ESET 4:14 - Nanduk Ngget Tul Pidnak Wene

¹⁴ Kat nde wene yu nggal kwarak worasola-t nde, kindiyabu nak worasola-ge, aid arem nggwe-nen Yawuri nap inmiri yurak elem lobok yuwa-t nde, kat perak wat yugun-o. Keid owe owot min-et lak tak unpuwa-o. Yu nggal kwarak woragola karuk, iri nggal-et kwat mag-o luk-nen kar-e nagawan ogwe kwat momtak lenak kibidnak nde kwat ma-o!” luk amanggim wene wosa bij-o.

ESET 4:14 ပူးပေါင်းရင်းမြစ်များ

NDAK WIRIDNAK WENE 22:14

Kan puruk, Abarakam-nen iri kwarid sa iri na unu yarosolar-e: ”Ukwe pidnak mende Nagawan Indo-nen lud tak pidnak sa-o” luk unu yarij-o. Yawo-nen na ap-nen yogolar-e: ”Nagawan Indo ondobo yu bem-nen Nagawan Indo-nen-e ap-nen ukwe pidnak lud tak pidnag-o” luk yili-o.

2 NAGAWAN NAGAWAN-NEN KWARIDNAK WENE 19:3

Isikia-nen Yesaya amanggim wene wosa enpem posolar-e: ”Yawo-ge nit angin worak nenpem pogolat, enlengenma nggal tak nonpogolat yogola, ninndi puru bera yili-o. Nde, nir-e kweyap-nen li ndaguwokluk yane witli nde, ndakit lak yane nak wat tenak enmawi lak yili iri na nggal-nen yusu-o.

ESERA 9:9

Nde, nit ap ininggiyapma mumnggupmanggi woragola-ge, kat-nen-e nir-e keya ninpigit lag-o. Kat-nen kwat nonposolar-e, Perisia nagawan ereba na-nen nenabuwa karuk, nunluk keya nonpogolat, kat kuwi ndamera nggilara labuk yidnak iri na tuguruk wuruwakluk nenpem piga-o. Kat-nen o Yewura min Yerusalem min wolmakluk ninmiri yusu-o.

ESET 2:15

Iri kwarugwi me-ge yawo-ge kwe Eset iri na Nagawan eram mbururak tarem wok yij-o. Eset iri-ge Abigail ara-o. Eset eid min Morendekai eid min ereya-ge ineid iniya misiget-nen nderag-o. Nde, Morendekai-nen Eset iri na nggorarik, ondomok ara nggal tak ibij-o. Nde, ap-nen Eset iri na yik karug-e, ebe konak karuk wi yogolat woraiga-o. Nde, kwe Eset iri na nagawan eram mbururak pem sum yorosolar-e, kwami woragwi sa iri me yik eneyarok wolmakluk mendak ibidnak nap Egai iri-nen: ”Sum yorogolar-e, iri nggal kwasa yururag-o” yidnak iri na ndak ndag-et yirij-o.

ESET 2:17

Iri yogola-ge, kweyap ndugum erep ereba na-nen-e Nagawan iri na-ge indi yamuk tak pogolat, alen tak pogolat kwarugwi-ge te nggal-et nde, Eset-nen nagawan iri na indi yamuk tak posolat, alen tak pid iri-ge terak minig-er-o. Iri ala karuk, Eset iri na-ge Nagawan Agasuweros-nen-e indi pungen tak uburuk, nagawan-nen o tena woragolat-nen pugwi topi iri na ogwe Wati iri na ondolma pil nggosolat, Eset anggul pem pij-o.

ESET 2:7

Nde, at Morendekai iri-ge eid min Eset eid min-e ineid misik-nen nderag-o. Nde, Eset iri-ge erare mondok konak, ebe na konak irir-o. Nde, Eset unu-ge Iberani wene bem-e Andasa-o. Nde, Eset iri eid min ija min-e wat yikma, Morendekai-nen-e nggorarik, at-nen ndagidnak ara nggal irit parugu woragij-o.

ESET 4:13

Yosoloma-ge, Morendekai-nen-e Eset indi yenggerak purak Eset amanggim wene wosa pil mborosolar-e: ”Kat karig-et nagawan ama worasu iri bem nak Yawuri nap erep enpem nak anggun panggun mbosola, ’An-e wene lak, kona woramin-o’ luk yebet kudtak pug-o.

ESET 4:15

Iri yamu kuluruk, Eset-nen Morendekai amanggim-e wene-ge yu nggal wosa bij-o:

AID WENE YOSO NAP 3:7

ndelak purak tarem min panggarurak tarem min enne lak wolmomtak tarem min enne yurak tarem min wat tak pusu-o.

YESAYA 49:23

Nagawan nagawan-e kit kineid nggal kwat yogolat, nde, it onkwerag-e kit kiniya nggal kwat yogolat mao. It-nen kat keram tebe yogolar-e, kat keram entare nggwe tud luk kat kek tak kubuwa-o. Iri yogola, kat-nen an nimin-e: ’At iri-ge Nagawan Indo-net yusu-o’ luk neberagun-o. Nde, indi an nebem wat tak wolma nab-e indi kabak ma bug-o” luk yij-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

MATIUS 24:22

Nde, Mbal Pem Nagawan-nen iri kwarurak tarem-e poro rak pigit lak yid nggal-e, ap misiger-o luk tet imiri yigit lak yeleb-o. Alat nde, at-nen len inpidnak nap enmanggim-e iri kwarurak tarem-e poro rak puwa-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

WENE MBENARUGWI NAP-NEN KWARIDNAK WENE 15:6

Iri kwaramu-ge, Pilisin nab-e ”Ta-nen kwaramu-o?” luk mbenariga-o. Mbenarogola, ap-nen yak ondogolar-e: ”Simson abak-nen Simson ogwe na anggam misik wok tidnak pem-nen Simson-nen kwaramu-o” luk yak ondogola karuk, Pilisin nab-e insilepma kwarat luk nggogolar-e, kwe iri na min eid ija enma woragwi oboksa inmin pendaga kan inpiga-o.

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.

1 SEMUEL 17:29

Yak tosoloma, Ndaut-nen yosolar-e: ”An-e we nak kin wanusu yu-t nde, no meya kwarigi-o?” luk yij-o.