EPESUS 6:12 - Nanduk Ngget Tul Pidnak Wene

¹² Nde, nir-e ki nap inmin wim mbatli-ge lag-o. Are, amawi worak oboksa min amawi min nggweyak ma ndamuk yu tena woragwi nagawan min teram woraso amawi worak inndi meya min it iri inmin-et nir-e wim mbatli-o.

EPESUS 6:12 ပူးပေါင်းရင်းမြစ်များ

AYUP 2:2

Worala, Nagawan Indo-nen yak tosolar-e: ”Kar-e ngge me-nen lobok yigen-o?” yosoloma, at nen onggo yosolar-e: ”An-e nggweyak urugwe ombol yeba-t waring kil kil lobok yigi-o” luk yij-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MARAKUS 4:19

nggweyak ma mende unmud kagwi mende min yi mende ndi mende ombo wolmomtak indingen kagwi min ukwe akwe mende min enarem nggosolar-e, iri na-nen aid wene wanidnak na nggetla keya bosolar-e, ebe kwat yusu bug-o.

LUKAS 13:24

”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

LUKAS 22:53

An-e pempa kit kennggenggerak Mbal Pem Nagawan ama woraso-t nde, kir-e tena nibigit lak yigeb-o. Alat nde, yawo-ge kit-nen idnak tarem min ndamuk ombo-nen amawi yurak tare min-nen yusu-o” luk yij-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 16:11

Nde, nggweyak tena woraso na-ge abu ebem wene mbarak pidnak worasu me, Mbal Pem Nagawan-nen-e ap enpem wene mbarurag-e abu tel korarik worasu-o luk mirik unpuwa-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 8:38

Nde, Yesus nenabuwa kaso iri na arem-nen kuri worak nunpurak mende-ge mondok lag-o. Wat yugwi mende-nen na, unluk woragwi mende-nen na, aid nap-nen na, teram woraso amawi-nen na, yawo worasu mende-nen na, abok wok ma mende-nen na,

1 KORINTUS 15:50

Nanggamirak wa-e. Yu nggal yosolat-nen yigi-o: Nenaboro min nenmep min worali yu bem-e Mbal Pem Nagawan-nen tenagaidnak wi winde yurag-e meya-o. Nde, piri yoso mende-nen piri yoso buk mende winde yurag-e meya-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

EPESUS 1:21

Kerisut na iri me kek tak ibidnak worasu-ge, pemerinta nagawan min amawi worak nagawan min enmawi yugwi nagawan min nagawan-nen tenagaidnak wi min unnu worak nagawan nagawan min yawo worali na irit, abok wolma nap na irit, it oboksa-ge teberak woragola, terak minik ombol pem kek tak woraso-ge Kerisut irir-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

KOLOSE 2:15

E lang pang tak na bem-e Kerisut-nen-e pemerinta min enmawi worak ese mendak inpidnak min nggeyok tak inpij-o. Iri lug-e, at urugwe nggwe rak unpuruk, ap pidsa enlengen pem imbirik tak unpuruk mbirij-o.

2 TIMOTIUS 2:5

Keyari poso nap-nen keyari posolar-e, keyari pogolat-nen kwarugwi ndak ndag-et kwaridnak pem-net ombol nggwe yoso-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

IBERANI 12:4

Kir-e meya yogolat woragwi mende imin wim pogolar-e, awo keneyabi wirik pigit lag-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.