EPESUS 6:4 - Nanduk Ngget Tul Pidnak Wene

⁴ Nde, kit ineidtak-nen-e kinlirak insilepma worak tak unpurak pug-o. Are, ndegel onpogolar-e, nggomo ondogolat, Nagawan Indo-nen yidnak wene mirik onpogolat wolmer-o.

EPESUS 6:4 ပူးပေါင်းရင်းမြစ်များ

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

NGGOMO WENE 22:15

Li marig-e we wid-nen kwarugwi ereba na-t kwat tenak woragwi-t nde, it enpage iri nden kujwakluk, nggambu bem wurugwi-o.

NGGOMO WENE 22:6

Li marig-e at-nen kona wolmomtak wene-ge kwara mul togolat wolmomtag-o. Iri yosoma-ge, indi worak yosolar-e, at nggomo wiridnak iri na nggal-et kwarosolat wolma-o.

EPESUS 6:3

”Kek tak onposola-ge, konak nag-et nggweyak ma yu me woralar-e, kuruk mot pem-et woragun-o” luk yij-o.

TUGURUK YIDNAK WENE 4:9

Kit woragolar-e, kenlengen-nen kaigep ereba meme rak pugup naru mondok kwara yebet kagolat yebet yebet tak wolmer-o. Kit-nen na kit kinlirak min konmborak min yak ondogolar-e,

TUGURUK YIDNAK WENE 6:7

Are, kit-nen kinlirak mul ondogolar-e, mbepme-nen na, o ma-nen na, kenpabok kwarogolat-nen na, yabu wanogolat-nen na mul ondogolat wolmer-o.

KOLOSE 3:21

Kinlirak worak ineidtak wa-e. Kit kinlirag-e insilepma rak unpurak pug-o. Insilepma rak pogola-ge, it inndi terak tak pugub-o.

2 TIMOTIUS 1:5

Kat ndemeret kwara kindi angin tubu yigen na an yebet yebet tak worasu-o. Nde, kat kowo Lois min kiya Eunike min inndi angin tubu yiga iri na ereb-et kat na iri nggal-et kindi angin tubu yidnak worasu-o luk an-e mondok naru-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

WENE MBENARUGWI NAP-NEN KWARIDNAK WENE 13:12

Yosoloma, Manoa-nen yak tosolar-e: ”Nap kat-nen yigen iri nde kwat yosola-ge, la iri-nen-e abog-e no kwaruwa-o? Nde, at abok woralar-e, ngge kwasa wolma-o?” luk kin wanij-o.