IBERANI 13:2 - Nanduk Ngget Tul Pidnak Wene

² Kir-e kit-nen eneyagwi buk nab-et nde, kenma rak unpurak iri-ge meme rak purak pug-o. Ap erep-nen iri nggal kwariga bem-e enaru bug-et nde, aid nap nde enma rak pikma-o.

IBERANI 13:2 ပူးပေါင်းရင်းမြစ်များ

NDAK WIRIDNAK WENE 18:1

O Mamere iri me e erembel wanugwi ereba na erem pem Abarakam na-ge koreyak woragij-o. Iri tarem-e mo eyak-nen uwi sum-nen wiridnak o lije iri na tumende bem koreyak worasoma-ge, Nagawan Indo-ge Abarakam imbiri bem nam yij-o.

NDAK WIRIDNAK WENE 19:1

Nde, aid nap mberen ereya na-ge mbirigarik, kubu nggwe Sorom wok yiga-o. Nde, Lot na-ge o iri na kerep pak tumende bem koreyak worasoma, ap mberen ya nak wok yogola karuk, men luk mberarik, wok onposolar-e, it indipma tud yosolat-nen

2 NAGAWAN NAGAWAN-NEN KWARIDNAK WENE 4:8

Nde, o Sunem iri me-ge kwe arengge worak mbi woragij-o. Nde, misik tarem-e Elisa iri na-ge Sunem mbirij-o. Mberarik pem-e kwe iri na-nen nunggwi mende at ama-nen norak yonggo ibij-o. Nde, iri tarem-nen tel korarig-e, Elisa iri na pempa Sunem wok yosolar-e, nunggwi mende-ge kwe iri na ama-nen nok tenak woragij-o.

AYUP 31:19

An-nen enarengge lak-nen yurugwi sum onggo purak enlengenma lak eneyarug-e,

AYUP 31:32

Ap sal-e an nama lobok yogola-ge, keya onposoma, mbepme nene yugwi bug-o. An nama-ge ”Nggumer-o” luk tu-ge kuwarak nak woraso-o.

YESAYA 58:7

Kit-nen idnak nunggwi mende-ge ap nere worali nab-e tembesa wok undurag-o. Ap unuwi na lak, enlengen ma na lak nab-e kenma rak onpogolat, ap unsum lak nab-e sum yirik onpogolat, kondomok keneyabi minggirik-nen ’Yongga nundurag-o’ yogola-ge, enne-t kulurag-o.

TEPAN OMBO-NEN KWARURAK WENE 19:34

Alat nde, kit-nen kit nap kwat unpugwi nggal kwat onpogolat, kit-nen kondomok kenabuwa yili nggal-et enabuwa kagolat yer-o. Kit na ap sal Mesira iri me woraigep iri na kinndi yebet ker-o. An-e Nagawan Indo Kenmbal Pem Nagawan-nen yusu-o.

MATIUS 25:35

An nere kasoma-ge, kit-nen-e nunggwi mende mak nirigeb-o. An yi nere ala-ge, yi mak nirigeb-o. An ap sal worasola-ge, kit kenma rak nibigeb-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 25:43

Ap sal worala, kit kenma rak nibigit lak yigeb-o. Sum lak worala, sum wok nirigit lak yigeb-o. Kugi worak worasola, o kubu me worasola, niyil lobok yigit lak yigeb-o’ luk yak unduwa-o.

YIDNAK YIDNAK WENE 16:15

Wanosoluk, kwe na min at ama woragwi nap pidsa min yi marak onpogolikma-ge, kwe na-nen nit nenmengen mbarosolar-e: ”Kit-nen nde an lombot nuburuk, an-e ndemeret Nagawan Indo ebem nindi angin tubu yidnak ala neyarug-e, an nama mburulndik, iri me totno wolmog-o” luk kiri keresa yak nondosolat woragaij-o.

OROMA 12:13

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

OROMA 16:23

An ama worasu nap, lambuk tak inpidnak nap na tepan yuwokluk ama ndok wurugwi nap Nggaius-nen-e ”Wiwa-o” luk yak kundusu-o. O yu me uwang ndok woroso nap Eratus min nonowot Kwaratus min-nen-e ”Wiwa-o” luk yak kindili-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

TITUS 1:8

are, ”Ap sal nama nggumer-o” yoso nap, konak nak kwarurak peraso nap, idi worak nap, mot mor-et kwaroso nap, marak nak woraso nap, at ondomok indi tena woraso nap irit mag-o.

1 PETERUS 4:9

Nanggam kanggam irit woragolar-e, kit na kit-net kennggamirak kenma rak onpogolar-e, kinsili min-e kenma rak unpurak pug-o.

3 YOANES 1:5

Nanggam nindi kundik wa-e. Kat-nen nenggamirak aid wene wanidnak nap yongga ondosolar-e, kat karu buk nab-et nde, kwara mot mor-et yongga ondoso-o.