EPESUS 6:1 - Nanduk Ngget Tul Pidnak Wene

¹ Li marik marik wa-e. Mondok kwarurak wene-ge yu-o: Kir-e Nagawan Indo ebem woragolar-e, kineid kiniya-nen yidnak yidnak nak kwarogolat wolmer-o.

EPESUS 6:1 ပူးပေါင်းရင်းမြစ်များ

NDAK WIRIDNAK WENE 28:7

Nde, ereb-e Yakup na-ge eid min ija min-nen yidnak yidnag-et Mesopotamia mbirid iri na wene min aru lug-e,

NDAK WIRIDNAK WENE 37:13

Mbirigarik woragola-ge, Yakup-nen Yusup yak tosolar-e: ”Kar-e kowerak wam tusuangge mak togolat Sikem worali ereba iniyil mbiri-o” luk yak tosoloma-ge, Yusup-nen-e ”Ob-o” yij-o.

NDAK WIRIDNAK WENE 48:12

Yosoloma-ge, Yusup-nen ilirak mberen ya na-ge Yakup uruma-nen wud tak unpurug-e, ar-e eid eram erare nggwe tud yij-o.

NDAK WIRIDNAK WENE 50:12

Nde iri-ge Yakup-nen at elirak yak indid iri na ndak ndag-et kwarogolat-nen kwariga-o.

NEMIA 9:13

Mbal pem-nen kar-e Ndobo Sinai bem mbuwaigen-o. Mbuwasolar-e, kar-e kambik kilirak inmin wene mbarigen-o. Kat-nen-e ndemeret imiri mbarak pidnak wene mondok lud tak konag-et kwarogolat wolmomtak wene irit wok indigen-o.

ESET 2:20

Iri yamu-ge, Eset iri na-nen-e: ”An-e Yawuri kwe-o” luk yigit lak nak irit woragij-o. Nde iri-ge Morendekai-nen yurak pug-o yidnak pem-net kwarij-o. Nde, iri kwarid iri-ge Eset iri na-ge marik pem irid Morendekai-nen yidnak yidnak kwaroso iri na nggal-et kwarosolat-nen yigit lak yij-o.

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDAWI ENGGA 19:8

Nagawan Indo indi-n pidnak wene iri-ge ndemeret ap inndi alen tak poso-nen yusu-o. Nagawan Indo-nen ”Irit kwarurag-o” luk pidnak wene iri-ge inndi ngarak posola, nam-et yenggerak poso-nen yusu-o.

NGGOMO WENE 1:8

Nambara wa-e. Kar-e keid min kiya min-nen yak kuruwa wene-ge kwara yebet kudtag-o.

NGGOMO WENE 23:22

Keid nde woralep puk nggal-nen-e kar-e lak woraleb-et nde, keid ebem-nen kar-e worasu me, keid-nen yidnak yidnag-et kwari-o. Kiya nde indi worak yosoluk worala-ge, kek tak posolar-e abuwa-t yurag-o.

NGGOMO WENE 30:11

Ap erep-nen-e ineidtak imbiri lamut tak onpogolat, iniyarag-e kek tak inpigit lak yili-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

NGGOMO WENE 6:20

Nambara wa-e. Keid-nen yak kuruwa ndak ndag-et kwarurag-o. Kiya-nen nggomo kuruwa na mondok meme rak purak pug-o.

OSEA 14:9

Nde, Isarael nap-nen-e unkugwiwak ndak wosa pidnak mende ereba na-ge abu mbo buwa-o. An-nen-e it ndegel onposolat, it-nen tepan yuwa-ge an-nen-e enne kulimin-o. E angga pempa miri ludtak woraso nggal, an-nen nindipma rak onposolat woramin-o. An-e it inmbiringgat tak poso elem-net yusu-o. Nagawan Indo an-net yusu-o” luk yij-o.

TEPAN OMBO-NEN KWARURAK WENE 19:3

Kit kenambiktak-nen kineid kiniya-nen yidnak yidnag-et kwarogolat wolmomtag-o. An-nen yidnak ndak ndag-et we woragi tarem (Sabat) irit yebet kagolat wolmer-o. An-e Nagawan Indo Kenmbal Pem Nagawan-nen yusu-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 16:2

Nagawan Indo unu bem kwe iri wok uburag-o. Nde, iri kwasa wok unpugwi iri-ge Mbal Pem Nagawan-nen ”Irit kwaruwag-o” yidnak Mbal Pem Nagawan-nen len inpidnak nap-nen kwarugwi-ge irir-o. Kwe iri-nen-e ap kwarat yongga ondosolat, an na yongga-t noroso me, at-nen kit kenpem ukwe pidnak mende worala-ge, yongga-t wururag-o.

OROMA 7:12

Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

1 TIMOTIUS 5:4

Alat nde, kwe togwe na-ge ilirak min it-nen ndaidnak oworak nde woragola-ge, it iri-nen-e nandug-er-e it lolo iri-ge mondok ndegel unpurak iri enaru mag-o. Ndegel onpogolar-e, ineid iniya min onoworak min-nen it ndegel inpidnak iri onggo ndegel unpurag-o. Nde, Mbal Pem Nagawan indingen peraso mende iri kwarugwi irir-o.

1 PETERUS 2:13

Nagawan Indo ebem me, nggweyak ma worali pemerinta pidsa-nen yidnak yidnak nak kwarer-o. Yi nap ndi nap pidsa onmbol pem kek tak Kaisat na irit,

URUT 3:5

Yak tosoloma, Urut-nen yosolar-e: ”Nembab-o. Ob-o. Kat-nen yak nirigen irit kwarimin-o” yij-o.

1 SEMUEL 17:20

Yak tosoloma-ge, kub-e Ndaut iri na kubu kabu men yosolar-e, at olomba ereba na-ge lomba yik karok woraso nap misik yik karok wolmakluk ebem purug-e, at waruk mbururak nunggwi mende wanuruk yarik, Isai-nen yak tid iri na ndak ndag-et mbiridnggal-e Isarael nap san ombo-ge wim timbiril mborogolat kek kok pem mburukmu, Isarael nap wim nggogolat-nen woragwi sa wok yij-o.