IBERANI 11:9 - Nanduk Ngget Tul Pidnak Wene

⁹ Nde, Mbal Pem Nagawan-nen urul yak tidnak sa iri na me wok yarig-e, at indi angin tubu yidnak pem-net o iri me-ge ap sal nggal woragaij-o. Abaram iri-ge Isak min Yakub min-e o yu-ge kit kenma-t ma-o luk urul yak indidnak sa woragolar-et nde, unuwi-ge luru sum uwi nak worogolat woraiga-o.

IBERANI 11:9 ပူးပေါင်းရင်းမြစ်များ

NDAK WIRIDNAK WENE 12:8

Iri rak purug-e, Abaram na-ge abare ena (selatan) nggwe tu wanij-o. Mo luwaso ambigit abare ena nggwe ndobo worak o siri Mbetel nggwe mberarik, o lije sum-e Mbetel wok, o Ai siri wok, ereba me wirij-o. Nde, o Mbetel iri-ge mo mboso nggwe-o. Nde, Ai iri-ge mo luwaso nggwe-o. Iri me-nen na Abaram-nen-e Nagawan Indo amanggim wam wosa kan purak ondoro na misik kona mendaga pil laruk, Nagawan Indo erembel wanij-o.

NDAK WIRIDNAK WENE 13:18

Iri yak tosoloma-ge, Abaram na-ge o lije sum wi na-ge mijara turuksa o Mamere iri me kek tak pugwi e elem pem o Eperon koroga wiril mberarik woragij-o. Woralar-e, Nagawan Indo amanggim wam wosa kan purak ondoro kona ndama pil lagaij-o.

NDAK WIRIDNAK WENE 13:3

Nde, at na o Mbetel mborosolar-e, nin me-nen-e nin me wok luk, nin me-nen-e nin me wok luk, irit kwaril kwaril mberarik, nanduk at-nen o lije sum wirid sa o Mbetel wok, o Ai wok iri na me worasolat-nen

NDAK WIRIDNAK WENE 17:8

Yawo kat ap sal nggal worasu nggweyak yu-ge kat min kat-nen wigarak min winde rak kinpimin-o. Nde, an-e it Enmbal Pem Nagawan kwatluk, o Kanaan nggweyak oboksa-ge kat-nen wigarak wok undumu, pem irit winde wolma-o” luk urul yak tij-o.

NDAK WIRIDNAK WENE 18:6

Yogolikma-ge, Abarakam na-ge ndag-et nak uwi lije sum-nen wiridnak iri na arem nggosolat, Sara yak tosolar-e: ”Kar-e oroti mburu konak mbi ndak wosa wanugwi mende bem kenan pem wanuruk, omok wosa keya buruk, oroti kago wosa woragi-o”

NDAK WIRIDNAK WENE 18:9

Iri yosola-ge, it-nen Abarakam kin wok obogolar-e: ”Kat kogwe Sara ngge me worasu-o?” luk kin waniga-o. Yogola, Abarakam-nen wene onggo yosolar-e: ”O lije ma worasu-o” yak ondosoloma,

NDAK WIRIDNAK WENE 21:34

Iri kwat lug-e, Abarakam iri na-ge Pilisin nap enma ereba na-ge siyak woragij-er-o.

NDAK WIRIDNAK WENE 23:4

”Naptag-o. An-e ap sal-et nde, kennggendumu worasu-o. Iri bem-e an nogwe yapma peyek-nen nggweyak siyak mbi kenpem onggo purag-e nunggwirig-o?” luk yak indij-o.

NDAK WIRIDNAK WENE 25:27

Nde, li mberen ereya nggok yogolar-e, Esau na-ge wal nggwe nak mborosolar-e, towe mena woroso inggi mbuk lembe irit woragij-o. Nde, Yakup na-ge ene lak, erengen nak worak o ma nak woraso irit kwat yij-o.

NDAK WIRIDNAK WENE 28:4

Nagawan Indo-nen imbiringgat tak kobosolar-e, kat-nen wigarag-e Nagawan Indo-nen Abarakam imbiringgat tak obosolat-nen yak tid iri na ndak ndag-et wok kuruwag-o. Nde, kar-e Mbal Pem Nagawan-nen Abarakam wok tid nggweyak kat worasu yu-ge winde yugun-er-o” yak tij-o.

NDAK WIRIDNAK WENE 31:25

Iri na tarem-e o Nggileat iri me-t Yakup na ndobo misik pem o lije worosola-ge, Laban-nen lit unpuruk lobok yid owe owot iri na inmin na ndobo misik pem o lije wiriga-o.

NDAK WIRIDNAK WENE 35:27

Nde, Yakup na-ge nanduk ombo Abarakam woragid sa iri na me-t at eid Isak na-ge o Mamere Eboron koroga iri na me-t worasoma, eram wok yij-o.

NDAK WIRIDNAK WENE 47:9

Yakup-nen yosolar-e: ”An-e we waring tenak nak woralar-e, olengen-e seratus tiga pulu (130) nak worasu-o. Nde, an-nen nde nomborak-nen waring tenak woraiga olengen min nde ndak worosolar-e, it woraiga olengen-e ombol nggwe-t nde, an-e andi bandi nak woralat, olengen-e poro-t worasu-o” luk yak tij-o.

NDAWI ENGGA 105:12

Nandug-e Mbal Pem Nagawan ilirag-e o iri me-ge ap sal nggal woraiga-o. Nde, iri me-ge ap enpe-ge marig-et nak-nen woraiga-o.

IBERANI 6:17

Mbal Pem Nagawan indi-nen perasolar-e, at-nen urul yak indidnak iri na wanurak nap-nen-e at-nen urul pid iri-ge nden-e kujwa bug-o luk ndemeret enaru makluk-nen owak mbara urul pid irir-o.