EPESUS 5:9 - Nanduk Ngget Tul Pidnak Wene

⁹ Yaya iri-nen engen utlud posolar-e, konak nak kwarugwi elem min lud tak nak woragwi elem min ndemeret wene min irit pusu-o.

EPESUS 5:9 ပူးပေါင်းရင်းမြစ်များ

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

EPESUS 4:15

Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

EPESUS 6:14

Iri bem-e, kir-e tugup lak mendak wolmer-o. Ndemeret wene-ge tani are nggal kunpugulwak pem ngonoksa yutluk, lud tak nak kwarugwi-ge tagun nggal yutluk,

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

KOLOSE 3:18

Kununtak worak kwami wa-e. Kit kununtak unlugom tebeluk wolmer-o. Iri kwarugwi iri-ge Nagawan Indo ebem woragolat-nen kwarugwi-ge irir-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

IBERANI 1:8

Alat nde, Mbal Pem Nagawan-nen at Ambara yak tosolar-e: ”Mbal Pem Nagawan wa-e. Kat-nen tenagaidnak wi-ge pem-et woralik nalik ma-o. Kat-nen tenagaidnak wi arem woragwi nap enpem wene mbarosolar-e, wene lud tak nak mbaroso-o.

IBERANI 11:33

Nde, it inndi angin tubu yidnak pem-net wim nap nagawan-nen tenagaidnak wi ereba na inmin wim mbatluk, urugwe nggwe rak onpogolat, lud tak nak kwarogolat-nen Mbal Pem Nagawan-nen urul paga yak indidnak mende wanogolat, isilepma worak singa ndakngge na emende nggilil lobok yogolat,

1 YOANES 2:29

Nde, Kerisut na-ge lud tak nak kwaroso-nen yusu-o luk, kenaru nar-o. Iri bem-e, lud tak nak kwatli nap pidsa-ge Mbal Pem Nagawan ilirak-nen yili-o luk kenaru mer-o.

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.