IBERANI 1:9 - Nanduk Ngget Tul Pidnak Wene

⁹ Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.

IBERANI 1:9 ပူးပေါင်းရင်းမြစ်များ

NDAWI ENGGA 119:104

Kat-nen idnak imiri mbarak pidnak wene-nen-e nindi ngarak posola, an-nen-e lugud tak kwarugwi iri-ge nisili rak pusu-o.

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDAWI ENGGA 2:2

Nggweyakma yu me nagawan nagawan misik pem-et nak pugak yogolat, o tena woragwi enmawi worak ereba na-nen wene mbarogolar-e, Nagawan Indo min at-nen lenak pidnak nagawan min undurak wene mbarogolar-e:

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 23:5

An nuwim nap inmbiri bem-et kat-nen-e an namanggim nggok saguruk, ap sal kek tak kwat unpugwi nggal-et kwat nubusu-o. Kat-nen-e yi undu konak kenangga neram kwarat ligik pusu-o.

NDAWI ENGGA 33:5

Nagawan Indo na-ge lud tak nak kwarugwi nap min wene mot mot mbarugwi nap min enabuwa kaso-o. Nggweyak ma yu me-ge Nagawan Indo-nen ap unpud kaso iri-nen yebet tak pusu-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

NDAWI ENGGA 89:20

An-nen ndegel noboso nap Ndaut karuk, lenak posolar-e, amburu anggul pem kiligi-o.

NDAWI ENGGA 89:26

At-nen yak norosolar-e: ’Kar-e an neid min Nembal Pem Nagawan min-net yusu-o. Kar-e nggetlel nobosolat, nimiri yosolat yoso-net yusu-o’ luk yuwa-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YESAYA 61:8

Nagawan Indo-nen yosolar-e: ”An-e mot mot nak kwarugwi irit nindingen tak pusu-o. Nde, anggun panggun tak unpugwi min meya kwarugwi min-e an-e nisili rak pusu-o. An-nen tugup lak onggo wok kondosolat, ’Mondok pem irit kinmin kundik woramin-o’ luk urul yak kondosolat yimin-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YOANES 1:41

Andereas iri-ge ndag-et nak at owe Simon ogore yil mberarik, kasoluk-nen yak tosolar-e: ”Mesias iri na kaige-o” luk yak tij-o. (Nde, Mesias min Kerisut min iri-ge Yunani wene bem-e Inmiri Yoso Nagawan-o yogolar-o.)

YOANES 10:17

Abok-nen nindi tuguruk waneyekluk, an-net an nindi wisirik pusu me, an Neid-nen an nabuwa kasu-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 4:26

Nggweyak ma nagawan nagawan min ese mendak inpidnak nap min ndok worogolar-e, Nagawan Indo min at-nen idnak Kerisut min inmin wim mbaruwokluk ndok wiriga-o’ luk yij-o.

YIDNAK YIDNAK WENE 4:27

Ndemerer-o. O siri yu me-nen Erores min Pontius Pilatus min-e enlem nin nap min Isarael nap min ndok worogolar-e, kat Ndegel Koboso Len Ibidnak Nap Yesus, kat-nen amburu ebem kilidnak nap imin wim mbaruwokluk ndok wiriga-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

2 KORINTUS 11:31

An-nen yusu wene yu-ge nenesiget yusu-ge lag-o. Nagawan Indo Yesus Eid Mbal Pem Nagawan-e aru-o. At unu-ge kek tak irit woralik nalik wolmag-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

PILIPI 2:9

Iri kwarid pem-e, Mbal Pem Nagawan-nen ndemeret at kek tak uburuk, ap erep unnu-ge tebe rak puruk, at unu mondok kek tak paga wok tij-o.

IBERANI 2:11

Nde, it-nen meya kwarugwi na inggem-nen weserak onposo nap Yesus min weserak inpidnak nap it min-e ineij-e misiget-nen yusu-o. Iri kwarak ala karuk, at-nen-e inggiri lag-et it inmin-e ”An nowosirak-nen yili-o” luk yoso-o.

IBERANI 2:9

Alat nde, nir-e Yesus kali-o. Nde, Mbal Pem Nagawan-nen we wok ondoso elem pem ap oboksa enmanggim wat makluk Yesus iri-ge luru nak aid nap indipma teberak ibij-o. At andi bandisa wat yid iri bem-e yawoge ar-e nagawan nggulok kek tak pidnak irit kali-o.

IBERANI 7:26

Nde, nit nentepan ombo nggulok iri-ge Yesus at irit nindingen kali-o. At iri-ge mondok mbek tak woraso nap, lugud tak kwaroso buk, meya mbi mondok kwaroso buk nap-nen yusu-o. At na-ge meya yogolat woragwi nap inmin-e erep kundig-e lak, arik lenak me, ar-e mbal tap ombol nggwe kek tak pidnak nap-nen yusu-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

NAM PARA WENE 2:15

Iri nggal-et kit kennggenggerag-e ap erep-nen-e Nikolaus ene wanugwi nap-nen yidnak wene owak na langgal luk mbitli-o.