IBERANI 12:3 - Nanduk Ngget Tul Pidnak Wene

³ Meya yugwi nap-nen Yesus na-ge insili min mondok kwarat lel mberel obogola, indi mamak puruk woragaid iri-ge kinndi yebet ker-o. Iri yebet kagup pem-e, kinndi pok luk nggeyok yugup pug-o.

IBERANI 12:3 ပူးပေါင်းရင်းမြစ်များ

NGGOMO WENE 24:10

Kirimbi kebem mbidnak tarem kindi kabak yoso nde ala-ge, kar-e kamawi lag-et yoso-o.

YESAYA 50:4

An-nen yimin wene bem ap enpabok lak ereba na enmawi rak purak pem-e Nagawan Indo Kek tak iri na-nen an-nen wene yurak mirik nibij-o. Pempa kuplila-ge at-nen an mul nururak wene iri na kuluwaklug-e, neyanggo anggat worak tak bosolat woraso-o.

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

MATIUS 12:24

Alat nde, Parisi nap-nen wene iri kuluruk yigarig-e, it-nen yogolar-e: ”Kugi wirik puwakluk kugi nagawan Mbelsebul-nen amawi wok tidnak pem-nen kugi wirik pusu-o” luk yiga-o.

MATIUS 15:2

”Kat kowosirak ereba-ge noluk-nen nit nenlawingga-nen kwarugwi na kuruk togolar-e, ininggi marigit lak-nen mburu nili-o” luk yiga-o.

MATIUS 21:23

Nde, Yesus na-ge Mbal Pem Nagawan ama nggwarik, ap mul ondosolat worasoma-ge, it tepan omborak nagawan nagawan nde Yawuri nap ogore yidnak nap nde, at eram lobok luk-nen at kin wok obogolar-e: ”Kar-e ta amawi bem-nen yi kwatlik ndi kwatlik kwarusu-o? Nde, ta-nen ’Iri kwari-o’ yak kiridnak pem-nen iri kwarusu-o?” luk yiga-o.

MATIUS 21:46

at tenagurak peraiga-t nde, ap kwarat iri-nen Yesus-e Mbal Pem Nagawan ene lomboksa yoso nap eberagwi me, it inndi aye-nen larok yiga-o.

MATIUS 22:15

Iri luk, it Parisi nap na mborogolar-e: ”Yesus yu-ge wene kin wanugwi ngge bem-nen are puwog-o?” luk wene mbariga-o.

LUKAS 14:1

We woragwi tarem misik pem Yesus na mberarik, Parisi nap ene kulugwi nap mbi ama-nen nunggwi mende nasola-ge, ap iri me-nen-e kwara abut mbarogolat woraiga-o.

LUKAS 15:2

Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

LUKAS 5:21

Wene na yak tosoloma-ge, it imiri mbarak pidnak wene enaru nap min Parisi nap min-nen yak kerak mbogolar-e: ”Abug-a! Mbal Pem Nagawan obok pusu yu-ge ta-nen yusu-o? Meya yidnak amberam tak purak nap mbi worali-ge lag-o. Iri kwaroso-ge Mbal Pem Nagawan arig-et nak worasu-o!” luk yiga-o.

YOANES 10:20

Iri yogolar-e, it erep kwarat-nen yogolar-e: ”At yu-ge kugi arem nggwidnak, indi wawa-nen yusu-o! Kit noluk-nen at-nen yidnak wene kulili-o?” luk yiga-o.

YOANES 18:22

Iri yosoloma-ge, iri me towarak woraso nap misik-nen at inggi mok pem-nen Yesus erare lel kasolat-nen at yak tosolar-e: ”Kar-e tepan ombo nggulok imin-e kwiye lag-et iri nggal yoso-a?” luk yij-o.

YOANES 5:16

Nde, Yesus na we woragwi tarem-et nde, ap yu na ki rak pidnak pem-e Yawuri nap-nen-e at lel mberel ubuwokluk tu kore yiga-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

YOANES 8:13

Yosoloma-ge, Parisi nap-nen at yak togolar-e: ”Kat-net kat kebem wene kunggurusu yu-ge kar-e ndemeret wene kunggurusu bug-o” luk yiga-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

YOANES 8:59

Yosoloma-ge, Yawuri nap-nen at wuruwokluk kerep wanogola-ge, Yesus na-ge kurik kurak Mbal Pem Nagawan ama-nen mbirij-o.

YOANES 9:40

Iri yosoloma-ge, at imin woraidnak Parisi nap erep-nen at kin wok obogolar-e: ”Iri yigen iri-ge kat na nenlengen ngguru ala-nen yigen-a?” luk yogola-ge,

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

2 TESALONIKA 3:13

Alat nde, nennggamirak wa-e. Kir-e konak nak kwarogolat - wolmomtak iri-ge kenperari yurak pug-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 12:5

Nde, ineidtak-nen inlirak nggomo undugwi nggal Mbal Pem Nagawan-nen ilirak kit nggomo kindid na meme rak purak pug-o. At-nen yosolar-e: ”Nambara wa-e. Nagawan Indo-nen kindi wanonok-nen korosola-ge, te rak purak puk na-e. At-nen met kobosola-ge, kindi pok yurak puk na-e.

IBERANI 3:1

Kerisut ebem mbek tak kinpidnak nanggamirak kit na aid arem woraso Mbal Pem Nagawan-nen wene mbo kinpidnak nap wa-e. Yesus na kwara kinndi-n yebet ker-o. Nit wanuruk ebem ninndi angin tubu luk wanige wene na bem Yesus-e Tepan Ombo Kek tak wolmakluk Mbal Pem Nagawan-nen wirik ibil mbuwagaid nap-nen yusu-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

NAM PARA WENE 2:3

Kir-e an nunu bem ala andi bandi kagolar-et nde, mamak puruk woragolat, kinndi tugup lak, uwi yak worali-o.

1 SEMUEL 12:24

Nagawan Indo nak kek tak pogolat, kinndi misiget tak puruk tugup lak at nak ndegel tenak wolmer-o. Nagawan Indo nen kwiye worak kenmanggim kwarid ereba-ge meme rak purak pug-o.