EPESUS 6:19 - Nanduk Ngget Tul Pidnak Wene

¹⁹ Nanongga an nemende tu kuwarak posola, kura bidnak aid wene na-ge an-nen kwiye lag-et nam tak peyek-nen an namanggim na tepan yogolat wolmer-o.

EPESUS 6:19 ပူးပေါင်းရင်းမြစ်များ

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

YIDNAK YIDNAK WENE 14:3

Alat nde, Paulus min Mbaranabas min-nen-e kwiye lag-et Nagawan Indo owene yak enderenak woragolar-e, siyak woraiga-o. Nde, Nagawan Indo-nen-e at-nen idnak we wok ondoso wene na amawi rak posolar-e, kwiye worak mende min kagwi buk mende min kwaruwakluk amawi wok indij-o.

YIDNAK YIDNAK WENE 18:26

At iri-ge Yawuri nap-nen tepan yugwi ma-nen kwiye lag-et wene yij-et nde, Periskila min Akila min-e at-nen yidnak wene kuluruk, at na imin mbutlug-e, Mbal Pem Nagawan urula kwara uwi yaga mul togolat woraiga-o.

YIDNAK YIDNAK WENE 19:8

Iri rak puruk, Paulus na-ge waneya kenan iri me worasolar-e, Yawuri nap-nen tepan yugwi ma nggwerenak worasolat, kwiye lag-et yosolar-e, Mbal Pem Nagawan-nen tenagaidnak wi wene-ge kwara enaru rak onposolat woragaij-o.

YIDNAK YIDNAK WENE 2:4

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

YIDNAK YIDNAK WENE 28:31

at-nen para yosolar-e, Mbal Pem Nagawan-nen tenagaidnak wi wene na nggomo ondosolat, Nagawan Indo Yesus Kerisut owene na mirik onposolat worala-ge, ap-nen-e: ”Iri yusu-ge meyog-o” luk yak tigit lak yiga-o.

YIDNAK YIDNAK WENE 4:13

Yosoloma-ge, it-nen yik eneyagolar-e, Peterus min Yoanes min na enmbereg-e we nap, sekola yugwi buk nab-et nde, wene kwiye lag-et yogola karuk, ir-e wi langgu mbarogolar-e, it enmbereg-e Yesus imin nugwi nap irit yenggerak eneyaiga-o.

YIDNAK YIDNAK WENE 4:29

Nagawan Indo wa-e. Yawo-ge it enne amawi min-et watsa yak nindidnak wene iri-ge yebet ki-o. Yebet karug-e, kat ndegel kubugwi nap nir-e kat-nen yidnak wene yik tenak wolmok-nen kwiye kagwi buk elem wok nindi-o.

YIDNAK YIDNAK WENE 4:31

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

YIDNAK YIDNAK WENE 9:27

Alat nde, Mbaranabas-nen Saulus na imin tak puruk, wirik inpidnak nap na endam waruk mberarik, it yak ondosolar-e, Saulus na tula mborosoma erengen-nen Nagawan Indo kaidnak nde, Nagawan Indo-nen yak tidnak wene nde, Ndamsik-nen kwiye lag-et Yesus unu bem nggomo indid wene nde kerengga yak indij-o.

YIDNAK YIDNAK WENE 9:29

Woralar-e, Yawuri nap-net nde Yunani wene yugwi inmin-e wene yogola, wene eyak wat kerak mbogolar-e, it-nen-e at wururak tula kore yogolat woraiga-o.

OROMA 15:30

Nowe nowosi wa-e. Nenagawan Indo Yesus Kerisut ebem na, Konak Indi-nen enabuwa kaso elem wok nindidnak pem na, an-e kit kenmengen mbarusu-o. An totno-t an namanggim Mbal Pem Nagawan eram tepan kwara yogolat wolmog-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 1:5

Kerisut ebem-nen yi mende ndi mende winde rak konposolat, yi wene ndi wene yogolat, yi elem ndi elem kenaru yogolat yili-o.

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

2 KORINTUS 1:11

Kit-nen na yongga nondogolar-e, nenmanggim tepan yili-o. Nde, tepan kwarat nit nenmanggim yidnak na ndak tak posolar-e, Mbal Pem Nagawan-nen-e imbiringgat tak nonposola, nit nenpem ala, ap kwarat-nen Mbal Pem Nagawan wa yak togolat wolma-o.

2 KORINTUS 3:12

Nit ninndi-ge wene iri bem mbung mbung tak woragolat me, nir-e kwiye lag-et yili-o.

2 KORINTUS 6:11

Korintus woragwi nap wa-e. Nit ninndi-ge ebis-et kit kenpem puruk woragolar-e, wene nam-et nak yak kindige-o.

2 KORINTUS 7:4

An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.

2 KORINTUS 8:7

Kir-e yi mende ndi mende bem oboksa winde worali-o. Nde, iri-ge, kinndi angin tubu yugwi bem na, wene yugwi bem na, enaru yugwi mende bem na, ap yongga ondogolat kenmawi kundugwi bem na, nit nenabuwa kali bem na yili-o. Iri bem-e, ap enabuwa kagwi yabu bem-nen na kit kinndi lubug-et ap wok ondogolat tobog-o luk-nen yige-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

KOLOSE 4:3

Iri kwarogolar-e, nit-nen-e Kerisut owene kura wene aid wene iri-ge ap yak unduwok-nen Mbal Pem Nagawan-nen tu kuwara wok nunduwak-nen nit nenmanggim na tepan yogolat wolmer-o. An-e wene iri bem-nen kere kamat nibidnak worasu-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

1 TESALONIKA 5:25

Nennggamirak wa-e. Nenmanggim tepan yogolat wolmer-o.

2 TESALONIKA 3:1

Nde, nenggamirak wa-e. Nit nenmanggim tepan yogolar-e, Nagawan Indo owene na-ge kit kennggendumu-nen kwat yid na nggal-et ndag-et nak wigak yosola, kek tak puwakluk, tepan yogolat wolmer-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

PILEMON 1:22

Iri kwarosolar-e, an wolmomtak nondoro mbi lud tak puruk wolmin-o. Mbal Pem Nagawan-nen-e kit pidsa-nen tepan yili na kuluruk, tuguruk kit kendam nibil lobok yuwa-o luk perasu-o.

IBERANI 13:18

Nit nenmanggim tepan kundugu wolmer-o. Nir-e pempa konak nak kwat tenak wolmomtak nindingen me, nit-nen yebet kagwi ninndi iri-ge konag-et worasu-o luk perali-o.