Pem Nagawan-nen Aram na abu nggaruksa nene rak pamu, nene yosola-ge, ebelwak ereba na enggendumu-nen misik lesa pil waruk, ondolma-ge uno-nen muruk tak pij-o.

NDAK WIRIDNAK WENE 2:24

Iri-nen ndowaga ab-e eid ija keya buruk, ogwe min misiget luk, it enmbereg-e misiget kwat yili-o.

2 NAGAWAN NAGAWAN-NEN KWARIDNAK WENE 22:14

Yak ondosoloma-ge, Ilkia min Aikam min Akmbot min Sapan min Asalya min ereya na-ge tu mirik unpuwakluk kwe Ulnda eram mbiriga-o. Nde, Ulnda iri-ge Mbal Pem Nagawan ene lomboksa yoso kwe-o. At iri-ge o Yerusalem iri me o ngget pilidnak sa ereba me woragij-o. At un Salum iri-ge Arakas ambara Tikwa iri na ambara-o. Nde, Salum iri-ge Nagawan Indo ama yabu wanogolat-nen yurugwi sum ereba-ge at inggem woraso nab-o. Nde, kwe Ulnda iri na-nen it-nen yidnak wene ereba na kulurug-e,

AYUP 31:12

Meya kwarugwi iri nde nigi yoso buk kanduk nen lak tak onposo iri nggal-nen lak tak posolat nggal-nen-e an narengge mende oboksa abu nuruk lak tak peleb-o.

YESAYA 8:3

Siyak worarug-e, an nogwe na-ge abila yij-o. Nde, nenla iri ndesa mbosola-ge, Nagawan Indo-nen an yak norosolar-e: ”At unu yarosolar-e: ’Ndag-et nak Mengga Wanugwi, Ndag-et nak Ndena Wanugwi’ irit yari-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

1 KORINTUS 6:18

Ap onkwe yebugwi iri mondok keya ber-o. Yi meya ndi meya mende kwarogolar-e, ap enpe meya rak onposo bug-et nde, at mbabi yusu nab-e at ondomok ebe meya rak ubusu-o.

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

1 KORINTUS 7:38

Iri kwarak me, ara ap wok tusu nab-e ob-et kwarusu-o. Nde, ara ap wok tigit lak yusu nab-e mondok konag-et kwarusu-o.

1 KORINTUS 9:5

Wirik inpidnak nap erep min Nagawan Indo owosirak min Peterus min-nen kwatli nggal, nit na irit nonkwe rak inndi angin tubu yidnak kwe na ninmin waring kudtag-e meya-a?

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

NGGALATIA 5:19

Ki nap-nen kwarugwi mende iri-ge nam-et kali nar-o. Ki nap-nen kwarugwi mende-nen kwarogolar-e, mbabi yugwi nde, kwami terak ya ye inpigit kwarugwi nde, ap nak ap nak yebegerak mbugwi nde,

NGGALATIA 5:21

at nak nggok yusu-a? luk insilepma yugwi nde, anggut engen amburu ndonggosa nuruk inndi wawa yugwi nde, meya kwarurak pem inik inik sakwi nde, ereba nggal erep min kwarogolat woragwi-o. Nanduk yak kindigi na nggal-et yawo na yak kundusu-o. Iri mende kwarugwi nab-e Mbal Pem Nagawan-nen tenagaidnak wi-ge winde yuwa bug-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

1 TIMOTIUS 3:12

Ogore yidnak nab-e ogwe misiget worak nap, at ilirak min ama woragwi nap min kwara ndegel onposo nap mag-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 3:4

at ama woragwi nap-nen at-nen yidnak nak kwarugwi nap, ilirak-nen at indi aye min-et at ene kuluwakluk onggomo ondoso nap irit mag-o.

1 TIMOTIUS 4:3

Iri yidnak nap-nen yogolar-e: ”Kwe wanurak pug-o. Nunggwi mende ereb-e norak pug-o” luk yili-o. Alat nde, nunggwi mende iri-ge Mbal Pem Nagawan-nen nujwakluk ndak wiridnak me, inndi angin tubu yidnak nap min ndemeret wene enaru nap min-nen nonggolar-e, Mbal Pem Nagawan wa yak turuk norag-o.

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

TITUS 1:6

Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

IBERANI 12:16

Nde, kit kennggendumu-nen ap misik-nen mbabi kwarosolat, Esau-nen kwarid nggal konak mende na ebe lak mende nggal tak posolat ma naru, kwil kwalsa wolmer-o. Esau na-ge manggu nderak nak-nen wanugwi imbiringgat mende na-ge misiget pem norak piring iri na min onggo onggo rak pamu-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.