IBERANI 12:9 - Nanduk Ngget Tul Pidnak Wene

⁹ Nde, nit nineidtak-nen-e ninndi wanuwakluk nondogola-ge, nit-nen-e it unnu kek tak pugwi-o. Nde, Nineid Mbal Pem Nagawan-nen ninndi wanuwakluk nondosola, nunluk wolmakluk nundusu-o luk mondok at-nen yidnak yidnak terak menna irit kwaruwog-o.

IBERANI 12:9 ပူးပေါင်းရင်းမြစ်များ

MBIRIGA WENE 20:12

An-nen wok kindimin o iri me woragolat, kunluk mot pem-et woraboklug-e, kineid kiniya kek tak onpogolat wolmomtag-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

AID WENE YOSO NAP 12:7

Nit nenpe-ge tuguruk nggweyak kwat ma-o. Nit nunluk woragwi nindisep iri na-ge nindisep wok nindid Mbal Pem Nagawan eram-et tuguruk mburuwa-o.

YESAYA 42:5

Nagawan Indo Mbal Pem Nagawan-nen-e mbal ndak worak puruk, yemara bij-o. Nggweyak na at-nen kwarak puruk, ebem yak yoso mende min-et kwasa bij-o. At-nen-e nggweyakma nab-e unluk tak poso inndisep min inndi min wok indij-o. At-nen-e at ndegel oboso nap iri na ebem wene posolat-nen yosolar-e:

YESAYA 45:10

Ap-nen nde ineid iniyarak yak ondogolat nde: ”Kir-e yu nggal ndet ninpigep yu-ge meya-o” luk, iri nggal nde yogolat ala-ge, mondok enabuwa worag-o.

TEPAN OMBO-NEN KWARURAK WENE 19:3

Kit kenambiktak-nen kineid kiniya-nen yidnak yidnag-et kwarogolat wolmomtag-o. An-nen yidnak ndak ndag-et we woragi tarem (Sabat) irit yebet kagolat wolmer-o. An-e Nagawan Indo Kenmbal Pem Nagawan-nen yusu-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

LUKAS 18:2

Yesus-nen yosolar-e: ”O siri misik me-ge wene mbaroso nap mbi woragaij-o. Ap iri na-ge Mbal Pem Nagawan indi aye lak nap, ap erep na nggok tak onposo buk irit woragaij-o.

LUKAS 18:4

ap iri na ene kola nak keya berenak woragaij-et nde, misik tarem-nen perasolar-e: ’An-e Mbal Pem Nagawan indi aye kaso buk, ap erep na nggok tak onposo bug-et nde,

YOANES 3:6

Ki nap-nen ndet onpogolar-e, ki nab-et ndet unpugwi-o. Nde, Konak Indi-nen ndet onposolar-e, inndi-t ndet onposo-o.

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

OROMA 1:3

Wene iri na-ge at Ambara nit Nagawan Indo Yesus Kerisut imin yidnak wene-nen yusu-o. Yesus na ki nap enpage bem-e Ndaud-nen nderak lolo-nen yusu-o.

OROMA 9:3

An nelem nap iri enabuwa-nen it enmanggim-e an-nen perasolar-e: ”An-e imbiri lamut tak nuburuk, Kerisut eram-nen arik tak nebeleb-o!” luk peraso-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

YAKOBUS 4:10

Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

YAKOBUS 4:7

Iri ala-ge, kir-e Mbal Pem Nagawan eram tebe yer-o. Sere na lobok yosola-ge, kit kunsuru ndere yer-o. Iri yogola-ge, kit kendam-nen kwiye mburuwa-o.

1 PETERUS 5:6

Iri bem-e, at indi-n pidnak tarem wok yosolar-e, Mbal Pem Nagawan-nen kek tak kunpuwaklug-e, kir-e amawi winde Mbal Pem Nagawan inggiyapma kit kondomok kinndi tebe luk wolmer-o.

NAM PARA WENE 22:6

Iri luk, aid nap iri-nen an yak norosolar-e: ”Wene yeba-ge ndemerer-o luk, inndi angin tubu yurak wene-nen yusu-o. Nde, Nagawan Indo Mbal Pem Nagawan-nen at Indi-ge at ene lomboksa yugwi nap wok unduruk, mondok yanem-et kwat ma ereba na at ndegel ubugwi nap mirik unpuwaklug-e, at-net at-nen idnak aid nab-e endam pil lobok yij-o” luk yak nirij-o.