IBERANI 10:34 - Nanduk Ngget Tul Pidnak Wene

³⁴ Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.

IBERANI 10:34 ပူးပေါင်းရင်းမြစ်များ

AID WENE YOSO NAP 3:6

Mbal Pem Nagawan-net wat tak posolar-e, kudtak tarem min kagit lak tarem min ndok wosa purak tarem min ondoro rak purak tarem min

MATIUS 19:21

Yosoloma-ge, Yesus-nen at yak tosolar-e: ”Kar-e iminep mbarak wolmomtak kindingen ala-ge, mburugundik, kisilobulo pidsa onggo waga uwang ndok wurugun iri-ge insilobulo lak nap tembesa wok undugunmu-ge, lobok yugundik, an nimin ni-o. Iri yugundik pem-e aid arem-nen karengge mondok kwarat winde yugun-o” luk yak tij-o.

LUKAS 10:42

nanduk tak purak mende-ge misiget nak worasu-o. Nde, Maria-nen-e konak kwarurak mende mbenasa wanid iri-ge tuguruk at inggem-nen wanurak puk irit wanij-o” luk yij-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 9:25

Ap-nen-e nggweyak ma yu me pidsa winde ma-t nde, at ambik indi pul tak posola-ge, no nde lesa wanuwa-o?

YIDNAK YIDNAK WENE 21:33

Mbogola-ge, wari na-ge Paulus eram wok yosolar-e, tenagaij-o. Tenaburuk, posid kere mberen lomboksa kamarer-o yak unduruk, kin wok onposolar-e: ”Ap yu-ge ta-o? Nde, ar-e no kwarij-o?” luk kin wok inpij-o.

YIDNAK YIDNAK WENE 28:20

Iri bem-nen iri yidnak wene kit kinmbiri bem para yak kendeyekluk yonggo kinpigi-o. Isarael nap-nen inndi ebem mbung mbung tak worali na bem an posid kere bem kamat nibidnak worasu-o” luk yak indij-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 6:20

Aid wene waruk mburuwakluk, an-e wirik nibidnak nab-et nde, aid wene na bem o kubu me nibil nggwidnak worasu-o. Iri ala-ge, aid wene na-ge ”Iri nggal kwasa yonog-o” luk yak nirid nggal-et an kwiye lag-et wene iri yek-nen namanggim tepan yogolat wolmer-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

1 TIMOTIUS 6:19

Iri nggal kwarogolar-e, it abok wolmomtak amanggim pem-et wolmomtak silobulo kwarat it enmanggim ndok wuruwa-o. Iri kwatli iri-ge ndemeret unlug-et wolmomtak elem na wanuwa-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

2 TIMOTIUS 2:9

An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 13:14

Nde, nggweyak ma yu me-ge nit nunuwi pem uwi-ge lak me, abok-nen lobok yuwa o siri iri na kore yili-o.

IBERANI 13:3

Nde, ap o kubu me inpil nggwidnak enperagolar-e, kit kenmberek o kubu me kinpidnak nggal yebet eneyudtag-o. Nde, meya sa lel mberel inpidnak nap enperagolar-e, kit kenmbereg-et lel mberel kinpidnak nggal-et yebet eneyudtag-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

1 PETERUS 1:4

Iri bem-e, Mbal Pem Nagawan-nen at elem nap enmanggim pidnak silobulo winde yul-o luk, ninndi mbung mbung tak worali-o. Silobulo iri-ge meya yoso buk, emben na yoso buk, terabet na yoso buk irit aid arem iri me kit kenmanggim ndok worak worasu-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.