EPESUS 5:8 - Nanduk Ngget Tul Pidnak Wene

⁸ Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.

EPESUS 5:8 ပူးပေါင်းရင်းမြစ်များ

YESAYA 2:5

Kit Yakup-nen wigarak wa-e. Nagawan Indo eyaya bem-et mborogolat wolmog-o. 2:6–4:6 Pasal yeba arem-e Mbal Pem Nagawan-nen-e inndi kek tak woragolat meya nak kwarugwi nap enpem angin worak mende poso wene mbarak worasu-t nde, unluk wolma nap ereba na kwat unpurak urul posolar-e, ir-e marak onposolat, ngget tak onposolat ma wene na mbarak worasu-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 50:10

Kit Nagawan Indo kek tak pogolat, at ndegel oboso nap-nen yidnak wene kologolat kwatli nap wa-e. Tula kit-nen mbitli iri-ge mondok yaya lak, ndamuk nggwe nde mbitli nde ma-o. Alat nde, Nagawan Indo ebem kinndi angin tubu yogolat, Kenmbal Pem Nagawan ebem nak wat tak puruk wolmer-o.

YESAYA 9:2

Ndamuk arem waring kaiga nap iri-ge yaya abinal worak kaiga-o. Nde, abu kan ndamak pem woraiga nab-e yaya elem iri na-nen yaya rak unpusu-o.

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

MATIUS 4:16

Ndamuk pem woragwi nap-nen-e yaya nggulok mbi kaigo-o! Nde, wat momtak elem ugumak-nen yemendak unpuruk woragwi nap enmanggim-e mo pil wagaij-o!” luk yij-o.

LUKAS 1:79

Lobok yid iri-ge, ndamuk arem woragolat, kwiye kali na lesa ninmiri yurak tulabiyem nenpeyekluk-nen lobok yij-o” luk yij-o.

LUKAS 16:8

Iri kwarij-o yogola kolosolug-e, eid na-nen tol ndok woroso nap mot mot kwaroso buk iri-nen indi nggat nggat pidnak karuk, erembel wanij-o. Nde, nggweyak ma nap inndi nggat nggar-e ijar-o. Nde, yaya bem worali nap-nen inndi nggat nggar-e lak nggal-nen yusu-o” luk yij-o.

YOANES 1:9

Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YIDNAK YIDNAK WENE 17:30

It enaru buk woraiga tarem-e Mbal Pem Nagawan-nen we yik nak eneyaruk keya inpij-et nde, yawo-nen-e yi wi ndi wi worali nap pidsa ’Kondok yer-o’ luk yak undusu-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 1:21

Ab-e Mbal Pem Nagawan enaru woragolar-et nde, ar-e Mbal Pem Nagawan-net yusu-o luk at kek tak ibigit lak, wa na yak tigit lak yiga-o. Are, it yebet kagwi indi na ebe lak mende kwat yosolat, it inndi-ge ndamuk yij-o.

OROMA 13:12

Kubu lak yosolat, o nda yurak panggo yusu-o. Iri bem-e nit-nen-e ndamuk arem-nen kwarugwi mende keya buruk, yaya bem-nen wim mbarugwi san wanuwog-o.

OROMA 2:19

Kit-nen peragolar-e: ”Nir-e enlengen ngguru nap ininggi waruk mborogolat, ndamuk arem worali nap na yaya rak onpogolat,

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

2 KORINTUS 6:14

Kir-e inndi angin tubu yigit lak nap inmin-e yabu ndak ndak wanurag-e ndag-e lak me, it inmin yabu wanurak pug-o. Lud tak nak kwarugwi elem-e meya nak kwarugwi elem min-e nggesa lambuksa wolma-o? Nde, yaya-ge nggesa-nen ndamuk min misiget luk wolma-o?

NGGALATIA 5:25

Konak Indi-nen nunluk tak pidnak ala-ge, Konak Indi nak-nen lit niniyuruk nosolat wolmag-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

EPESUS 6:12

Nde, nir-e ki nap inmin wim mbatli-ge lag-o. Are, amawi worak oboksa min amawi min nggweyak ma ndamuk yu tena woragwi nagawan min teram woraso amawi worak inndi meya min it iri inmin-et nir-e wim mbatli-o.

KOLOSE 1:12

Yaya nak woraso sa iri me marak nap inmin winde yobokluk ndak tak kinpidnak Nineid iri imin-e ”Wiwa-o” luk yak togolat wolmer-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.