IBERANI 12:2 - Nanduk Ngget Tul Pidnak Wene

² Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 12:2 ပူးပေါင်းရင်းမြစ်များ

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

NDAWI ENGGA 138:8

Kat-nen ”Irit kwat kibimin-o” luk urul yak nirigen iri na ndak ndag-et kwat nibi-o. Nagawan Indo wa-e. Kat-nen-e enabuwa kaso-ge pem irit kundugu woraso-o. Kat-nen kilirak kwat onposo iri na-ge pok tak purak pug-o.

YESAYA 31:1

Yongga undurak pem Mesira iri me mburuwa nab-e mondok enabuwa worag-o! It-nen inndi ebem wat tak pili-ge Mesira nap san ombo kere kura wam ombol pem kore yugwi kwarat ereba na min kura wam amawi worak ereba na min wim koma kwarat ereba na min ebem nak inndi wat tak pili-t nde, Nagawan Indo Isarael nap Enmbal Pem Nagawan mondok marak iri na ebem inndi wat tak pogolat, at-nen yongga unduwakluk nggi yak togolat yili bug-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YESAYA 8:17

Nagawan Indo-ge at ilirak Yakup-nen wigarak iri na-nen at kujwa naru ombol wok endarik worasu-o. Alat nde, an-e ebem-et nindi wat tak puruk, mbung mbung tak worasu-o.

MIKA 7:7

Alat nde, nit-nen tepan yili-ge Nenmbal Pem Nagawan-nen nenne kolosolat, nimiri yuwa-o luk ninndi-ge Nagawan Indo ebem nak wat tak puruk, yik karok worali-o.

WONARIDNAK WENE 21:9

Musa-nen waro misik posid tembaga bem ndak wosa, e sindik puruk, e iri na bem perena keya bamu, ap ondomoktak-nen waro-nen yilik onposola, enlengen waro tembaga bem ndak wosa pidnak iri na yik kagola-ge, ki yiga-o. 21:10-35 Ayat ya arem-e Isarael nap na-ge Kanaan mborogolat waring kagolar-e, ena nggwe ambigit (selatan) min luwaso ambigit (timur) min wok yiga wene mbarak worasu-o.

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MARAKUS 14:36

Yurug-e, ”Neid wa-e, Neid wa-e. Kat-nen yi mende ndi mende kwarurag-e ndak–nen yusu-o. Andi bandi an nebem mbusu yu an nebem-nen wabi-o. Nde, an nindi-n pidnak kwarurag-e lag-o. Alat nde, kat kindi-n pidnak nak kwat mag-o” luk yij-o.

MARAKUS 15:28

(Iri kwat yid iri-ge, Mbal Pem Nagawan engga bem-nen yosolar-e: ”At tet meya kwaroso nab-o luk uburujwa-o” luk yidnak iri na ndak ndag-et kwat yij-o.)

MARAKUS 16:19

Nde, Nagawan Indo Yesus-nen it na wene iri na yak ondosolug-e, aid arem konok turuk lasolar-e, Mbal Pem Nagawan inggi kigit ambigit nggwe kore yij-o.

MARAKUS 9:12

Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

MARAKUS 9:24

Yak tosoloma ereya na-net la na eid-nen ene ngguloksa yosolar-e: ”An nindi angin tubu yusu-t nde, kwara nindi angin tubu yusu buk-nen kwara nindi angin tubu yek-nen yongga niri-o” luk yij-o.

LUKAS 17:5

Nde, wirik inpidnak nap-nen Nagawan Indo yak togolar-e: ”Nit ninndi angin tubu yidnag-e kwara amawi rak pi-o” luk yiga-o.

LUKAS 23:11

Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

LUKAS 24:26

Abok lobok yuwa Kerisut-nen iri nggal nandug-e andi bandi karuk-net kek tak ubuwa bug-a?” luk yij-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 12:24

An-e ndemeret yak kundusu-o. Mbato engen lerak misig-e nggweyak pem yagosoma, piri yigit lak-nen-e engen iri na nak woraso-o. Nde, piri luk-net ebe kwarat poso-o.

YOANES 12:32

Nde, an-e nggweyak ma yu me-nen mendak nibil lujwama-ge, ap pidsa lesa an neram inpimin-o” luk yak indij-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YOANES 8:56

Kit kineid Abaram na-nen-e an lobok yurak tarem kamin-o perasoluk, alen min-et woragaij-o. Nde, an na lobok yosola karuk, kijik kijak yij-o” luk yij-o.

YIDNAK YIDNAK WENE 2:36

Iri bem-e, kit-nen e lang pang tak pem wirigep nap Yesus na-ge, Mbal Pem Nagawan-nen Nagawan Indo min Kerisut min tak pidnak nap-nen yusu-o luk Isarael nap it lolo pidsa-nen wene yu mondok kwara enaru mag-o” luk yij-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

1 KORINTUS 1:18

Kerisut e lang pang tak pem wiridnak wene na-ge it lak momtak tula mbitli nap-nen-e wid-nen yugwi wene nggal tak pili-t nde, nit ninmiri yurak tula mbitli nap-nen-e wene iri-ge Mbal Pem Nagawan amawi kwat yusu-o.

1 KORINTUS 1:23

nit-nen-e Kerisut e lang pang tak pem wiridnak wene nak yili-o. Nde, nit-nen yili wene iri-ge Yawuri nap enambigir-e unuwok abis pijaksa mberak onposo kerep nggal yosolat, enlem nin nap enambigir-e wid-nen yugwi nggal yosolat yusu-t nde,

EPESUS 2:16

E lang pang tak pem wat yosolar-e, Kerisut-nen-e it mberen ngarak woraidnak na lambuksa enpe misiget tak unpuruk, Mbal Pem Nagawan eram inpil lobok yij-o. Iri kwarosolar-e, sirid mbarak woraiga na lak tak pij-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 3:20

Nde, nit perak nde nunuwi elem ma-ge aid arem-et worasu-o. Nit Ninmiri Yoso Nap Nagawan Indo Yesus Kerisut iri-ge aid arem-nen mbuma-o luk yik karok worali-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 1:13

Nde, Mbal Pem Nagawan-nen aid nap misiger-o luk tet yak tosolar-e: ”An-nen-e kat kimin wim nab-e kat kijok ondoro nggal tak enpeyekluk worala-ge, kar-e an ninggi kigit nggwe koreyak wuri-o” luk mondok yak ondoso bug-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 10:14

Iri ala-ge, at eyabi-ge misiget pem nak wirik pid pem-e it-nen meya yogolat woraidnak iri mbek tak inpidnak nap oboksa-ge Kerisut-nen-e pem-et woralik nalik wolmakluk iminep mbarak inpij-o.

IBERANI 10:33

Iri kwat konpogolar-e, nin tarem-e ap inmbiri bem-et nggweyel konpogolat, kondogolat yiga-o. Nde, nin tarem-e kit nap ereb-e iri nggal kwat onpogola, kir-e it inmin lambuksa andi bandi kaidnak nggal-et kagwi-o.

IBERANI 11:36

Ap ereb-e nggweyel onpogolat, linggamburok ondogolat, kamasa o kubu me inpil nggogolat yiga-o.

IBERANI 12:3

Meya yugwi nap-nen Yesus na-ge insili min mondok kwarat lel mberel obogola, indi mamak puruk woragaid iri-ge kinndi yebet ker-o. Iri yebet kagup pem-e, kinndi pok luk nggeyok yugup pug-o.

IBERANI 13:13

Iri bem-e nit-nen na at eram o iri leget amberam nggwe mburuwog-o. Mbutlug-e, at imin nggweyel ninpidnak nap kwat mog-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

IBERANI 7:19

Nde, Musa-nen imiri mbarak pidnak wene iri-nen-e yi mende ndi mende mbi iminep mbarak purag-e mondok meya-o. Alat nde, yawo-ge nit Mbal Pem Nagawan eram panggo rak nunpurak ebem ninndi mbung mbung tak wolmomtak mondok konak mbi nam tak pij-o.

IBERANI 8:1

Nit-nen yu yili wene yu ebe-ge yu-o: Nit nentepan ombo nggulok iri nggal kwarak iri-ge Mbal Pem Nagawan Mondok Kek tak aid arem woraso-nen koreyak woraso sa inggi kigit ambigit nggwe koreyak worasu-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

YAKOBUS 2:1

Nanggamirak wa-e. Nit-nen idnak Nagawan Indo Yesus Kerisut, Unu kek tak Pidnak Nagawan iri ebem kit kinndi angin tubu yidnak iri na bem-nen ap enpage-ge lumbunurak pug-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.