IBERANI 1:2 - Nanduk Ngget Tul Pidnak Wene

² Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

IBERANI 1:2 ပူးပေါင်းရင်းမြစ်များ

NDAK WIRIDNAK WENE 49:1

Iri luk, Yakup-nen at elirak yeba na wene mbo unpuruk-nen yak ondosolar-e: ”An neram panggosa yu me ndok werer-o. Nde, yawo an-e abok kit kenpem mburak mende mbi yak kindimin-o.

YESAYA 2:2

Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

YESAYA 44:24

Nagawan Indo Kimiri Yoso Nap, kiya arem nanduk-net kwarak kibid nap iri na-nen yu nggal yij-o: ”Nagawan Indo an-nen yi mende ndi mende oboksa ndak worak posolar-e, an narig-et nak mbal yemarak pigi-o. O yu ndak worosola-ge, mondok yongga nirigit lak, nondomok nak-net ndak wirigi-o.

YESAYA 45:12

An-e o yu ndak worak puruk, o yu na bem ap wolmakluk nggweyakma nap ndak worak inpigi-o. Iri kwarosolar-e, an namawi bem-net mbal yemarak pigi-o. Nde, mo min waneya min wonaru min ereba-ge an-net tena worasu-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

NDANIEL 10:14

Nde, an lobok yigi-ge kat kelem nap enpem abok kwat ma mende ereba na kwara karu rak peyekluk lobok yigi-o. Nde, nabi nggal pem yik kaigen yu-ge abok-nen kwat ma wene kaigen-o” luk yak nirij-o.

NDANIEL 2:28

Alat nde, aid arem woraso Mbal Pem Nagawan iri nak-nen kura wene oboksa-ge para nam tak poso-o. At iri-net abok-nen kwat momtak wene-t nde, yak kirij-o. Nde, nagawan kat nene yosoma, nabi bem kaigen iri-ge an-nen iri nggal-o luk yawo-n yak kirimin-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

MIKA 4:1

Nde, abok woragolar-e, ndobo Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na-ge tebe rak puruk, tugup lak nggasera menluk keya buwa-o. Iri yuwama, yi nap ndi nap oboksa iri me nggubunuruk nggwid nggwid mborogolat wolma-o.

WONARIDNAK WENE 24:14

Mbileyam-nen Mbalak yak tosolar-e: ”Yawo-ge an-e nelem nap endam mburusu-o. Alat nde, an mbirigit lak ma-net Isarael nap-nen kat kelem nap kwat unpuwa wene mbi yak kereyeg-o” yosoluk,

MATIUS 13:39

Nde, sirid nap kuri uwi pil kagaid iri na-ge Sere-net yusu-o. Nde, engen mbarurak tarem iri-ge i worok yuwa tarem-er-o. Nde, engen mbarugwi nap na-ge aid nab-er-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 21:38

Alat nde, parugu worali nap-nen at ambara na karuk, it nak yak kerak mbogolar-e: ’Eid eyabu winde yuwa nab-e yur-o. At yu nde wuruwog-o. Wutlug-e, at onggweyak yu-ge nit-nen winde yul-o’ luk yiga-o.

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MARAKUS 1:1

Mbal Pem Nagawan Ambara Yesus Kerisut owene konak wene-ge yu-o.

MARAKUS 12:6

Yogolikma-ge, yabu winde eram-e ap misiget nak woragaij-o. Nde, iri-ge at ambara indi kundugu irit worala-ge, abok nggwe-ge at ambara-ge it endam wirik obosolat-nen yebet kasolar-e: ’An nambara yu-ge it-nen-e kek tak ubuwa-o’ luk yebet kagaij-et nde,

MARAKUS 12:7

yabu parugu worali nap na-nen yak kerak mbogolar-e: ’Eid onggweyak winde yuwa nab-e yur-o. Onggweyak winde yuwok-nen wuruwog-o’ luk yiga-o.

YOANES 1:10

Nde, Wene na-ge nggweyak ma woragaij-o. Mbal Pem Nagawan-nen at ebem-net o yu ndak wirij-et nde, nggweyak ma nap-nen-e at yenggerak kagit lak yiga-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:3

Mbal Pem Nagawan-nen at ebem-net yi mende ndi mende oboksa ndak worak pij-o. Nde, at lak nggal-nen-e ndak worak pidnak mende yeba-ge misiger-o luk tet ndak worak pelep pug-o.

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 13:32

Nde, an nebem-nen Mbal Pem Nagawan kek tak obogola-ge, Mbal Pem Nagawan-nen na at ondomok ebem-net Ap Ambara an na kek tak nubuwa-o. Yanem-et ndag-et nak kek tak nubuwa-o.

YOANES 15:15

Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

YOANES 16:15

An Neid eram worasu mende pidsa-ge an narengge-nen yusu-o. Iri ala-nen Konak Indi-nen yak kunduwa iri-ge an-nen yidnak wene kamboksa kit yak kunduwa-o luk yak kindigi-o” luk yij-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

YOANES 3:25

Worala-ge, Yoanes owosirak erep-nen-e yi ma unpugwi iri na wene lit lit Yawuri nap misik imin ngguno nggwiga-o.

YOANES 5:26

Nde, Neig-e unlug-et wolmomtak elem-nen yusu-o. Nde, iri nggal-et Neid-nen-e Ambara an na irit unlug-et wolmomtak elem kwarak nibij-o.

YOANES 5:27

Nde, an-e Ap Ambara-t me, ap enpem wene mbarurak amawi-ge Neid-nen Ambara an ninggem-et pij-o.

YOANES 9:29

Mbal Pem Nagawan-nen Musa wene yak toso iri perak nir-e nenaru-o. Iri alat nde, ap iri-ge nggeba-nen lobok yij-o? Nit nenaru bug-o!” luk yiga-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 2:17

’Mbal Pem Nagawan-nen yosolar-e: ”I woronosolat tarem-e an Nindi-ge ab-e ap enpem nggilara mberak pil mbuwamin-o. Iri ala-ge, kit kenmbararak min kenararak min-e urul pogolat, kunsugwerak-nen-e yik kagwi mende na yik kagolat, kineidtak inndi worak-nen-e yi nabi ndi nabi kagolat irit yuwa-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

TUGURUK YIDNAK WENE 18:15

Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o.

TUGURUK YIDNAK WENE 31:29

An nde wat yumu-ge, it yu-ge meya kwat yogolat an-nen mul undusu wene yeba-ge mondok keya buwa-o luk an-e naru-o. Nagawan Indo-nen ’Kwarurak pug-o’ yak indidnak iri na kwarogola, Nagawan Indo isilepma yosolar-e, ir-e lak tak unpurak mende enpem mberak puwa-o” luk yij-o.

TUGURUK YIDNAK WENE 4:30

Kit kenpem lak tak onposo mende mbosola-t nde, anggun panggun arem woragolar-e, nden karuk Nagawan Indo Kenmbal Pem Nagawan eram mbutluk, at-nen yidnak yidnak kwarugub-o.

IBERANI 1:5

Mbal Pem Nagawan-nen-e aid nap misiget ter-o luk yak tosolar-e: ”Kar-e an Nambara-net yusu-o. Yawo-t an-e kat Keid kwat yigi-o” luk mondok yak ondoso bug-o. Iri-nen Mbal Pem Nagawan-nen aid nap mbi imin yosolar-e: ”An-e at Eij-et timin-o. Nde, ar-e an Nambara ma-o” luk mondok inmin yoso bug-o.

IBERANI 1:8

Alat nde, Mbal Pem Nagawan-nen at Ambara yak tosolar-e: ”Mbal Pem Nagawan wa-e. Kat-nen tenagaidnak wi-ge pem-et woralik nalik ma-o. Kat-nen tenagaidnak wi arem woragwi nap enpem wene mbarosolar-e, wene lud tak nak mbaroso-o.

IBERANI 11:3

Nde, ninndi angin tubu yidnak pem-net mbal min nggweyak min yi mende ndi mende oboksa Mbal Pem Nagawan ene nak-nen ndak worak pij-o luk perali-o. Iri ndak worak posolar-e, nenlengen-nen kali buk mende iri bem-nen-e nenlengen-nen kali mende ndak worak pij-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 4:14

Iri ala-ge, Mbal Pem Nagawan Ambara Yesus, nit nentepan ombo nggulok na-ge Mbal Pem Nagawan eram aid arem iri me nggwidnak me, nit ninndi angin tubu yidnak na-ge mondok puksa tena wolmog-o.

IBERANI 5:8

Yesus iri-ge Mbal Pem Nagawan Ambara-t nde, andi bandi ebem mbid iri bem-nen Mbal Pem Nagawan-nen yidnak yidnak nak kwarurak irit aru yij-o.

IBERANI 7:28

Nde, Musa-nen imiri mbarak pidnak wene-nen-e tepan ombo nggulok mendak onposolar-e, lugud tak kwarugwi ki nab-et mendak onposo-t nde, imiri mbarak pidnak wene imbirik lobok yid, Mbal Pem Nagawan-nen owak mbara urul pidnak wene iri-nen-e tepan ombo nggulok mendak posolar-e, pem-et woralik nalik iminep mbarak wolma Mbal Pem Nagawan Ambara irit mendak ibij-o.

IBERANI 7:3

Melkisendek na-ge eid ija unnu na lak, eid ombo unnu na lak, at ndet ibidnak wene na lak, at wat yidnak wene na mondok lag-o. At iri-ge Mbal Pem Nagawan Ambara nggal me, pem-et woralik nalik wolmomtak tepan ombo-nen yusu-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

1 PETERUS 1:20

Kerisut iri na-ge o ndak wirigit lak ma-net Mbal Pem Nagawan-nen lenak ebamu-o. Nde, woroksiyem yawo tarem-nen-e kit kenmanggim nam tak pid irir-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.