IBERANI 1:3 - Nanduk Ngget Tul Pidnak Wene

³ At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 1:3 ပူးပေါင်းရင်းမြစ်များ

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

MIKA 5:4

Nde, at-nen-e yamuksa woragwi elem wok unduwa-o.

MATIUS 22:24

”Nggomo Ondoso Nap wa-e. Musa-nen yosolar-e: ’Ap misik nde ondolma pigit lak wat yosola-ge, owe wat yid na ondolma puwakluk, owot na-nen at owe ogwe togwe iri na mondok wanurag-o’ luk yij-o.

MARAKUS 16:19

Nde, Nagawan Indo Yesus-nen it na wene iri na yak ondosolug-e, aid arem konok turuk lasolar-e, Mbal Pem Nagawan inggi kigit ambigit nggwe kore yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 1:4

Wene iri-ge unlug-et wolmomtak elem-nen yusu-o. Nde, unlug-et wolmomtak elem iri-nen oboksa yaya rak inpij-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 7:56

at-nen yosolar-e: ”Yu nde ker-o. An-e aid arem tu kuwarak worala, nde, Ap Ambara-ge Mbal Pem Nagawan inggi kigit nggwe mendak worala kasu-o” luk yij-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

OROMA 8:34

ta-nen nenpem wene mbaruwa-o? Kerisut Yesus na wat yij-et nde, uruk tak pamu, Mbal Pem Nagawan inggi kigit nggwe woralar-e, nit nenmanggim Mbal Pem Nagawan emengen mbal tenak worasu-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

KOLOSE 3:1

Kir-e Kerisut imin kunluk tak pidnak me, teram woraso mende nak kore yer-o. Teram iri me-ge Kerisut-e Mbal Pem Nagawan inggi kigit nggwe koreyak worasu-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 1:13

Nde, Mbal Pem Nagawan-nen aid nap misiger-o luk tet yak tosolar-e: ”An-nen-e kat kimin wim nab-e kat kijok ondoro nggal tak enpeyekluk worala-ge, kar-e an ninggi kigit nggwe koreyak wuri-o” luk mondok yak ondoso bug-o.

IBERANI 10:12

Alat nde, Kerisut-nen-e ap-nen meya yogolat woraidnak pem misiget pem nak Mbal Pem Nagawan amanggim wosa posolar-e, pem-et woralik nalik wolmomtak mende irit puruk, Mbal Pem Nagawan inggi kigit nggwe kore yij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 4:14

Iri ala-ge, Mbal Pem Nagawan Ambara Yesus, nit nentepan ombo nggulok na-ge Mbal Pem Nagawan eram aid arem iri me nggwidnak me, nit ninndi angin tubu yidnak na-ge mondok puksa tena wolmog-o.

IBERANI 7:27

Nde, Yesus na-ge it tepan omborak nggulok erep ereba na nggal-e lag-o. It-nen-e pempa Mbal Pem Nagawan amanggim wam wosa eyabi pogolar-e, nandug-et it ondomok meya yidnak pem puruk, imbirig-e ap pidsa meya yidnak pem pugwi-t nde, Yesus-e misik tarem nak Mbal Pem Nagawan amanggim posolar-e, wam wosa eyabi pidnak nggal at ondomok eyabi pij-o.

IBERANI 8:1

Nit-nen yu yili wene yu ebe-ge yu-o: Nit nentepan ombo nggulok iri nggal kwarak iri-ge Mbal Pem Nagawan Mondok Kek tak aid arem woraso-nen koreyak woraso sa inggi kigit ambigit nggwe koreyak worasu-o.

IBERANI 9:16

Arengge nggawi mbara engga bem pidnak mbi worala-ge, arengge nggawi mbarak engga pid nap yu-ge war-et yamu-o luk peragwi-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.

2 PETERUS 1:16

Nde, Nenagawan Indo Yesus Kerisut na amawi min lobok yurak wene min yak kindige iri-ge, tisiya ap inndi-nen mbela enesiget yugwi nggal yak kindili-ge lag-o. Are, Yesus Kerisut-nen kek tak woraso iri-ge nit nenlengen towelengen-nen kaige-o.

2 PETERUS 1:17

Eid Mbal Pem Nagawan-nen Yesus kek tak paga nggok tak obosolar-e, Mondok Abinal worak Kek tak Nap-nen at imin yosolar-e: ”Yu-ge an Nambara nindi kundik-nen yusu-o. At ebem an nalen kasu-o!” luk nit ninmbiri bem-et yosola, kulige-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 3:5

Nde, Kerisut lobok yid iri-ge ap-nen meya yidnak korak peyekluk lobok yij-o luk kenaru nar-o. Nde, ar-e mondok meya mbi kwaroso bug-o.

YURAS 1:25

arig-et woraso Mbal Pem Nagawan, nit Ninmiri Yoso Nap iri amanggim-e nit Nenagawan Indo Yesus Kerisut na ebem-nen-e abinal min kek tak woraso elem min amawi elem min at-nen tenagoso elem min-e obi ereba kuri-net, yawo-nen na, woragolat nagolat na at amanggim-et wolmag-o. Amen.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.