IBERANI 10:4 - Nanduk Ngget Tul Pidnak Wene

⁴ Nde, sapi wam kusi eyabi min kambing wam kusi eyabi min-nen-e ap-nen meya yogolat woraidnak iri-ge korak unpurag-e mondok pem lag-o.

IBERANI 10:4 ပူးပေါင်းရင်းမြစ်များ

NDAWI ENGGA 51:16

Kar-e kamanggim urusu mbara wosa bugwi ereba na kindingen kaso buk me, an-nen nde kamanggim kan pumu-ge iri-ge kar-e kindingen kagun pug-o.

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

YEREMIA 6:20

No manggim-nen ir-e an namanggim emben konak kemenan-e o Seba-nen waruk lobok yogolat, undu rak pugwi mende-ge o nin sa-nen waruk lobok yogolat kwatli-o? An-e it-nen an namanggim pili mende-ge an-e nisili kasu-o. Iri-nen it-nen namanggim wosa kan pili na nisili rak pusu-o.

OSEA 14:2

Isarael nap wa-e. Kir-e tuguruk Nagawan Indo Kenmbal Pem Nagawan eram lobok yer-o. Kir-e meya kwatli ereba-nen ndowaga mboroksa mbud yili-o.

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

MARAKUS 12:33

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

OROMA 11:27

An-nen it meya yidnak lak tak posolat-nen-e: ’Iri nggal kwat kinpimin-o’ luk urul paga yak indimin-o” luk yij-o.

IBERANI 10:1

Musa-nen imiri mbarak pidnak wene iri-ge abok-nen wok nunduwa konak mende iri nde ebe worak-nen yusu-ge lag-o. Are, we amorok ndak worak-net yusu-o. Nde, wam wosa eyabi-ge Mbal Pem Nagawan amanggim pogolar-e, olengen irit ndak wosa pempa pempa iri na nggal nak perenak woragwi-o. Iri ala-ge, Musa-nen imiri mbarak pidnak wene iri na kwarogolar-e, wam eyabi iri nggal kwasa pogolar-e, it Mbal Pem Nagawan eram lobok yidnak nap iminep mbarak unpurag-e meya-o.

IBERANI 10:11

It Yawuri nap tepan omborak enambiktak-net pempa pempa Mbal Pem Nagawan ndegel perenak woragwi-o. Nde, eyabi wirik pidnak iri-nen-e meya yogolat woraidnak iri-ge lak tak purag-e mondok lag-et nde, Mbal Pem Nagawan amanggim pogolar-e, wam wosa eyabi pidnak iri na nggal nak pempa perenak woragwi-o.

IBERANI 10:8

Ayat abam nggwe yu-nen Kerisut-nen yosolar-e: ”Wam kamanggim eyabi wirik pugwi min wam kamanggim pugwi min kat kamanggim wam wosa ebis-et kan pugwi min meya yogolat woraidnak lak tak puwakluk wam eyabi wirik pugwi min iri-ge kar-e kindingen-e lag-o, mondok kisili-o” luk yij-o. Iri yid iri-ge, Musa-nen imiri mbarak pidnak wene-nen yidnak yidnag-et kwarogolat-nen Mbal Pem Nagawan amanggim wam wosa eyabi wirik pugwi-t nde, iri yij-o.

IBERANI 9:9

Nde, iri-ge yawo worali ut mimirik-nen yusu-o. Iri-nen yogolar-e, Mbal Pem Nagawan amanggim pugwi min wam wosa eyabi Mbal Pem Nagawan amanggim pugwi min-nen-e Mbal Pem Nagawan amanggim poso nap indi iminep mbarak purag-e meya-o.

1 YOANES 3:5

Nde, Kerisut lobok yid iri-ge ap-nen meya yidnak korak peyekluk lobok yij-o luk kenaru nar-o. Nde, ar-e mondok meya mbi kwaroso bug-o.