IBERANI 10:5 - Nanduk Ngget Tul Pidnak Wene

⁵ Iri bem-e, Kerisut na-ge nggweyak ma yu me mbuwasolat-nen Mbal Pem Nagawan yak tosolar-e: ”Kar-e wam wosa eyabi kamanggim pugwi min kat kamanggim eyabi wirik pugwi min kar-e kisili-o. Alat nde, nebe kwarak nibigen-o.

IBERANI 10:5 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

YESAYA 1:11

Nagawan Indo-nen yosolar-e: ”Kat kindi arem-nen-e kat-nen an namanggim pugwi mende kundugu kandugu perenak worasu ereba-ge an-e nindingen tak pusu-o luk yebet kasu, lak? Kat-nen an namanggim wosa kan pusu lomba min sapi usul omok min sapi kusi eyabi min lomba min kambing min iri-ge an-e mondok yik kudtag-e mondok nisili-o.

YESAYA 40:16

Libanon walma towe mena oboksa-t nde, Mbal Pem Nagawan amanggim wosa kan pogolar-e, ndag-e ma bug-o. Iri me woraso e-t nde, kan maburak kan wanogolar-e, mondok ndag-e ma bug-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YEREMIA 31:22

An-nen yidnak yidnak kwarugwi buk kenlem yu-ge wa-e. Kir-e mepme-nen kinndi mberen kwat tenak woragwi iri-ge keya bugub-o? Nggweyakma yu me an-nen misik mende ngget mbi ndak wosa posolar-e, ki mul mul nin nggal-et kwami-nen ap kura unpugwi nggal-et kwarak pigi-o” luk yij-o.

YEREMIA 6:20

No manggim-nen ir-e an namanggim emben konak kemenan-e o Seba-nen waruk lobok yogolat, undu rak pugwi mende-ge o nin sa-nen waruk lobok yogolat kwatli-o? An-e it-nen an namanggim pili mende-ge an-e nisili kasu-o. Iri-nen it-nen namanggim wosa kan pili na nisili rak pusu-o.

MATIUS 11:3

Kin wok obogolar-e: ”Abok lobok yuwa-o yili na-ge kar-et, lak? Are, nin mbi yik karok wulmul-a, ngge-o?” luk kin wok ibiga-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 7:19

Nagawan Indo eram wirik enpamu, at kin wok obogolat-nen yogolar-e: ”Abok lobok yuwa-o yili nap na-ge kar-et, lak? Are, nin nap lobok yuwa-o luk yik karok wulmul, lak, ngge-o?” luk yak tuwakluk wene enpem pamu-ge.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

IBERANI 1:6

Nde, Mbal Pem Nagawan-nen at Ambara manggu iri-ge nggweyak ma yu me ibil mbuwayekluk-nen yosolar-e: ”Mbal Pem Nagawan-nen idnak aid nap oboksa-nen-e at nak erembel wanuwag-o” luk yij-o.

IBERANI 10:10

Nde, Yesus Kerisut-nen Mbal Pem Nagawan indi-n pidnak nak kwaridnak pem-e, nit pidsa-nen meya yogolat woraidnak iri mbek tak ninpid iri-ge, at na at-net ondomok ebe posolar-e, pem-et woralik nalik wolmomtak amanggim misiget pem nak pij-o.

IBERANI 10:7

Iri ala-ge, an-nen yosolar-e: ’Mbal Pem Nagawan wa-e. An-e yu-o. An lobok yigi yu-ge kat kindi-n pidnak iri nak kwarurak pem lobok yigi-o. Nde iri-ge, Musa-nen engga mbarak arem-nen an nowene mbaridnak irit ndak ndak tak posolat-nen lobok yigi-o’ luk yij-o.”

IBERANI 10:8

Ayat abam nggwe yu-nen Kerisut-nen yosolar-e: ”Wam kamanggim eyabi wirik pugwi min wam kamanggim pugwi min kat kamanggim wam wosa ebis-et kan pugwi min meya yogolat woraidnak lak tak puwakluk wam eyabi wirik pugwi min iri-ge kar-e kindingen-e lag-o, mondok kisili-o” luk yij-o. Iri yid iri-ge, Musa-nen imiri mbarak pidnak wene-nen yidnak yidnag-et kwarogolat-nen Mbal Pem Nagawan amanggim wam wosa eyabi wirik pugwi-t nde, iri yij-o.

IBERANI 2:14

Nde, ”nilirag-o” luk inmin yid nap ereba na-ge, ki nap enaboro nde eneyabi nde worak-net yili me, Yesus-e it enaboro worak yid iri bem-e ki nap enpage worak irit woragaij-o. Iri yid iri-ge Yesus wat yosolat-nen-e wat yugwi elem tena woraso Sere amawi na urugwe nggwe rak peyekluk-nen wat yij-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

IBERANI 8:3

Nde, tepan ombo nggulok yuwakluk mendak unpugwi na-ge it-nen-e Mbal Pem Nagawan amanggim pogolar-e, Mbal Pem Nagawan amanggim pugwi mende min wam wosa eyabi pogolat wolmakluk mendak unpugwi-o. Iri nggal-et nit nentepan ombo nggulok na irit mondok Mbal Pem Nagawan amanggim purak mende mbi inggem wolmomtag-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.