ESET 2:10 - Nanduk Ngget Tul Pidnak Wene

¹⁰ Nde, kwe Eset iri na-ge Morendekai-nen: ”An-e Yawuri kwe-o luk yurak pug-o” yidnak pem-et Eset iri na-ge ”An-e Yawuri kwe-o” yigit lak woragij-o.

ESET 2:10 ပူးပေါင်းရင်းမြစ်များ

ESET 2:11

Nde, pempa nagawan ama kweyap ndugum woragwi sa iri na mborom tumende ambigit nggwe Morendekai iri na-ge waring kasolat irit woragij-o. Iri kwarosolar-e, at-nen-e: ”Eset iri na-ge op worasu, lak? Are, ngge kwarak worasu?” luk pempa kin wok onposolat irit woragij-o.

ESET 2:20

Iri yamu-ge, Eset iri na-nen-e: ”An-e Yawuri kwe-o” luk yigit lak nak irit woragij-o. Nde iri-ge Morendekai-nen yurak pug-o yidnak pem-net kwarij-o. Nde, iri kwarid iri-ge Eset iri na-ge marik pem irid Morendekai-nen yidnak yidnak kwaroso iri na nggal-et kwarosolat-nen yigit lak yij-o.

ESET 2:7

Nde, at Morendekai iri-ge eid min Eset eid min-e ineid misik-nen nderag-o. Nde, Eset iri-ge erare mondok konak, ebe na konak irir-o. Nde, Eset unu-ge Iberani wene bem-e Andasa-o. Nde, Eset iri eid min ija min-e wat yikma, Morendekai-nen-e nggorarik, at-nen ndagidnak ara nggal irit parugu woragij-o.

ESET 3:8

Iri rak puruk, Aman-nen Nagawan Agasuweros yak tosolar-e: ”Nagawan wa-e, Kat-nen tenagidnak wi yu me-ge ap enlem misig-e ngguberenot woraidnak sa lombok yeba me wigak yidnak worali-o. Nde, ap enlem erep-nen kwarugwi-ge nin-et nde, it-nen kwarugwi-ge mondok arig-er-o. It-nen-e kat-nen tenagidnak wi yeba me-nen kwarogolat wolmomtak owak mbarak pidnak ereba na-ge mondok kwatli bug-o. Iri kwatli iri-ge nagawan kat-nen-e it ondomok inndi-nen pidnak ereba nak kwarogolat wolmakluk keya unpurak pug-o.

ESET 7:4

Nde, an min an nelem nap min-e nundurak pem nunsuwa wora worali-o. Nit nde mumnggupmanggi rak nunpurak pem nunsuwa woraidnak nggal-nen-e an-e kat sil keyagit lak nindiyabu nak yurag-et nde, nir-e mondok nunduruk, lak tak nunpurag-et yogola-nen yak kurusu-o!” luk yij-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

EPESUS 6:1

Li marik marik wa-e. Mondok kwarurak wene-ge yu-o: Kir-e Nagawan Indo ebem woragolar-e, kineid kiniya-nen yidnak yidnak nak kwarogolat wolmer-o.

URUT 3:6

Yosolug-e, Urut na mberarik, nggandum mbato engen lurugwi sa iri na me wok yosolar-e, ambap-nen at-nen kwarurak yak tid ereba na ndak ndag-et kwarij-o.