IBERANI 11:6 - Nanduk Ngget Tul Pidnak Wene

⁶ Nde, ap-nen-e Mbal Pem Nagawan ebem indi angin tubu yigit lak ala-ge, Mbal Pem Nagawan-nen-e ap iri ebem-e alen kujwa bug-o. Nde, Mbal Pem Nagawan eram lobok yuwa nap-nen perasolar-e: ”Mbal Pem Nagawan-e ndemeret worasu-o” yuruk, ”Mbal Pem Nagawan-nen-e kwara at ogore yuwa nap na onggo wok unduwa-o” luk wene na bem indi angin tubu yosolat wolmag-o.

IBERANI 11:6 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAWI ENGGA 73:28

Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YESAYA 7:9

Nde, Isarael iri na amawi-ge uwi siri iminepma Samaria amawi ombol nggwe-nen yusu-ge lag-o. Nde, Samaria iri na amawi-ge it ennggendumu Nagawan Peka amawi ombol nggwe-nen yusu-ge lag-o. Kit-nen nde ndemeret kinndi an nebem wat tak woragit lak yugup pem-e mondok pak pugup pug-o” luk yij-o.

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

WONARIDNAK WENE 14:11

Nagawan Indo-nen Musa yak tosolar-e: ”It yu-ge pempa an nimin eyak wat tenag-et wolma? It enlem yu-ge an-nen-e kwiye worak mende it ennggendumu kwarat kwarusu-t nde, noluk-nen an nebem inndi angin tubu yili bug-o?

WONARIDNAK WENE 20:12

Alat nde, Nagawan Indo-nen Musa min Arun min met onposolat-nen yosolar-e: ”Kir-e an namawi na-ge Isarael nap inmbiri bem nam tak pigit lak yigenma me, kit mberen-e it lit unpuruk, o urul yak indigi iri na me nggugup pug-o” luk yak indij-o.

MATIUS 11:26

Ye, Neid wa-e. Iri-ge kat kindi-n pidnak ndak ndag-et kwarij-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

MATIUS 6:16

”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:33

Alat nde, kit-nen Mbal Pem Nagawan-nen tenagaidnak wi min at-nen lud tak nak tak onposo elem min nanduk tak pugupndig-e, iri mende oboksa wok kunduwar-o.

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MARAKUS 16:17

Nde, inndi angin tubu yuwa nab-e yenggerak purak mende yu nggal: An nunu bem kugi wirik pogolat: enaru bug-et nde, nin wene nan wene bem yogolat;

LUKAS 12:31

Alat nde, kit-nen-e Mbal Pem Nagawan-nen tenagaidnak wi nanduk tak pogola-ge, kit-nen ukwe pidnak mende iri-ge wok kunduwa-o” luk yij-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 8:24

Iri bem-e, ’Kit meya yidnak min woragolat-nen wat yugub-o’ luk yak kindigi nar-o. Nde, kit-nen-e an nimin-e ’Ar-e Ar-e woraso-net yusu-o’ luk kinndi an nebem angin tubu yigit lak ala-ge, kit meya yidnak min woragolat-nen war-et yugub-o” luk yak indij-o.

OROMA 10:14

Alat nde, it inndi angin tubu yigit lak woragolat-nen-e nggerak puruk-nen at wene mbo uburag-o? Nde, at obok kuligit lak woragolat-nen-e nggesa-nen at ebem inndi angin tubu yurag-o? Nde, aid wene yak undurak nab-e lak-nen-e nggesa-nen kulurag-o?

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

IBERANI 4:2

Nde, konak wene iri-ge it-nen kuliga na nggal-et nit na kulige-o. Nde, wene iri kologolat woraiga-t nde, wene na bem inndi angin tubu yigit lak yigarik me, wene na-ge it enmanggim-e ebe lak mende nggal yij-o.

IBERANI 4:6

Nde, ap ereb-e at indisep kwaroso sa iri me ndak ngguwa-o luk yidnag-e nam-et worasu-o. Alat nde, it nanduk nandug-et konak wene kuliga nab-e it inndi angin tubu yigit lak iri bem-nen indisep kwaroso sa nggwigit lak yiga-o.

IBERANI 7:19

Nde, Musa-nen imiri mbarak pidnak wene iri-nen-e yi mende ndi mende mbi iminep mbarak purag-e mondok meya-o. Alat nde, yawo-ge nit Mbal Pem Nagawan eram panggo rak nunpurak ebem ninndi mbung mbung tak wolmomtak mondok konak mbi nam tak pij-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.

2 PETERUS 1:5

Iri bem-e, kir-e kwara kenmawi kondogolar-e, kit kinndi angin tubu yidnak min lombok tak pogolar-e, konak nak kwarugwi mende lambuksa waner-o. Nde, konak nak kwarugwi mende min lombok tak pogolar-e, enaru yugwi mende na lambuksa waner-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

URUT 2:12

Nde, kat-nen konak kwarigen ereba-ge Nagawan Indo-nen onggo puwag-o. Kar-e kimiri yuwakluk at eram lobok yidnak me, Nagawan Indo Isarael nap Enmbal Pem Nagawan-nen-e mondok kat wok kururag-et wok kuruwa iri na-ge wanonog-o” luk yak tij-o.