ESERA 1:3 - Nanduk Ngget Tul Pidnak Wene

³ Nde, kit Mbal Pem Nagawan ilirak kwat yigep nap oboksa-ge Nagawan Indo-nen ndegel kunpuruk nuwag-o. Nde, kir-e tuguruk Yerusalem mburugupndik, Nagawan Indo Isarael nap Kenmbal Pem Nagawan Yerusalem woraso iri na uwi-ge tuguruk werer-o.

ESERA 1:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:39

Iri kwarosola karug-e, iri me woraiga nap ereba na-nen entare nggwe nggweyak pem yud tud mbogolat-nen yogolar-e: ”Nagawan Indo iri-ge Mbal Pem Nagawan-net yusu-o! Mondok ndemeret Nagawan Indo-ge Mbal Pem Nagawan-net yusu-o!” luk yiga-o.

1 NAGAWAN NAGAWAN-NEN KWARIDNAK WENE 8:23

tepan yosolar-e: ”Nagawan Indo Isarael nap Enmbal Pem Nagawan wa-e. Mbal pem-nen na irit, nggweyakma-nen na irit kat nggal mbi misik worasu bug-o! Kar-e kilirak inndi misiget tak puruk, tugup lak kat-nen yidnak yidnak kwatli nap enabuwa kasolat, kat-nen urul yak indidnag-e ndak ndak nak kwat onposo-o.

ESERA 1:4

Mbo kinpidnak sa yu me worali Mbal Pem Nagawan ilirak mbi ta-nen nde tuguruk mbururak pem silobulo yongga wururak yosola-ge, at imin woragwi nap-nen-e mondok yongga-t wururag-o. Yongga worogolar-e, emas min perak min wok togolat, tularo min wok uburuk mbururak sapi min iri-nen Nagawan Indo uwi Yerusalem wururak amanggim yi mende ndi mende min-et mondok wok turag-o” luk yij o.

ESERA 6:7

It-nen Nagawan Indo erembel wanurak uwi witli iri-ge enabuwok tu nggilili iri-ge meyog-o. Ngguberenot Yewura worasu iri min Yewuri nap ennggendumu enne kulugwi nap min ereba-ge o iri tuguruk wuruwakluk keya unpurag-o.

NDAWI ENGGA 132:13

O Sion iri-ge Nagawan Indo-nen lena bamu-o. At wolmomtak ondoro-ge iri me-t wolmomtak peraruk,

YESAYA 44:28

An-nen Kores yak tosolar-e: ’Kat-nen-e an nondolma sa nagawan woralar-e, an nindi-n pidnak ndak ndak kwarosolat woragun-o. O Yerusalem iri na tuguruk worosolat, Nagawan Indo uwi iri na ugwi bosolat yonokluk kebem pigi-o’ yak tigi-o” luk yij-o.

YESAYA 45:5

Nagawan Indo nin mbi worasu-ge lag-o. An narig-et worasu-o. Mbal Pem Nagawan-e misiget an nak-nen yusu-o. Kat-nen-e an-e karu bug-et nde, an-nen-e san kinggem pusu-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 6:26

Nde, iri rak purug-e, Nagawan Ndarius-nen engga mbara yi wi ndi wi worali nap enlem oboksa, enne lombok, enlem lombok enmanggim engga mbara wirik posolar-e: ”Naptak wiwa-o!

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

TUGURUK YIDNAK WENE 32:31

Isarael nap unuwim nap nen peragolar-e: ’Nit ninmiri yoso kugwiwag-e Isarael nap Enmbal Pem Nagawan nggal-e mondok lag-er-o’ luk enaru yili-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.