IBERANI 1:1 - Nanduk Ngget Tul Pidnak Wene

¹ Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

IBERANI 1:1 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 6:3

Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

LUKAS 1:55

Nagawan Indo-nen at-nen urul pidnak iri na yebet yebet tak worasolar-e, Abaram min at-nen wigarak min pempa unpud kaso-o” luk yij-o.

LUKAS 1:72

Kit kenlawingga unpud kasolat, konak wene tul paga yak indigi na ndak tak pimin-o’ luk yij-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YOANES 7:22

Musa-nen-e kiniye ambasap waburak wene mirik kinpid pem-e, kir-e we woragwi tarem-nen li iniye ambasap wabugwi-o. (Nde, iri kwarugwi iri-ge Musa lak ma-nen kit kenlawingga-nen tel kwirikma-o.)

YOANES 9:29

Mbal Pem Nagawan-nen Musa wene yak toso iri perak nir-e nenaru-o. Iri alat nde, ap iri-ge nggeba-nen lobok yij-o? Nit nenaru bug-o!” luk yiga-o.

YIDNAK YIDNAK WENE 13:32

Nde, yawo-ge nit-nen-e konak wene yu yak kindili-o: Mbal Pem Nagawan-nen ’Irit kwarimin-o’ luk nit nenlawingga urul yak indidnak wene na-ge

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

YIDNAK YIDNAK WENE 28:23

Iri tarem-et yak nundurag-o luk yiga na tarem-e at eram ap kwarat ndok worogolikma-ge, at-nen-e wene yak ondosolar-e, Mbal Pem Nagawan-nen tenagaidnak wi wene kenggera yak ondosolar-e, Musa-nen imiri mbarak pidnak wene bem-nen na, Mbal Pem Nagawan ene lomboksa yugwi nap-nen mbaridnak wene bem-nen na, Yesus ebem inndi angin tubu makluk yak ondosolar-e, kuplila-nen tel kwirij-et nde, keyama rak pij-o.

YIDNAK YIDNAK WENE 3:21

Mbal Pem Nagawan-nen yidnak wene-ge at ene lomboksa yugwi nap marak nap obi-net enmendam tak pidnak wene iri pidsa iminep mbarak puwa tarem-net Yesus iri-ge aid arem-et wolma-o.

IBERANI 11:18

Nde, Mbal Pem Nagawan-nen Abaram yak tosolar-e: ”Isak-nen wigaruwa iri inmin-et kat kilirag-o luk yuwa-o” luk yak tid nar-o.

IBERANI 11:2

Nde, it inndi angin tubu yidnak pem-net Mbal Pem Nagawan alen-e nit nenlawingga enpem pam-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

IBERANI 2:2

Nde, aid nap enpem nggwe-nen Musa yak tidnak imiri mbarak pidnak wene iri-ge ndemeret wene-t me, ta-nen nde wene iri na kulurug-et nde, ndak ndak kwarigit lak ala-ge, iri kwaridnak iri na onggo ndak ndak enpem mboso-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

IBERANI 3:5

Nde, Musa na-ge Mbal Pem Nagawan ilirak oboksa ndegel onposolar-e, mot mot nak ndegel onposolat nap irit woralar-e, Mbal Pem Nagawan-nen abok-nen nam tak purak wene na para yak ondosolat woragaij-o.

IBERANI 4:8

Nde, Yosuwa iri-nen nde it indisep kwarurak sa iri me wok unpuruk nggwidnggal-e, Mbal Pem Nagawan-nen-e nin tarem urul pid iri-ge tuguruk urul pelep pug-o.

IBERANI 5:5

Iri nggal kwarosolar-e, Kerisut na at ondomok-nen tepan ombo nggulok kwat yigit lag-o. Are, Mbal Pem Nagawan at-net Kerisut yak tosolar-e: ”Kar-e an Nambara-nen yusu-o. An-e yawo-t kat Keid kwat yigi-o” luk yak tij-o.

IBERANI 9:19

Nde, Musa-nen-e imiri mbarak pidnak wene bem-nen ”Iri nggal kwaru-o” yidnak wene oboksa-ge Isarael nap iri na yak ondosoluk, at-nen-e sapi wam marik eyabi min kambing wam kusi eyabi min wanuruk, yi amburu puruk, lomba wam usu mimi min isop angga min ebem puruk, eyabi iri-ge imiri mbarak pidnak engga na bem nggweyel karuk, ap ereba na oboksa enpem nggweyel kagaij-o.