IBERANI 11:7 - Nanduk Ngget Tul Pidnak Wene

⁷ Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

IBERANI 11:7 ပူးပေါင်းရင်းမြစ်များ

NDAK WIRIDNAK WENE 19:14

yogolikma-ge, Lot na-ge at ararak mberen wok unpurak enabi pili ereya na endam mberarik, yak ondosolar-e: ”Kir-e yanem-et nak o siri yu keya buruk, nin sa mbururag-o. O yu-ge Nagawan Indo-nen mondok lak tak puwa-o” yak indij-et nde, at yu-ge keyari wene nde yusu kwasa keya biga-o.

NDAK WIRIDNAK WENE 6:13

Iri ala karuk, Mbal Pem Nagawan-nen Nu yak tosolar-e: ”An-e nggweyak ma yu me worasu urugup worak oboksa mondok lak tak purak wene abu abu wat tak puruk worasu-o. O yu-ge it-nen meya kwarugwi nak-nen kobong tak me, o yu lak tak posolar-e, imin-et it na lak tak inpimin-o.

NDAK WIRIDNAK WENE 6:22

Yak tosoloma-ge, Nu na-ge Mbal Pem Nagawan-nen yak tid iri na ndak ndag-et kwarij-o.

NDAK WIRIDNAK WENE 6:9

Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

NDAK WIRIDNAK WENE 7:5

Yak tosoloma-ge, at Nu na-ge Nagawan Indo-nen yak tid iri na ndak ndag-et kwarij-o.

NDAK WIRIDNAK WENE 8:16

”Yawo-ge kat min kogwe min kat kelirak onkwela inmin, kit oboksa kenangga mber-o.

2 NAGAWAN NAGAWAN-NEN KWARIDNAK WENE 4:5

Yak tosoloma, kwe togwe iri na ama mberarik, ilirak inmin ma tu lesa nggogolar-e, kwe iri na-nen-e embe marik saitun amburu kenanggo iri na wanosolug-e, ilirak-nen embe ereba inggem tak pogola, at-nen-e wonanggaril lobok yij-o.

NGGOMO WENE 22:3

Inndi worak nap-nen-e lak tak unpurak mende enpem mburak nde karug-e, mondok inggi mbal koragwi-o. Alat nde, ap wid-nen-e kagit ereba-t mburukmu, lak tak onposo mende-ge enpem mboso-o.

NGGOMO WENE 27:12

Ap indi worak nap-nen-e enare burak mende nde karug-e, abuwok ma-net mondok inggi mbaroso-o. Alat nde, ap wid-nen-e iri na nggwe-t lasoma, lak tak onposo mende-ge ebem mboso-o.

MATIUS 2:12

Nde, nabi bem-nen Mbal Pem Nagawan-nen it yak ondosolar-e: ”Kunuwok lem Erores eram mbururak pug-o” luk yak ondosoloma-ge, tula nin nggwe enma mbiriga-o.

MATIUS 24:15

”(Engga yu wonarusu nab-e no yosolat-nen yij-o luk kwara yebet kudtag-o.) Nde, kit-nen yik kagolar-e, Mbal Pem Nagawan ene lomboksa yoso nap Ndaniel-nen: ’Iri nggal ma-o’ luk yidnak na ndak ndak tak posolar-e, lak tak onposo mondok meya mende iri-ge o marak ma iri me mendak worala yik kagupndig-e,

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

MATIUS 24:38

Yi na awo kobong yigit lak ma-ge ap ereba-nen-e nunggwi mende min yi min nonggolat, ap min kwami min wok kerak mbogolat kwat tenak worakmu, Nu na e koma arem nggwid tarem wok yij-o.

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

LUKAS 17:26

Nde, Nu worala tarem-nen kwariga nggal-et, Ap Ambara an lobok yurak tarem-e iri nggal-et kwat ma-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 10:6

Alat nde, inndi angin tubu yidnak pem lud tak nak inpidnak nap yak ondogolar-e: ”Kinndi-nen peragolar-e: ’Ta nde aid arem lujwa-o?’ luk purak pug-o. (Iri yogolar-e, Kerisut waruk mbumomtak yogolar-o.)

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

OROMA 4:13

”O nggweyak yu-ge kit-net winde yugub-o” luk Mbal Pem Nagawan-nen Abaram min at-nen ndagaidnak lolo min urul paga yak indid iri-ge ar-e imiri mbarak pidnak wene-nen yidnak yidnak kwaroso bem-nen-e lag-o. Are, at indi angin tubu yidnak pem Mbal Pem Nagawan-nen at lud tak nak ibidnak ala-nen urul paga yak indij-o.

OROMA 9:30

Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

NGGALATIA 5:5

Nde, Konak Indi bem-nen nit ninndi angin tubu yidnak pem lud tak nak nunpuwa-o luk ninndi mbung mbung tak worali iri kwat nunpuwakluk yik karok worali-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

IBERANI 11:1

Inndi angin tubu yugwi-ge yu nggal-o: Inndi ebem mbung mbung tak woragwi na-ge ndemeret wanul-er-o luk peragwi irir-o. Nde, nit nenlengen-nen kagit lag-et nde, ndemeret kul-er-o luk peragwi irir-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

IBERANI 8:5

Nde, it tepan omborak-nen kwarugwi eneyabu iri-ge ebe-ge aid arem worala, ir-e we amorok ndak worak nggal kwarugwi-o. Iri wene-ge nandug-et Musa yak tij-o. Musa-nen-e sum-nen wiridnak wi iri na wereyekluk yosoma, Mbal Pem Nagawan-nen at yak tosolar-e: ”Kar-e ndobo iri bem woralat-nen mirik kibidnak iri na ndak ndak nag-et woragun na-e” luk yak tij-o.

1 PETERUS 3:20

Inndi aid wene yak indid iri-ge Nu woragaid tarem-nen Mbal Pem Nagawan-nen yidnak yidnak kwarigit lak yiga inndi-o. Nde, Nu-nen e koma na worosola, Mbal Pem Nagawan-e indi luruk puruk woragaij-o. Yi kobong yil lagaij-et nde, e koma na arem-e enpe wonarak delapan nak inmiri yij-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.

2 PETERUS 3:6

Nde, nanduk ndak worak pid nggweyak iri na lak tak pij-e yi nggok kobong yid iri-net lak tak pij-et nde,