ESET 7:10 - Nanduk Ngget Tul Pidnak Wene

¹⁰ Iri kwasa Aman iri na-ge at-nen Morendekai wururak e sindik pid iri na bem-e at nde urusu kerebara tiong tak uburug-e, nagawan-nen isilepma yid iri na-ge isilepma teyok yij-o. 8:1–10:3 Pasal 8 kuri-nen Pasal 10 kuri iri arem-e Nagawan Agasuweros-nen-e Aman arengge oboksa Eset wok tosola, Eset-nen Morendekai wok tidnak wene mbarak worasu-o. Iri-nen Yawuri nab-e it ondomok inmiri yuwakluk, Morendekai-nen nagawan unu bem engga mbara tomborosola, it-nen-e it inmin sirid nap mondok kwarat indiga wene mbarak worasu-o. Iri-nen Yawuri nap enalen kagolar-e, it inmiri yidnak yebet kagolar-e, Purim nggok sakwi tel kwiriga wene na pasal yeba arem mbarak worasu-o.

ESET 7:10 ပူးပေါင်းရင်းမြစ်များ

NDAK WIRIDNAK WENE 40:22

Alat nde, oroti worak toso nap iri na-ge wiriga-o. Nde, iri-ge Yusup-nen yak indid iri na ndak ndag-et kwat yij-o.

ESET 2:1

Iri kwatluk, woraruk ereya ombol nggwe-ge Nagawan iri na isilepma-ge lak yosola-ge, at ogwe Wati-nen at ene tarosola at-nen kwat ibid ereba na yebet kasolat irit woragij-o.

ESET 5:14

Iri yosola, anggamirak min ogwe min-nen at yak togolar-e: ” ’At iri tiong tak uburak e mor-e dua pulu dua (22) meter irit yener-o’ luk yak indi-o. Iri lug-e, kub-e kuplila nagawan yak tosolar-e: ’An-e Morendekai iri na urusu kerebara tiong tak purag-e nunggwirig-o?’ luk yak turug-e, Morendekai iri urusu kerebara tiong tak purug-e, kub-e kar-e yamuksa Eset-nen nggok saguwa iri me-ge mbururag-o” luk yak togola-ge, Aman-nen-e: ”Wene iri-ge ob-et yigeb-o” yosolug-e, ”Morendekai kerebara tiong tak purak e yener-o” ap erep ereba na yak indij-o.

ESET 7:7

Nde, nagawan iri na-ge mondok isilepma kwarat luk, nunggwi ondoro iri na me-nen wurungsa menluk mborosolar-e, yik kudtak amanggim e wi kere wi yagidnak sa iri na nggwe mbirij-o. Iri yosola, Aman-nen yebet kasolar-e: ”Nagawan yu-nen-e mondok angin worag-et nebem mberak puwa kagi” perasolug-e, at iri na-ge Eset imin irit worasolat, ”Nimiri yi-o” luk Eset emengen mbareyekluk, imin larok yij-o.

ESET 7:8

Nde, Aman iri na-ge at-nen kwarid iri na Eset-nen amberam tak posolat imiri yuwaklug-e, Aman iri na-ge indi kabak yosolat, Eset ondoro iri na bem Eset eram erare nggwe tud yarik worasoma-ge, nagawan iri na-ge yik kudtak amanggim e wi kere wi yagidnak sa iri na me-nen lobok yidnggal-e, iri kwarak ala karug-e, nagawan iri na-nen ene nggoksa yosolar-e: ”At yu no kwarusu-o? An nerengen pem nama-net nde yawo-ge Eset tenagusu-a?” luk yij-o. Nagawan iri na-nen ene nggoksa yosola karug-e, ap yabu winde ereba na lobok yogolar-e, Aman iri na anggul-e erare min muruk tak piga-o.

NDAWI ENGGA 37:15

Alat nde, meya yugwi nap ereba na-ge ondomok enkabo bem kundugu onpogolat, ensan-e kalak puwa-o.

NDANIEL 6:24

Yosoloma, Nagawan Ndarius iri na-nen alen kwarat lug-e, ”Ndak Ndaniel yu mbun arem-nen pil lumomtag-o” luk wene wirik pamu-ge, Ndaniel iri na pil luwaruk-nen lombot piganggal-e, ar-e Mbal Pem Nagawan ebem indi angin tubu yidnak me, Ndaniel ebem-e mariget tet mep tak pigit lak irit kaiga-o.

NDANIEL 6:25

Iri rak puruk, Ndaniel ebem ennesiget wene piga nap ereba na-ge nagawan-nen: ”Tena unpurag-o” yamu, tena unpuruk, it min onkwerak min inlirak inmin-et lambuksa singa ndakngge emndam mbunmu mberak inpil mbiga-o. Mberak onpogola-ge, awo nggweyakma mbigit lak ma teram nak-nen singa ereba na-nen onowak min yigisa lak tak inpij-o.

WENE MBENARUGWI NAP-NEN KWARIDNAK WENE 15:7

Iri luk, Simson-nen Pilisin nap yak ondosolar-e: ”E! Kit-nen kwarugwi-ge irir-a? Yu kwarigep yu onggo kwat kinpigit lak ma-ge nindi abu woramin pug-o” luk owak mbarij-o.