IBERANI 11:8 - Nanduk Ngget Tul Pidnak Wene

⁸ Nde, Abaram na indi angin tubu yidnak pem-net Mbal Pem Nagawan-nen yonggo obosola, at-nen-e Mbal Pem Nagawan-nen yidnak yidnak nak kwarosolar-e, Mbal Pem Nagawan-nen: ”O iri me wok kirimin-o” luk urul yak tidnak sa iri na mo-t mbirij-o. Nde, at ama keya buruk mborosolar-e, an-e o iri na me-t mburusu-o luk peragit lak, indi kabak irit mbirij-o.

IBERANI 11:8 ပူးပေါင်းရင်းမြစ်များ

NDAK WIRIDNAK WENE 11:31

Nde, mbi tarem-e Tera na-ge Mbabilonia nggweyak pem at uwi Ut na keya buruk yarik, ambara Abaram min ombo Lot min ambara ogwe Sarai min ndegel unpuruk Kanaan mbururak puruk mbiriga-t nde, Aran woklug-e, iri na me-t woraiga-o.

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 15:5

Yak turug-e, Nagawan Indo-nen Abaram na imin mbepme wurungsa laruk-nen yak tosolar-e: ”Kat kerengen mbal nggwe lik karuk, wonaru ereba wonari-o. Kat-nen wigarag-e wonaru abu nggal-et ligik lujwa-o” luk yak tij-o.

NDAK WIRIDNAK WENE 17:8

Yawo kat ap sal nggal worasu nggweyak yu-ge kat min kat-nen wigarak min winde rak kinpimin-o. Nde, an-e it Enmbal Pem Nagawan kwatluk, o Kanaan nggweyak oboksa-ge kat-nen wigarak wok undumu, pem irit winde wolma-o” luk urul yak tij-o.

NDAK WIRIDNAK WENE 20:13

Iri kwarige bem Mbal Pem Nagawan-nen yosolar-e: ’Kar-e keid min wolmomtag-e lag-o. Are, yi wi ndi wi ereba nak waring tenak wolmin-o’ yak neramu, yi wi ndi wi nak waring tenak woralar-e, an-nen nogwe yak tosolar-e: ’Kat-nen-e an nimin-e ap oboksa yak ondosolar-e: ”At yu-ge an nowe-o” yak undurag-o. Kat-nen nde iri nggal yosola-ge, ndemeret kar-e an-nen yidnak yidnak nak kwaroso-nen yusu-o luk yenggerak kibimin-o’ luk yak tigi-o” luk yak tij-o.

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

YESAYA 41:2

Ombol nggwe yoso amawi worak mo luwaso (timur) nggwe woraso iri-ge ta-nen arem yabu wanosolat pempa ombol nggwe rak nak eberenak woraso-o? Ta-nen kwat obosola-nen yi nap ndi nap urugwe nggwe rak onposolat, nagawan nagawan-e yemndak unpuruk woraso-o? At agabo-nen ir-e mabe nggal tak onposo-o. Esan-nen ir-e magere engen o wija-nen puk yaga ndibi ndi rak poso nggal ndibi ndi rak onposo-o.

YESKIEL 36:24

Yi nap ndi nap enlem ennggendumu-nen, yi wi ndi wi-nen waga ndok worak kunpuruk, an-nen tuguruk wok kunpuruk kit kondomok kunuwi nggweyak pem-et tuguruk kinpil lobok yimin-o.

MATIUS 2:21

Yak tosoloma-ge, Yusup na men luk, la na ija min wok unpuruk, Isarael uwi tuguruk lobok yiga-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 10:16

Alat nde, it oboksa-nen aid wene wanili-ge lag-o. Nde, Yesaya-nen yosolar-e: ”Nagawan Indo wa-e. Nit-nen yidnak wene bem-e ta-nen nde inndi angin tubu yij-o?” luk yij-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

2 KORINTUS 10:5

Ap enmberam lagwi wene iri-ge lak tak pogolat, Mbal Pem Nagawan enaru mul naru inndi kek tak pem wiridnak kerep pak ndamarak pogolat yili-o. Nit ninndi-nen peragwi oboksa yemendak puruk Kerisut-nen yidnak yidnak nak kwaruwakluk indipma rak pili-o.

IBERANI 11:33

Nde, it inndi angin tubu yidnak pem-net wim nap nagawan-nen tenagaidnak wi ereba na inmin wim mbatluk, urugwe nggwe rak onpogolat, lud tak nak kwarogolat-nen Mbal Pem Nagawan-nen urul paga yak indidnak mende wanogolat, isilepma worak singa ndakngge na emende nggilil lobok yogolat,

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

YOSUA 24:3

Nde, an-nen-e konmbo Abarakam iri-ge o yi Eperat eyak ele bem-nen wanukmu-o. Wanurug-e, Kanaan nggweyak oboksa kibirik waring ki-o yak tigi-o. Yak turuk, an-nen-e at-nen wigarag-e kwarat tak pigi-o. Nde, nandug-er-e Isak at wok tigi-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 3:1

Kununtak worak kwami wa-e. Iri nggal-et kir-e kununtak enne nak kologolat wolmer-o. Iri kwarogola-ge, it erep-nen-e Mbal Pem Nagawan-nen yidnak yidnak wene bem inndi angin tubu yigit lak mbi woragola-ge, kit-nen konak kwarogola karuk, inndi angin tubu yuwa-o. It-nen yik kiniyujwa nggal, kenpage marak, mot mot nak kwarugwi me, kit-nen wene mbi yak undugup pug-o.

1 PETERUS 4:17

Ap enpem wene mbarurak tarem-e pi wok yij-o. Nde, nanduk nandug-er-e Mbal Pem Nagawan ilirak nit nenpem nandug-et wene mbaruwa-o. Nde, nandug-er-e nit nenpem wene mbarosolug-e, abog-e Mbal Pem Nagawan-nen idnak aid wene keya bugwi nap enpem wene mbarosola, ngge nggal kwat ma-o?