EPESUS 6:9 - Nanduk Ngget Tul Pidnak Wene

⁹ Kit nagawan nagawan wa-e. Kit-nen na iri nggal-et ndegel kunpugwi nap inmin-e: ”Kindimin-o” yugwi iri keya ber-o. Kit min ndegel kunpugwi nap min-e Kineid aid arem worasu iri-nen-e ap entare lombonoso bug-o luk kinndi yebet ker-o.

EPESUS 6:9 ပူးပေါင်းရင်းမြစ်များ

NDANIEL 3:15

Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 3:6

Ta-nen nde erembel wanogolat, erare nggwe tud yigit lak yosola-ge, iri-ge kan nggok mabidnak amare arem mondok mbo bil nggurag-o” luk yij-o.

TEPAN OMBO-NEN KWARURAK WENE 19:13

Kir-e kennggamirak enarengge ondoro rak pogolat, enarengge mengga wanogolat kwarurak pug-o. Ap-nen onggo wok undurak pem yabu wanidnag-e onggo wok indigit lag-et mondok nene yurak pug-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

MATIUS 22:10

Yak ondosoloma-ge, ndegel pugwi nap ereba na tula waring kagolar-e, it eneyaiga nap oboksa, meya kwarugwi nap min konak nap min ndok worak unpuruk, nunggwi mende nil lobok yogolar-e, norak sa o iri na me ap-nen yebet yij-o.

MATIUS 22:8

Iri rak puruk, at-nen at ndegel pugwi nap yak ondosolar-e: ’Kwe wanogola nunggwi mende nggulok saga lid lud tak worasu-t nde, it yonggo inpidnak nap iri na-nen norak perak meya agaij-o.

MATIUS 24:48

Alat nde, ndegel poso nap meya kwaroso iri-nen-e at indi arem-nen perasolar-e: ’An neid iri-ge ndaget lobok yuwa bug-o’ luk,

MATIUS 24:51

eid na-nen-e ndegel poso nap iri na mbarep parepsa keya buruk, enesiget siget kwarugwi nap ennggendumu lesa wirik puwa-o. Iri me-ge sa nggwa mbogolat, eneyak nggirit marogolat wolma-o” luk yij-o.

MATIUS 7:12

Ap-nen kwat kunpurak perali iri nggal-et kit-nen na irit kwat enper-o. Iri kwarogolar-e, imiri mbarak pidnak wene-nen yidnak yidnak min Mbal Pem Nagawan ene lomboksa yugwi nap-nen yidnak yidnak min ndak ndak tak pugwi irir-o.”

LUKAS 6:31

Ap-nen kit kwat kunpurak perali iri nggal-et kit-nen na ap erep kwat enper-o.

YOANES 13:13

Kit-nen an yak norogolar-e: ’Mul Nondoso Nap wa-e’ yogolat, ’Nagawan Indo wa-e’ yogolat yili iri-ge ndemeret ndak ndag-et yak nitli-o.

YIDNAK YIDNAK WENE 10:34

Yosoloma, Peterus na tel korosolat-nen yosolar-e: ”Ndemeret, Mbal Pem Nagawan-e ap entare mbenaroso bug-o luk naru yigi-o.

OROMA 2:11

Nde, Mbal Pem Nagawan-e ap enpage lombonoso bug-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 7:22

Ta-nen nde onggo lak we irit ap ndegel onposo nap worasoma, Nagawan Indo-nen wene mbo ibidnak ala-ge, at iri-ge Nagawan Indo-nen idnak wisirik nap-nen yusu-o. Iri nggal-et at weserak woraso nap worasoma, Kerisut-nen wene mbo ibidnak ala-ge, at iri-ge Kerisut ndegel oboso nap-nen yusu-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

KOLOSE 3:25

Nde, Mbal Pem Nagawan-e ap pidsa ndak ndak tak onposo me, meya kwaruwa nab-e at-nen meya kwarosolat woraidnak onggo wanuwar-o.

KOLOSE 4:1

Kit nagawan nagawan wa-e. Kit ndegel kunpugwi nap kwat onpogolar-e, ndemeret mot mor-et kwat onpogolat wolmer-o. Kit min-et Kenagawan Indo-ge aid arem worasu-o luk kenaru nar-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.

YAKOBUS 2:8

Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.

YAKOBUS 5:4

Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.

1 SEMUEL 15:17

Yosoloma, Semuel-nen yosolar-e: ”Kat kondomok-nen yebet kasolar-e: ’An nggal-e meyar-o’ luk yebet kaigen-et nde, kar-e Isarael nap enanggul pem nagawan kwat yigen-o. Kar-e Nagawan Indo net Isarael nap enanggul pem nagawan yonokluk lenak kebamu-o.