EPESUS 6:17 - Nanduk Ngget Tul Pidnak Wene

¹⁷ Kit kinmiri yurak wene-ge enanggul ndimno nggal wanogolat, Konak Indi-nen wok kindidnak yalawi nggal wanogolar-e, Mbal Pem Nagawan engga irit waner-o.

EPESUS 6:17 ပူးပေါင်းရင်းမြစ်များ

2 SEMUEL 22:36

Nagawan Indo wa-e. Kar-e nggetlel nuburuk woralat, nimiri yoso-o. Kat-nen kwat noboso iri-nen an nunu worak tak poso-o.

YESAYA 49:2

At-net an nene yalawi anggat nggal anggat worak posolat, at inggi-net an nggetlel nuburuk woragij-o. At-nen-e mare anggat nggal nanggat kilik puruk, mbising kudtak pem nggeren wisirik pugwi nggal tak nibij-o.

OSEA 6:5

Iri bem-e mondok angin worak kenpem posolat, lak tak konposolat, yurak mbarigi wene yak kundurag-e an-nen-e an nene lomboksa yugwi nap inpil lobok yigi-o. Nde, kit-nen an kwat nuburak nindi perasu-ge mondok nam-et nak yur-o:

MATIUS 4:4

Nde, iri yosoloma, Yesus-nen wene erep nggarosolar-e: ”Mbal Pem Nagawan Engga mbarak pem-nen yosolar-e: ’Ab-e mburu bem nak unluk woragwi bug-o. Are, Mbal Pem Nagawan emndam-nen mbiridnak wene oboksa bem-net unluk woragwi-o’ ” luk yij-o.

MATIUS 4:7

Iri yosoloma-ge, Yesus at yak tosolar-e: ”Alat nde, Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan na indi ngarusu-ge meyog-o’ yij-o” luk yid.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

1 TESALONIKA 5:8

Alat nde, nir-e lengge imin kwin yidnak nap me, ninndi min-et wolmog-o. Nit-nen yorogolar-e, ninndi angin tubu yidnak min ap enabuwa kagwi elem min-e tagun nggal yorogolat, nenanggul ndimno nggal-e ninmiri yurak ninndi ebem mbung mbung tak woragwi iri na yuruwog-o.

IBERANI 4:12

Nde, Mbal Pem Nagawan-nen yidnak wene-ge uruk nak woraso, amawi kwarat-nen yusu-o. Yalawi anggat ponok ponok worak iri-ge anggar-e te-t nde, Mbal Pem Nagawan-nen yidnak wene-ge anggar-e terak minik-net yusu-o. Wene iri-nen at enarem nggosolar-e, enaboro-nen ukwe yugwi inndi na arik lenak posolat, inndi-nen ukwe yugwi inndi na arik lenak posolat, il min enpa min lenak posolat; ap inndi-nen ukwe ukwe yugwi min ap inndi arem-nen yebet kagwi min nam tak poso abam-nen yusu-o.

IBERANI 6:5

Mbal Pem Nagawan-nen yidnak wene na wanosolar-e, ”Wene yu-ge konak wene-o” luk wanurug-et nde, abok-nen wolmomtak amawi na-ge ir-e enaru lug-et nde,

NAM PARA WENE 1:16

At inggi kigit nggwe-ge wonaru tuju tena, nde, emendam nggwe-ge yalawi anggat ponok ponok worak iri-ge kenanggo, nde, at imbiriwak amare-ge mo eyak kererak pil wasolat nggal-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.

NAM PARA WENE 2:16

Iri bem-e kit meya yidnak iri keya buruk, kondok yer-o! Nde, kit nde kondok yigit lak ala-ge, an yanem lobok yosolar-e, yalawi nemendam kenanggo yu bem it iri-ge mbal inpimin-o.

1 SEMUEL 17:5

Nde, at iri na anggul imiri yoso topi-ge posid tembaga-nen konidnak mbi puruk, eragun-e posid tembaga-nen konidnak angin-e lima pulu tuju (57) kilo irit yoroso-o.

1 SEMUEL 17:58

Iri yamu, Saul-nen kin wok obosolar-e: ”Li ap kar-e ta ambara-o?” yosoloma, Ndaut-nen onggo yosolar-e: ”An-e Isal Mbetleyem nap iri na ambara-o” luk yak tij-o.