ESET 3:12 - Nanduk Ngget Tul Pidnak Wene

^12-13 Yak tosoloma-ge, waneya nandug-et iri na bem tanggal tiga belas iri bem-e Aman-nen-e nagawan-nen yidnak nap engga mbarugwi nap ereba na wene mbo inpij-o. Wene mbo unpurug-e: ”Kir-e an-nen yidnak ndak ndag-et engga mbatluk, engga iri na-ge nden yaga enne lombok pem oboksa mbatluk, nagawan-nen tenagidnak wi yu me-nen yili wene ndak ndak irit mbarurag-o.” Iri rak purug-e, engga iri na-ge Nagawan Agasuweros-nen yidnak pem mbatluk, lop nok tak pugwi mende nagawan inggem-nen yonggora pid iri na bem-nen engga iri bem lop nak tak pij-o. Iri luk, engga iri na-ge propinsi oboksa enmawi worak nap min ngguberenot min unnu worak nap min ndag-et nak endam wirik pij-o. Nde, wene ebe-ge yu-o: Nagawan-nen yosolar-e: ”Waneya Andat iri bem tanggal tiga belas iri bem-e Yawuri nap oboksa ap indi worak-nen, ap sujwe-nen, kwami-nen, li marik-nen oboksa misik tarem-et mondok pendaga unduruk, enarengge-ge mberena waruk ndi yurag-o” luk mbara wirik pij-o.

ESET 3:12 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:8

Yak turug-e, Isebel-nen-e engga Nagawan Akap unu bem mbatluk, engga ereba na bem-e Akap-nen idnak lop nok tak pugwi mende (cap) iri na puruk, Yisiriel woragwi nap onowe min enne kulugwi nap min ereba na enmanggim engga mbara timbirij-o.

ESET 1:22

Nagawan Agasuweros-nen-e engga mbara at-nen tenagidnak wi ngguberenot worali sa (propinsi) ereba na me engga mbara wirik pil mborosolar-e: ”Ap oboksa onkowerak lombok-nen-e un-nen yidnak yidnak nak kwat tenak wolmomtag-o” luk, it woragwi sa ondomok enne bem lombok engga mbara timbiril mbirij-o.

ESET 3:11

Wok turuk-nen nagawan iri na-nen Aman iri na yak tosolar-e: ”Ap enlem iri min ontol min-et kat kinggem nak kegera keya busu-o. Kat-nen it kwat unpurak nde perasolar-e, kwat nak unpurag-o” luk yak tij-o.

NDANIEL 3:10

Nde, nagawan kat-nen wene wirik posolar-e, ndawi yogolat-nen ene rak pugwi mende ereba nde ene rak pogola, kologolat ereya na-net ap oboksa-nen tud yogolat, emas pem-nen ndak wosa pidnak iri erembel wanurag-o.

NDANIEL 6:12

Nde, Ndaniel iri na at Embal Pem Nagawan iri na eram tepan yosoma-ge, at imin sirid nap-nen-e kaiga-o.

NDANIEL 6:15

Iri yak togola kulurug-e, nagawan iri na-ge indi puru luk, ”Ngge kwarimin-o?” luk umud irit kagaij-o. Iri yosolar-e: ”Nggesa-nen Ndaniel iri-ge imiri yimin-o?” luk kwarat tu kore yij-o. Iri kwarosolar-e, mondok o keyama yij-o.

NDANIEL 6:25

Iri rak puruk, Ndaniel ebem ennesiget wene piga nap ereba na-ge nagawan-nen: ”Tena unpurag-o” yamu, tena unpuruk, it min onkwerak min inlirak inmin-et lambuksa singa ndakngge emndam mbunmu mberak inpil mbiga-o. Mberak onpogola-ge, awo nggweyakma mbigit lak ma teram nak-nen singa ereba na-nen onowak min yigisa lak tak inpij-o.

NDANIEL 6:8

Nap kat-nen tenagidnak wi tena worali nap nit oboksa-ge yik eneyarok woragwi nap-nen na irit, ngguberenot-nen na irit, ngguberenot indipma nap-nen na irit, iri-nen yabu tena woragwi nap erep-nen na irit, nit oboksa-nen wene mbarak puruk yak kitli-o. Kat-nen engga mbara wirik posolar-e: ’Mondok ndemeret iri nggal-et kwarogolat wolmomtag-o’ luk, engga mbara wirik posolar-e: ’Nde, tiga pulu tarem ya woragolar-e, ap misiger-o luk mbi-nen kugwiwak ala na, ki nap ala na, mondok emengen mbarurak pug-o. Are, an nak nemengen mbarurag-o. Ta-nen nde wene iri nde kwid tuwa nab-e singa ndakngge emndam mbunmu mberak purag-o’ luk wene wirik pi-o.