IBERANI 1:11 - Nanduk Ngget Tul Pidnak Wene

¹¹ Ndak wiridnak tengge oboksa-ge lak ma-t nde, kar-e kemesiyak irit woragun-o. Ndak wiridnak tengge oboksa-ge sum lebena labuk yusu na nggal lebena labuk ma-o.

IBERANI 1:11 ပူးပေါင်းရင်းမြစ်များ

NDAWI ENGGA 102:26

Alat nde, ereba-ge oboksa lak ma-t nde, kar-e pem irit woragun-o. Nde, ereba oboksa-ge sum erare ngget lak yosolat umbuk yoso nggal ma-o. Iri yosola-ge, kat-nen-e sum umbuk mbo bidnak nggal mbo bugunmu, oboksa lak ma-o.

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

YESAYA 41:4

Ereba oboksa-ge ta-nen kwat oboso-o? Pem kwarugwi murugwi yeba-ge ta-nen ’Kwarurag-o’ yidnak pem kwarugwi-o? Nagawan Indo an-e o yu ndak wirigit lak ma nanduk-net woraso-o. Nde, worok tak puwa tarem na woramin-er-o.

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 50:9

Nagawan Indo Kek tak iri na-nen nde an nambigit yosola-ge, ta-nen nggal an nimin-e: ”Kar-e lugud tak kwaroso-o” luk yak nuruwa-o? ”At yu-ge iri kwaroso nab-o” luk nobok pugwi nab-e abog-e mondok lak ma-o. Lak yogolar-e, yurugwi sum umbuk ngginggiris-nen ninggidnak nggal nobok pili nab-e lak ma-o.

YESAYA 65:17

Nagawan Indo-nen yosolar-e: ”An-nen-e mbal min nggweyak min-e ngget ndak wosa pimin-o. Nanduk-nen kwarugwi mende ereba-ge meme rak puruk, mondok yebet kujwa bug-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

MARAKUS 13:31

Mbal min nggweyak min lak ma-t nde, an-nen yidnak wene-ge lag-e ma bug-o.

LUKAS 21:33

Mbal min nggweyak min lak ma-t nde, an-nen yidnak wene-ge mondok lag-e bug-o” luk yij-o.

IBERANI 12:27

Nde, at-nen-e ”Tuguruk misik pem-o” luk yid iri-ge lele rak puwarig-e, ndak wiridnak mende oboksa lele rak puruk, lak tak purak pem yij-o. Iri bem-e, tugup lak wolma mende iri nak wolma-o.

IBERANI 8:13

Nde, Mbal Pem Nagawan-nen-e: ”Ngget urul pidnak wene-o” luk yarik pem-e nanduk urul pidnak wene iri-ge obi mende nde kwat yij-o. Nde, obi mende kwat yidnak umbuk yidnak mende iri-ge ndag-et nak lak momtak mende-nen yusu-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 21:1

Iri luk, an yik kaginggal-e, mbal ngget min nggweyak ngget min kagi-o. Nde, nanduk woraso mbal min nggweyak min lak yosolar-e, yi koma min-et lak yij-o.