ESET 7:7 - Nanduk Ngget Tul Pidnak Wene

⁷ Nde, nagawan iri na-ge mondok isilepma kwarat luk, nunggwi ondoro iri na me-nen wurungsa menluk mborosolar-e, yik kudtak amanggim e wi kere wi yagidnak sa iri na nggwe mbirij-o. Iri yosola, Aman-nen yebet kasolar-e: ”Nagawan yu-nen-e mondok angin worag-et nebem mberak puwa kagi” perasolug-e, at iri na-ge Eset imin irit worasolat, ”Nimiri yi-o” luk Eset emengen mbareyekluk, imin larok yij-o.

ESET 7:7 ပူးပေါင်းရင်းမြစ်များ

ESET 1:12

Iri yurak puruk wirik enpamu, at ndegel ubugwi nap ereya na mbirigarik, nagawan ogwe Wati iri na eram wok yogolat nagawan-nen yidnak wene iri na yak tiga-t nde, kwe Wati iri na-nen yosolar-e: ”An mbururag-e nimbir-o” luk larok yidnak ala karug-e, nagawan iri na-ge mondok isilepma kwarat yij-o.

ESET 1:5

Iri kwatlug-e, Agasuweros-nen-e at ijokma woragwi nap Susan iri me woragwi insilobulo lak min insilobulo worak min oboksa inmin norak nggok irit sagij-o. Iri kwasa sagosolar-e, minggu misik arem pempa sak tenak irit woragij-o. Nde, iri sagosolar-e, nagawan woraso sa kudtak amanggim engen kerengen uwi yagidnak sa iri na me-t sagij-o.

ESET 7:10

Iri kwasa Aman iri na-ge at-nen Morendekai wururak e sindik pid iri na bem-e at nde urusu kerebara tiong tak uburug-e, nagawan-nen isilepma yid iri na-ge isilepma teyok yij-o. 8:1–10:3 Pasal 8 kuri-nen Pasal 10 kuri iri arem-e Nagawan Agasuweros-nen-e Aman arengge oboksa Eset wok tosola, Eset-nen Morendekai wok tidnak wene mbarak worasu-o. Iri-nen Yawuri nab-e it ondomok inmiri yuwakluk, Morendekai-nen nagawan unu bem engga mbara tomborosola, it-nen-e it inmin sirid nap mondok kwarat indiga wene mbarak worasu-o. Iri-nen Yawuri nap enalen kagolar-e, it inmiri yidnak yebet kagolar-e, Purim nggok sakwi tel kwiriga wene na pasal yeba arem mbarak worasu-o.

NDAWI ENGGA 112:10

Meya yugwi nap-nen at yik karug-e, insilepma ebem pogolat, insili rak obogolat, eneyak ene nggiritmak mbogolar-e, lak yili-o. It inndi mbung mbung tak woragwi ereba na mondok lak yusu-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

NDANIEL 3:19

Iri yogola karug-e, Nagawan Nebukatnesat iri na-ge isilepma-ge mondok kwiye worak Sanderak min Mesak min Abetnego min enpem posolar-e, erare-ge mep nak worok luk keya bij-o. Iri luk, at-nen wene wirik posolar-e: ”Kan-e mabugwi ereba na nggal-e keya buruk, mondok terak mena tuju bem-et embem tak pogolat maburag-o” luk yij-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

1 SEMUEL 20:7

Yak tosoma nde, nagawan iri-nen yosola-t nde: ’Iri-ge ob-o’ yosola-ge, an-e wene lak woramin-o. Alat nde, at nde isilepma nde yosola-ge, ’Ar-e ndemeret Ndaut wuruwa-o’ luk yebet kagun-o.

1 SEMUEL 20:9

Yosoloma, Yonatan-nen yak tosolar-e: ”Kat kwiye kasu-ge meyog-o. An neid-nen nde ndemeret kat kururak wat tak karug-e, mondok yag-et kirimin-o luk yak tij-o.

1 SEMUEL 25:17

Iri bem wene yu-ge kwara yebet karuk, kat-nen kwarurak iri-ge iri nggal-et kwareyeg-o luk wat tak purag-o. Nde, wene iri bem-e mondok onggo-ge nonmbo Nabal min at ama woragwi nap oboksa nenpem-e mondok angin worak worasu-o. Nde, nonmbo Nabal yu-ge abut meya, wene na koloso buk me, mondok meya-o” yak tij-o.